شلون نرجع حريم قبل السنعات؟!

[رهج السنابك]

دايما وبكل مناسبه نقول شوفوا حريم قبل كانو سنعات
حريم قبل ماكانوا يسوون جذي
حريم قبل كانوا هبات ريح
بعد دراسة وتمحيص وجدت ان الفرق بين بنات هالوقت وحريم قبل شيئين سهلين وبسيطين اذا تخلصنا منهم بنرجع حريم قبل السنعات وبنساهم في استقرار الاسره اكثر
1- الغي الهاتف الجوال من حياتج
2- خففي العذر الي ماله سنع (ابي اساعد زوجي بالمصاريف)


اذا حذفتي الجوال وقعدتي بالبيت ورتبتي حياتج وصبيتي اهتمامج بالبيت بترجعين حرمة قبل وبيغني فيج الشعراء ومابنقول وين زمن الطيبين

هل صعبه؟!!
والله من اجمل الايام اللي الواحد يستغني فيها عن هالنقطتين

[راجي الْعفو]

في العموم ، انا معاج يالارستقراطية

بس نعطيها جوال نوكيا بو ليت خير و بركه

تتصل منه وترسل مسجات اذا انخفض الرصيد !

[ولد العرب]

مالك لو ياستقراطيه عندنا نماذج خير مثال يجبون هم والغم
مش صحيح والامر يرجع لتربيه
او
مطلوب دكتور عكاشه لكم

[بصمة قطرية]

حاولت أفهم إش علاقة الجوال ..
شكلكم متأذين منه الله يعينكم

نحن الحريم السنعات الحمدلله
و موجودين و يضرب فينا المثل ..


بس وين الشعراء يتغنون فينا

[Dana’1]

اذا انضبطوا الرجال مو بس حريم قبل يردون حتى حال هالأمه يرد مثل قبل^_^

مع العلم إن فيه حريم والنعم فيهن في هالوقت والا قبل والعكس صحيح
نفس الشي بالنسبه للرجال طبعا^_^

[بنت شرق]

لكل دولة رجال ،،،وبكل مجتمع أمهات سنعات

[بانغ بانغ]

ما شاء الله اعرف اخوات فاضلات من العايلة عندهم ستة وسبعة وتسعة اولاد وموظفات وقايمين في بيوتهن

الفئة اللي يبغيلها ارشاد المراهقات الفالتات واللي مساكين محد وجهن

[ودي أكون]

اشدخل التلفون في السنع يالاستقراطيه

اذا تبينهم يتعلمون السنع، لازم الخدامات يتسفرون.. انا ما تعلمت بعض الطبخات الا يوم الخدامه سافرت ويلست مكانها

احين مستحيل مالت المطبخ تتحرك قبل مايكون في وحده مكانها

[همر]

ومن قالج انهم يبون يرجعون حريم قبل ؟!!

[بنت شرق]

ومن قالج انهم يبون يرجعون حريم قبل ؟!!

حريم قبل كانوا بشقاء وضيم ،،،الظاهر ماقعدت مع العجايز ،،،