المشاركة الأصلية كتبت بواسطة يمامـة
اعتقد ان بعد قوم ياجوج وما جوج من الحريم.................> ليه كوذي يا بوعلي؟!!
مب عارفة بالفعل شنهي علاقة ارتفاع اسعار البائعات والبائعون في الانستغرام بالحريم!!
فهل ارتفاع اسعار السيارات سببها الحريم بعد؟
المصيبة كل المصيبة يا بوعلي في الثقافة الشرائية للمجتمع بكل انواعه..
لما اييني ولدي يقول لي ماما.. ممكن اطلب شي من الانستغرام.. ماما خاطري فيه
ماما لا تقولين لا.. قلت له وشو؟ قال لي شي طعمه حلوو.. واختي تعرفه لان بنت خالي اطلبت منه و... و..
كلمت اخته قلت لها شوفيه اشيبي واطلبي له..
خلصوا واطلبوا واحجزوا وعقب كم يوم بيوصلهم الطلب.. ولما كلمني المندوب اوصف له البيت يقول لي
الحساب 340 ما ادري كم شي في هالحدود!!
اخرتها قواطي فيها حليب بنكهات الكوافي المختلفة 14 قوطي اجباري تشتريهم بكج واحد..
فهل اليوم ولدي لما حن يشتري هالشي فهذا معناته انه الحريم هم السبب؟
او زيادة الراتب هو السبب؟
هل لما اشوف تهافت الشباب انهم ياخذون من هالماركة او ذيك الماركة معناته ان الحريم هم السبب؟
هذي صرعة ضاربة المجتمع والكل هاب فيها..
بعدين يا بوعلي .. ترى بعض الجنسيات العربية قاعدة تبوقنا بوق واحنا ندفع ونضحك لهم..
فليش نستخسر على تاجرات الانستغرام انهم يسترزقون؟
السوق عرض وطلب.. ومحد يجبر حد انه يشتري بالغصب.. الغالي اللي ما يستاهل بلا منه
واللي يستاهل وحاب يدفع كيفه واللي يستاهل لكن مب حاب يدفع بعد كيفه..
الاهم ان الواحد لا يشتري وعقب يصيح الداد غالي وشريته و .. و ... و....
انتظرونا قريبا في حسابنا الجديد لبيع افخر انواع البهارات والبزار بكل انواعه
ام السعف للبزار