الحوادث .. طوفان طبيعي لهمجية طبيعية

[بانغ بانغ]

شباب في عمر الزهور .... شقوا طريقهم للقبور

عوايل تيتم اطفالها .... لان اباءهم اختاروا الرعونة باشكالها

ارواح زهقت بسبب طائش .... عنجهي كان او مغفل او فاحش

ووووو


ليش زادت الحوادث بشكل ملحوظ والدولة ساكتة

ليش ما تصير حملات لوقف الدم القطري بدل حملات تنظيف الشوارع والحملات الفاشلة الاخرى

ليش لا يتم تنظيم رحلات لطلاب الثانوية والاعدادية لارميلة والمشرحة والعيادات الخارجية قسم الاصابات ... لعل وعسى يمكن واحد يتاثر

لين متى ( وفاة شاب اثر حادث اليم )) .. جملة تتغنى بها الصحف ... وتبكى عليها العوايل


ليش وليش وليش

[qatari911]

اولا هذا يومه
وثانيا بعض شبابنا الله يحفظهم يسرع بالسياره كأنه يسابق ويلف يمين ويسار والمشكلة الكرك بصوب والجوال واتساب او سناب شات في صوب
واذا حذرته او كبسة له يوسع لك يكع بريك في وجهك على اساس انت الغلطان او يلف عليك
ونصير هالحوادث ويروحون شبابنا والسبب من من؟؟
من التوعية داخل البيت
ولد في سن المراهقة ينعطى سيارة والاب والام ردهم على اي حد ينتقد ولدهم خلوه رجال مشاء الله عليه
واذا صار الحادث قام يلوم الغير
وانا بعد مع الحملات التوعوية اذا بتأثر فيهم

[كازانوفا]

بالفعل من يومين وصلني تقريبا 4 او 5 حالات وفاة وكلهم صغار وفي واحد كبيرررر
لذلك ارفض تماما اني اعطي ابني سياره لو يوصل عمر 18
ياريت يكون في قانون صارم بان ياخد الشاب الرخصه بعد عمر 21 والبنت 25
عارفه في حالات بس اكيد بيكون في استثناء

[ضوى]

اثنين من ربع اولادي الله يخليهم ويحفظهم يارب توفوا في حوادث خشنه ، ماتتخيل الصدمة اشلون شديدة علي ، اتخيل امهاتهم ولدها يموت جدامها بسبب سرعة والا سوء تخطيط شارع والا بسبب سايق طايش ، لازم يكون فيه ردع اشلوم بالفعل ماني عارفة

[راجي الْعفو]

موضوعك كل وقت يتردد في بالي ..

ودك تبكي عليه ..



لابد من جدية أولياء الامور في التعامل مع أبنائهم


فهذا الزمن


ليس كالزمن السابق



قبل فترة شفت ولد عمره تعطيه عال 18

معاه نيسان و مسرع ، صفط جنبي عند دوار فقلت له

وش عندك مسرع وانا اخوك لاحق عاللي تبيه

و ترى اهلك يبونك

الله يصلح الحال

[بومحمد المطاوعه]

الله يجزاك خير

والله شي مؤلم
لو شفنا هالحوادث

والله يهون قلب كل ام فقدت ابنها
وكل زوجه فقدت زوجها
وكل ابن فقد الأب
وكل اب فقد ابن له


الله يحفظكم ويحميكم يارب

[بانغ بانغ]

المشكلة اللي يتسبب بوفاة نفسه ,,,, هذا مب مشكلتي , الجزاء من جنس العمل

بس اللي يذبح خلق الله

من كم سنة في الوكرة , واحد حاطين عشاه في البيت ومع اعياله واتصله رفيجه عشان مشوار وانقلبوا على خط مسيعيد هو مات ورفيجه تم حي

والله ابوه شفته في المركز اليوم الثاني ايصيح وكان قاعد ياخذ اغراض ولده

والله ايقطع القلب الموضوع ..

ايقولي البيت مصعوق وولده الصغير كان ينتظره

لا حول ولا قوة الا بالله

[بانغ بانغ]

ايش سوت الرادارات والمطبات

ليش تركيز المرور على داخل المدينة ويهملون خارج المدينة صوب سيلين والعديد وخط الشمال

[عثرة جواد]

السلام عليكم

موضوعك مولم بقدرماهو محزن

انا اشوف انة قلة الوعي هو السبب الرئسي لو تعلم الولد من بداياته

الخطر الي يصير ف حالة التهور اتوقع بتقل بشكل كبير

وانا اشوف انه الاسرة هي العامل 2 ف التوعية بعد الدولة

وساعات القسوة تفيد بعض الشخصيات

عساك ع القوة

[Rider]

موضوع فعلا محزن لازم المرور يشوفون حل للحوادث المميتة بدل تجميع فلوس المخالفات المفروض الي يسرع سجن أسبوع وحجز السيارة 3 شهور وغرامة مالية ووضع صورته في الجريدة