السلام عليكم ورحمة الله وبركاته،،
بصراحه كثرت المواضيع اللي تتكلم عن ( هيه وهاي وهو ) ها ها و ( وهيه وهاي وهو ) هو هو
لحد يغني، جات ع بالي وقلت احطها
مع اني والله من صغري ما اسمع اغاني بس مادري شلون جات ع بالي وقلت احطها ههههه
انها الذكريات المضحكه يا ساده
المهم كـ تغيير في المواضيع حبيت انغير في الطرح شوي، مع العلم ان الطرح مغزاه مفيد بإذن الله تعالى ..
ماعرف شلون اطرح الموضوع صارلي فتره وانا على هالسطر
**
الموضوع اللي ابتكلم عنه تقريباً عن الموروثات.. سواء كانت موروثات اخلاقيه او عادات وتقاليد او غيرها ..
بمعنى.. اهالينا قبل علمونا مثلاً، امثال حالياً اندثرت
او كلمات نادر مانسمعها احين،
وعلومنا طبايع واخلاق، احين انقول الله يرحم ابوي والا امي والا جدي والا جدتي، علمونا هالامور..
فأنت/ أنتِ .. هل وصلت مثل هالامور لابنائك .. لانها تعتبر موروثات وحقوق وامانه
بمعنى ..
احين اغلبنا يوم نقعد مع بعض انقول الله يرحمهم علمونا كيت وكيت وكيت، هل هالامور اللي بالفعل تعتبر موروثات انت وصلتها لابنائك/ ابنائكِ.. والا الدنيا نستك هالشيء..،؟
واخص بالذكر، الاهل، هل علمت ابنائك ، ان هذا يصير عم ابوك يعني عمك، وان هاذي تصير خالة امج، الخ.. يعني يكبرون العيال عارفين اصلهم.. الخ.. والا نسيتوا .،؟!
وصلوا الموروثات للابناء لتصل جيل بعد جيل .. لانها وصلت لنا بالتوارث .. فلا تجعلوها تندثر
واعطوا ابنائكم القليل من الوقت حتى تصل لهم هاذي الموروثات
الحمدلله كني قدرت احط كلمه ع كلمه صح، اتمنى اني وفقت
|
رد مع اقتباس
المشاركة الأصلية كتبت بواسطة بانغ بانغ
