الحين الرواتب والا النت والا الجوال
|
الحين الرواتب والا النت والا الجوال
لست فقط محاسباً على ما تقول، أنت أيضاً محاسب على مالم تقل حين كان لا بد أن تقوله.
_مارتن لوثر كنج
احسن شي شيلوا المقارنة ترى حتى حريم قبل كانوا امهاتم يعايرونهم ان الجيل اللي قبل كان احسن منهم*،
ولا شك ان المادة غيرت من شكل ولون المجتمع بس لازال اهل الخير اكثر
شسالفه
حتى الحريم قلبوا على الحريم
رفقا بالقوارير ياقوارير
المشاركة الأصلية كتبت بواسطة نوفا91
الحين الرواتب والا النت والا الجوال
الكرك
هذا واقع ليش ننكره وننكر دور الوعي وخصوصا لما يكون منهم
بالعكس
مايعرف يسنع المره الى المره هذا معروف عندنا في قطر ويعرفونه الحريم كلهم
من رويس شمال الى طعس البغله جنوب
خلهم يتصافون مع بعض احسن يالعكس يالاستقراطيه قو هد موضوعك مميز
وبدينا نسمع اصوات نسائيه شريفه من امثالك تطالب بصليح الوضع السئ
ذكرتيني بموضوع دانه نزلته وشوي واحذفته يخافون هجوم شياطين الانس الله يكفينا شرهم
ظاهرهم الاصلاح وباطنهم العذاب
السلام عليكم
اللي يقول الغلط او النقص او الخلل في الماديات غلطاااااااااااااااااااان .,
لازم نرجع في اول درس للتغير ., (( لا تتهم اي حد الا نفسك ))
اي شخص يجوف الحريم فيهم اغلطان يبداء يكتشف السبب و يصلحه .,
مافي شي اسمه انقطعوا عن العالم وجابلوا ابيوتكم .,
المشكله اللي صارت ., صار تخلي عن دور الاب والام ., مو الخلل في الفون او غيره
والا انرد لعالم 1022 ميلادي عشان انرد سنعات !! والله كلامكم محرج مو لانه تفكيرك ما يدور الحلول ., محرج لانكم في دوله لها طموح ورؤيه ومستقبل
عيل في 2030 اشلون بنتواصل بالزاجل ., والبنات ما بيشتغلون الا في البيوت ., وما بنسوق سياره لان حريم قبل كانوا ع الخيل او الحمير .,
لو علي جيه ., ننفع يخلونا في سوق واقف ^^
واخر شي رد ع سوالج اشلون نرجع حريم قبل السنعات ., !؟ مانبي اصلا انرد نفسهم نبي سنعات بس مرنات وواعيات
ويسلموو
.,
تجري الرياح كما تجري سفينتنا ., نحن الرياح ونحن البحر والسفن .,
ان الذي يرتجي شيئا بهمته ., يلقاه لو حاربته الانس والجن ,’
فاقصد الي قمم الاشياء تدركها ., تجري الرياح كما رادت لها السفن .,
.,
زين كلام سليم شنهي الحلول من وجهه نظرك
شنسوي مايسير المرأة العاملة تقوم بكل دورها هذا ضلم لها
انا عندي اقتراحات بس مهب الحين باكتبها بعد ماخلص شوي
حلول وخطط تناسب الرؤيا 2030
ماطرحتي افكار تخدم المجتمع
مقارنة عقيمة ..
مرة فتحت موضوع حق وحدة من قاربنا هي مرأة عجوز وهي توفت الله يرحمها برحمته ويسكنها فسيح جناته ..
وأنا اعتز بها وبكلامها ..كانت أسمع حريم يقولون أنه حريم اوول هبات ريح وأن جيل الحريم الحالي دلاليع ..
وبصراحة كان موضوع يعور قلبي لانه كل شقى الدنيا لى نشوفه من المسؤولية من بيت وعيال ودوام كأنه لم يكن ..
كم مرة أسمع أنتوا ما تسون شيء .. أنت إلا تربية خدم وكنت أنقهر من الكلام لانه اللسان ما به عظم .. كل يشوف الدنيا من زاوية ويكون وليد اللحظة لو انهم عالموا الغيب كان تقوة الله في كلامهم ..
سألتها يمه : حريم أوول كان حياتهم شقى والا حريم الحين ؟
قالتلي : حريم الحين يشقون أكثر ..
أوول ما كان بيوتنا كبيرة ونطبخ في جدر واحد وماهونه واحد كل يتجمع ناكل منه وحتى ريل عنده ثوب والا ثوبين لا كوي ولا شي ونخم الحوش بالسعف ولانه ما في بلاط وجار يساعد جار وعيالنا نهدهم مع اهلنا أو جيرانا أذا طلعنا نشتغل وساعة نربط الباز ريله في الكرفاية ونطلع نخلص شغلنا ونرجع نلاقية مزبد من الصياح .. بعضهم يأجر صبي يساعد في شغل البيت ..
ما لحين تغيير الحال بيوت كبرت وكثر اغراضهم وصرنا بخير ونعمة مابه وقت واحد يخلص شغلة ..
كل يطلب من المرأة تكون سوبرومن وتنظف وتطبخ وتربي العيال وتشتغل وتستغني عن الخدم والجوال ما دري ليش الجوال لانه يضيع وقتهم ما ستغلوه في كرف وخدمة بيوتهم وحرم اوول ماكان يشوفون مجلة سيدتي ومجلات مديلات الازياء كل يوم عند الخياط وبرنامج ذهبي جابي كانوا يشفون الموضة فيه .. ويقعدون بساعات على التلفون الارضي يسولفون مع ربعهم وأذا جا أخوها شردة لا يشوفهم هههههه مصيبة عليه قفل .. مصيبة حريم الحين ما تبونهم يشتكون وفضفضون من كثر الشغل إلى على رأسها !!!!
التعديل الأخير تم بواسطة moonبنتnight ; 02-03-2015 الساعة 07:33 AM
جمال القلب : بالخوف من الله .. وجمال اللسان: بذكر الله .. وجمال الحال: بالإستقامة .. وجمال الروح: بالشكر لله
هلا .,زين كلام سليم شنهي الحلول من وجهه نظرك
شنسوي مايسير المرأة العاملة تقوم بكل دورها هذا ضلم لها
انا عندي اقتراحات بس مهب الحين باكتبها بعد ماخلص شوي
حلول وخطط تناسب الرؤيا 2030
ماطرحتي افكار تخدم المجتمع
كحلول ماعندي .,
انا بقولك اشلون ممكن انتغير بسلاسه ., عن طريق الوعي .,
نؤمن ان الخلل فينا واحنا المقصرين ., اندور احلول للمشكله ونستعمل الاشياء الحديثه لمصلحتنا .,
تبع العالم بس بمبادئنا ., وقيمنا وتربيتنا الاسلاميه والعربيه
الافكار عندك يا استاذنا
ويسلموو
.,
تجري الرياح كما تجري سفينتنا ., نحن الرياح ونحن البحر والسفن .,
ان الذي يرتجي شيئا بهمته ., يلقاه لو حاربته الانس والجن ,’
فاقصد الي قمم الاشياء تدركها ., تجري الرياح كما رادت لها السفن .,
.,
حريم قبل كانوا يسمعون نفس الكلام وانهم مب سنعات،
حبوا يطبقون نفس اللي سمعوه علينا.
وبس.
ضوابط المشاركة
رد مع اقتباس
