أنا لاعب محترف . الي يعطيني اكثر اروح له
و لكن مازلت اتبع مبدأ معاملة وظيفتي الحاليه كـ حلالي الخاص طالما أنا اعمل في المؤسسه .
تحياتي من البلكونه
سؤال يقرقع في بطني
الحين ان قدمت على وظيفه تختلف تماما عن تخصصي
خبرتي اصلا ماراح يعطوني وجه والجميع يبحث
عن صاحب الخبره في نفس المجال يعني اطلع من
جهه لجهه اخرى واسوي نفس الشغل ! وش هالملل !!
اذا عن طريق الدراسه من جديد فهذا كلام كفار ماعندهم
سالفه .. من صجه الكاتب .. من بيدش الجامعه بعد الاربعين
يغير تخصصه ! ما صدقت خلصت ..
فكل صراحه هل غيرتي تخصصك الدراسي
ام تعينت بالواسطه ؟!!
لازم الدولة اتشجع اللي يبغي ينتقل لوظيفة غير وذلك بغرض الاستفادة من الخبرات
ايسمونه reinstatement او اعادة تاهيل لمكان افضل وهذا عادة للي مستواهم ضعيف ويقدر ينتقل لادارة ثانية في نفس المنظومة اما قصدي ايحطون اشخاص اكفاء في وظائف اخرى في هيئات ثانية للاستفادة والافادة
هذا يحدث في الشركات العالمية .... مدير تنفيذي ايحطونه مدير تسويق ومدير تسويق ايخلونه مدير مالي وهكذا
في النهاية المنظومة او الشركة هي المستفيدة
ولكن اهني اما يندفن الواحد او ايطير فوق السحاب
من الواسطة
مقال ونقل جميل جميل رائع .. كأنه يتحدث الكاتب عني .
ولله الحمد بعد عمل لمدة 17 سنه وبنفس المجال ودخلت بعمر الاربعين من العمر دخلت مرحلة الضيق والطفش مع عوامل اداره فاشله بمعنى الكلمه .. وتم السيطره على الاداره برفع كاتب للجهه العليا بما يحدث من احباط وتدني الاداره .. ولله الحمد تم تغيير الاداره وتجديد الدماء وتنوع التخصصات وتم تغير تخصصي لتخصص اخر وحسيت بتغيير كبير ونشاطي يتجدد من جديد ولله الحمد .
ارض بما قسم الله لك تكن اغنى الناس
الحمدلله ... ما لجأت لواسطة .. ولا غيرت تخصصي
بالعكس .. كل الموضوع إني تشعبت في جزء مهمل من تخصصي .. لقيت ان فيه جهات ثانية يدورون قطريين فيه ومستعدين يعلموني فيه من الصفر ببرنامج تدريبي وعقبها اشتغل عادي واخذ راتب تقريبا بحسبة ما يوازي اللي اخذه الحين .. مع تقديم بعض التنازلات اللي لا تؤثر على راحتي ولا تقلق بالي
وبالاجتهاد (ونشغل الدبل) بعد الراحة والتقاعد الذاتي في الحكومة .. عادي تلقى بوزشن اذا اتقنت الشغل وشافوا المسؤولين ان كل الكلام اللي انقال عن القطريين مجرد ادعاءات كاذبة بانهم ما يحبون الشغل ومايعرفون يشتغلون.
سوق العمل القطري واعد جداً جداً ..
لكن للأسف ما نعرف قيمة انفسنا كطاقة وقدرات في سوق العمل (العالمي)
القطري أفضل بكثير جداً جداً من الأجانب المستقدمين ..
لكن مشكلته إن تفكيره كلاسيك و ما جدد نفسه وأسلوبه.
عندنا بعض الأفكار القديمة وهي اللي مانعتنا من التطور والاستمتاع بحياتنا فيما يخص العمل ..
أنا قلت اني أدرس وكأني في أول ابتدائي .. مو معناته اني أغير تخصص أو إني أبدأ تخصص جديد مع إني أتمنى أسوي هالحركة
لكن فيه فرص أفضل اني ادرس تخصص اتمناه من زمان واخذ فيه ماجستير!
معطلين نفسنا على موافقات المجلس الأعلى واعتماد الشهاد والفرق بين الماجستير والبكالوريوس 300 ريال !!
اللي يبي ينتسب ينتسب .. وادرسوا براحتكم اللي تبون
اللي فعلاً درس واجتهد راح يبين على تفكيره وعطائه في جهة العمل وراح يقنعهم بأدائه وبيعتمدون عليه
وبياخذونه عشان البوزشن وهم اللي بيجون لي عنده
والحين دراسة الماجستير صارت أهون بوايد من قبل وفيه خيارات متعددة كثيرة.
طبعاً هالنقلة الكبيرة في حياة الموظف ماراح تكون إلا اذا هو كان فعلا مستعد ومجهز نفسه لهالنقلة
وينتظر فرصة تجيه باي طريقة كانت .
فعلاً ملل لو أنتقل من وظيفة الى نفس الوظيفة في جهة أخرى
اصلا كأنك يابوزيد ماغزيت
الفكرة ان الواحد يعيش في بيئة تحدي .. من تعلم تخصص جديد ..
وممارسة وتطبيق اشياء جديدة ويتعرف على ناس جدد بينهم تنافسية محمودة ..
كلن يشتغل ويثبت وجوده ويحافظ على وظيفته بكفاءته مب واسطته!
..يتغير جدول يومه واتغير حياته ويحس فيها .. هنيه المتعة والوناسة.
امممم .. ان شاءالله قدرت اوصل المعنى اللي تبيه
كنت مخططة لمداخلة غير كلش بس هذا اللي طلع معاي
التعديل الأخير تم بواسطة الجـــوديّ ; 26-02-2015 الساعة 03:10 AM