عندي نقطة نظام على الشروط اللي ممكن تكون معقده اشوي وتعجيزية بالنسبة لجيل الشياب اللي مثل حالتي ..
الان في قطر وهذا اللي مخطط له هو تصدير المعرفة من خلال رفع مستوى القبول في الجامعات وتحديد معايير وستاندرز بحيث تكون مخرجات التعليم الجامعي عاليه وتلبي احتياجات الدولة
ومتطلبات التطور والتغيير اللي يصير في العالم اليوم
انا خريج بكالوريوس جامعة قطر 1999 ايام ما كان التدريس في الجامعه نفس تدريس المدارس بالضبط اسلوب التلقين خذ ملخصات ادرس وتعال امتحن .. الدراسة بالعربي .. لا نسوي بحوث .. لا نظام الكتروني كله ورق .. لا نسوي كيس ستدي .. لا مشاريع تخرج .. لا ورش عمل .. لا دورات تأهيل ... لا مصادر تعليم متنوعة ... إلخ
التحقت في جامعة قطر لدراسة الماجستير ووجدت الصدمة والعجب العجاب .. جاني شعور اني متحسف على البكالوريوس لاني ما تلقيت التعليم اللي يتلقاه اليوم طلاب جامعة قطر
في مختلف التخصصات من اسلوب تدريس ووسائل تدريس ومنهجية في الدراسة وفوق هذا المتابعة والحرص على المحافظة على معدل أدنى من تفوق الطلاب طول فترة دراستهم
يعني لو ما تحقق معدل جيدجدا ما راح تتخرج بل راح تتعرض للطرد من الجامعه
مستوى تعليمي قوي صراحه واظن الحال نفسه في جامعات المدينة التعليمية ..
كثير من الدول الان بدأت تشتغل على التعليم الجامعي .. وبدت تصدر المعرفة وتعتبرها مورد مهم من موارد الدولة .. ومن هالدول في الوطن العربي قطر والأردن
الأردن الان راح تبدأ تشتغل في هالمجال وراح تكتشفون ان معايير القبول راح تتغير عندهم وتكون مرتفعة
في بريطانيا الان هناك في بعض الجامعات نوعين من الشهادات للخريجين وحده انترناشونال ( اللي جايين من برا يدرسون في بريطانيا ومش مال دراسه همهم الشهادة بس ) .. والثانية للبريطانيين انفسهم المقيمين في بريطانيا
الأولى ما تأهلهم يشتغلون فيها داخل بريطانيا ..
المراد
ارتفاع شروط ومعايير القبول بسبب متطلبات معايير تحقيق برامج الدراسة التي تلبى وتحقق نتائج مخرجات هذه الدراسة
وانا مع هالشيء .. يمكن جيلنا يواجه بعض المشاكل مع الالتحاق بمثل هذي البرامج في الدراسات العليا ..
لكن للأجيال القادمة اللي من الاساس مستواها التعليمي في البكالوريوس متوافق مع مستوى الدراسة في الماجستير اعتقد ما عندهم مشاكل
لانهم في الاساس يعرفون هالمعايير والمتطلبات أثناء دراستهم للبكالوريوس ..
الله يوفق الجميع .. وياليت اللي بيمر عليهم اليوم يعطينا المعلومات اللي ممكن تفيد المهتمين في استكمال الماجستير