إختلاف المستوى التعليمي بين الزوج و الزوجة ( للنقاش ) ..

[بصمة قطرية]

الله يهديج بصوم حد ينزل موضوع نقاشيء الساعه 2 الصبح

لي عودة بعد ما اكرك واصحصح

صباحج سعادة ..
نزلت الموضوع قبل لا أنام
عشان تشاركون الصبح

[بصمة قطرية]

صباحك خير بصمة

موضوع جميل ولي عودة اول ما اوصل المكتب

لان سيطرح الكثير من القضايا المعقدة والعقليات الغريبة

صباحك نور و سعادة أخوي بانغ بانغ ..
في إنتظار مشاركتك و مشاركات الأعضاء
و طبيعي راح نشوف إختلاف في وجهات النظر ..

[بصمة قطرية]

صباح خير ..
تعليم لا يعيق الحياة الزوجية سواء لزوج أو الزوجة ..
كثير من ناس نصيبهم في التعليم قليل وهذا رزقه وهو ليس أساسا وهذا ليس معناه أن المال هو أساس ..
رغم ذلك لهم عقيلة واعية وبنائه يقدير منها تربي ويفتح بيت .. وقد يكون فجوة عند صاحب شهادة ويكون أحسن مئة مرة من عندة دكتوراة ..
أمهاتنا وآبائنا الله يرحمهم ربونا وهم لا يعرفون القراءة والكتابة ولم تكن الفجوة موجودة ..
فجوة صنعتها أختلاف التفكير والمفاهيم فقط وليس بسبب التعليم أو المال ..

صباحج ورد إختي ..
وجهة نظرج نفس وجهة نظري ..
أشوف إن الرجل إذا كان موظف و كداد
خلاص ..
هالشي كفاية ..
و التفكير و الفجوة مرات تكون موجودة عند الجامعي ..!!

[بصمة قطرية]

السلام عليكم .. بالنسبه لي كطبيب مااقبل بزوجه اقل مني بالمستوى التعليمي يعني خريجة ثانوي او غير متعلمه ..
لكن اوافق ان زوجتي تكون ماعندها شهادات عليا مثل الدكتوراه وطبعا اشجعها لين تدرس وتاخذ اعلى الشهادات.

و عليكم السلام و الرحمة
صباحك سعادة أخوي طبيب ..
يعني يهمك إن زوجتك ما تكون أقل منك في المستوى التعليمي ..
من حقك هالشي طبعاً ..
و لا ممكن أي شخص ينتقدك ..

[بصمة قطرية]

طبعا الموضوع بالاخير موضوع الراحة النفسيه والقدره على تقبل افكار الطرف الاخر وعقله ..

بالضبط أخوي ..
الراحة النفسية هي الأساس
و بناءاً عليها كل شخص يبدي رايه ..

[احبك يابلد]

انا باقولكم من منظوري كا رجل يجب ان تكون المراءه متعلمه وكل ما كانت متعلمه كل ما كانت افضل

[بصمة قطرية]

عادي
اهم شي مثقف ومخه مب قفل
في وايد مادشوا جامعات ولا مدارس لكن مثقفين وفاهمين الدنيا
وفي ناس معاها دكتوراه لكن عقليته ابو جهل وصعب المعشر

صباح الورد إختي
أتفق معاج في اللي قلتيه ..
بالنسبة لي أشوف الحياة هي اللي تعلم الشخص و تثقفه
مش الشهادات ..

[بصمة قطرية]

ثانويه .. ممتازه

بكالريوس.. تنبلع ..

دكتوراه .. ماني بحولها..



ابي ربة بيت مش ربة عمل !

صباح الخير أخوي همر ..
و لو كانت الزوجة غير متعلمه
أو تعليمها بسيط إعدادي مثلاً ..
هل هالشي بيكون عائق ..!!
طبعاً مع الأخذ في الإعتبار
إنك قلت ربة بيت ..

[همر]

صباح الخير أخوي همر ..
و لو كانت الزوجة غير متعلمه
أو تعليمها بسيط إعدادي مثلاً ..
هل هالشي بيكون عائق ..!!
طبعاً مع الأخذ في الإعتبار
إنك قلت ربة بيت ..

صباح النور ..

عائق لشنو بالضبط ؟!!

قبل كان الرجال يقول مافي حوار

بيني وبين زوجتي لان زوجته مش متعلمه

والاخ فيلسوف زمانه ..

هالايام مع التلفونات الذكيه من مايعرف

اي شي في اي مكان عن كل شي ؟!!

الكل يفتي ويتكلم في كل المواضيع

تبي حوار تحاور انت وياها ابيض

وذهبي ولا ازرق واسود ..


المهم المره تقرا وتكتب عشان

تدرس عيالها ..

اكثر من جيه بذخ ..

واقل من جيه عذر حق الزوجه

الثانيه ..

[بومحمد المطاوعه]

هل تؤمنون بمقولة :
( الرجال ما يعيبه إلا جيبه ) ..


في إنتظاركم ..
تقبلوا ودي و إحترامي ،،

جزاكي الله خيررر يالشيخه

انا ضد هالمقوله

الرجال يعيبه كل شي

مب فقط جيبه

اخلاقه
وتربيته
وشخصيته


وبخصوص الموضوع
خلاص الحين اغلب الناس يعرفون يدرسون عيالهم حتى لو ماعندهم شهادات

امي الله يحفظها لي شهادتها ابتدائي
وماشاءالله عليها درستنا كلنا فالبيت
وبعض الاحيان نجيب مدرسيين

لين ولله الحمد الحين تدرس عيالي وتعلمهم

الله يطول ف عمرها وعمر امهاتكم

وابوي الله يرحمه كان يحفظنا القرأن ويعلمنا امور الدين وامور اخرى
رغم هو كفيف البصر
من عمره 18 صار اعمى فديته
الله يرحمه ويغفرله ويرحم جميع موتى المسلمين يارب

تحياتي لج ع الموضوع الطيب اختي الكريمه