كل سنة تقريبا تطلع لنا شركة جديدة سواء حكومية او شبه حكومية نفس حصاد والفنادق والمترو / الريل وسهيل سات وكل القطاعات الاخرى مواكبة للتطور العالمي في مختلف هذه القطاعات
ما دام في خطة لانشاء هالشركات بقطاعاتها المختلفة
ليش ما يبتعثون قطريين للتخصص وللاضطلاع في مهام هذه الشركات قبل الانشاء وذلك للاكتفاء البشري في هالشركات
لين متى بنجيب اجانب وكأنه القطري عمره ما راح يفهم في الزراعة او الفضاء او السكك الحديدية او الفندقة
سؤال لتطييب الخاطر
اقتراح ممتاز
بس المشكلة هالشركات ربحية ماتبي تتخسر تبي تربح بس
ارتقوا فإن القاع مزدحم
تسلم لمرورك الحلوالمشاركة الأصلية كتبت بواسطة r 7 a l
مثلا لو اتدش اي مجلس او قهوة او اي مكان
اجزم لك ان نسبة كبيرة منهم دارسين مالية او تخصص واحد متشابه فيما بينهم وكل واحد شغله في غير التخصص
حراااام والله عندنا كفاءات مدفونة
واحد من الربع لعبته it وامور الفلك , شغال مسئول hr في وزارة
وين دور وزارة التنمية الإدارية
الا يعقل ان لا تقوم بتوظيف ذوو الكفاءات في الأماكن المناسبة وحصرهم
ناس تاخذ شهادات تخصصية ويتم توظيفها في أماكن ليست ذات علاقة
وينهم حملة الدكتوراة والماجستير اللي بس فالحين تصوير في الجرايد ووقت الجد أول واحد ما يعطي رأيه
السلام عليكم
بس اخوي هااي الشركات يتم اتعاقد وياها مع العمالة مب بس الشركة بروحها
وبعدين يجي التوظيف القطري مكمل لسياسة الدولة
مشكووورة الشيخة
بس هاي شركات قطرية , يعني الاستمرارية sustainability لهل قطر
والعمالة الأجنبية اتساهم في التأسيس والتدريب وباقي الاشراف الفني
مثلا حصاد توهم قاعدين ايخصصون ناس في مجال الزراعة وكذلك الفنادق
شاكر لك
لأن مشاريعنا وليدة اللحظه
مشروع الريل بايام المعرض المهني من كم سنه
قلت له بقدم اوراق مهندس يدرس تتبنونه قال ابشري هاي اللي نبيه
بنخليه يدرس ونحول كل مخصصاته الماليه علينا ولين كمل نوظفه
وابد والله
كلاااااام فقط
هالمقترح مجررررد اقتراح وبيتم اقترااح
اذكر لما تغيرت ادارتنا طلبوا اوراق توظيف قطريات وقدمت لهم 6 بنات
و5 شباب
ولحد الحين جاري تطفيش المواطنيين
وركنهم
الله كريم
انا بنت
حتى لو جاكم قطري مؤهل و متخصص فالمجال، بيحطونه "عالرف" براتب.
كفايه استخفافا واستهتارا بالكوادر والكفاءات القطرية.
ضاع عمرنا واحنا ندرس في تخصصات لا نستطيع ان نخدم بها البلد والسبب وظائف لم و لن تفصل لنا!!!
القطري مجرد استثمار أكاديمي مسيره للأرشيف لان اذا ماكان فيه ممارسة فالوظيفه راح يكون مجرد مكتبة معلومات، لا تتصور انه بيكون عملي ومؤثر في عجلة التنمية. ليش بيخلونا؟ تزهيق لحد الاستقالة علشان جون و مارك يشتغلون. عيب نزاحم ضيوفنا ونقطع رزقهم ولا شرايك؟
اذا سالت الاجانب أنفسهم بيضحكون وبيقولونلك مسكين القطري يداوم كل يوم عالفاضي. لا تنسى ان هالكلام بيصدره لبلاده وفالاخير منظرنا بيكون "بايخ اوي".
سؤالك. "متى سيتم تفصيل الوظائف للقطرين"
الجواب. لما ندرك بأن عجلة التنمية الحقيقية لا تقوم الا بسواعد القطريين أنفسهم.
دمتم بخير
اي ميزانية مشروع لا تخلو من بند تدريب فالحاصل انه المدير القطري يحول هذي الميزانية على اساس انه وفر في الميزانية
ضوابط المشاركة
رد مع اقتباس
