السلام عليكم ورحمة الله وبركاته
{وَمَا مِنْ دَابَّةٍ فِي الأَرْضِ وَلا طَائِرٍ يَطِيرُ بِجَنَاحَيْهِ إِلاَّ أُمَمٌ أَمْثَالُكُمْ} [الأنعام: 38]، فله حقُّ الرِّفق والرَّحمة كحقِّ الإنْسَان: "الراحمون يرحمهم الرَّحمن"[1]
بس بداية هذا الموضوع مش مديح لنفسي ، بس انا انسانة أحب الحيوانات وايد وفيني رقة عليهم بشكل محد يتصوره
بالأمس صار لي موقف ضايقني شوي ، وخلاني أفكر واستنكرت رد فعل (المسلمين)
أمس كنت بمنطقة الهلال وتحديدا ورى مدرسة اظن زبيدة ماعرف المهم كان في قطو توه مدعوم
وانا جاية لمحته وشفت كل سيارة مرت عنده (تجاوزته)
وقفت عنده (مواجهته) وضربت (دينجر) ونزلت كان عندي خلق تلبيسه سيارة ف الشنطه مابيه خذته وشليت القطو فيه وحطيته على جنب .
ايش رد فعل العالم ؟؟
والله العظيم ان كلللللل شخص مر علي
سواء على سيكل ، او سيارة
هندي ، مقيم ، قطرررري
يوقف يضرب بريك عندي يطالعني باستنكار ان انتي شتسوين .؟
طبعاً احتمال الاغلبية يحسبون ان انا داعمته بحكم طريقة وقفتي
والاغلبية مستنكرين هالشي بسبب النظرات ، يعني لي انا وقفتوا تطالعون ولما القطو بالشارع تمشون ولا كأنه موجود
يا عالم ، شوفوا المسيح شلون يرفقون بالحيوانات ويعطفون عليهم ، ولا تنسون ان بزمن من الازمان أمرأة دخلت النار بسبب قطة !
الرفق بالحيوان (وااااااااااااااااااااااااااجب) !
مادري اذا انتو كمسلمين درستوا هالشي أو لا !!
للعلم أنا مش أول مرة اشيل قط ميت بالشارع دائما لما اشوف قط بالشارع (وتجيني فرصة اشيله ، اروح واشيله)
يا جماعة ترى لو شفتوه ميت بالشارع وتجاوزتوه مب يعني سويتو خير ، خليتوه لغيركم يدوسه لين يختفي !!!
يمكن اكون انفعاليه بس الموضوع مضايقني ، لاني متأكدة لو الوضع هذا هناك بالغرب ماكانو بيخلون الحيوان جذي !!
سؤالي / هل الغرب أفضل منا في الرفق بالحيوان ؟؟!!