+ لا تتزوج ما انصحك / ما انصحج +

[شبح الصمت]

السلام عليكم ورحمة الله وبركاته ،،،


كثيراً منا من يصادف من هم يودون الاقبال على الزواج والاغلبية من الشباب والي نلاحظه انهم يساعدون على انهم ينصحوون ربعهم بالزواج والستر ..


لكن


هل الحريم لهم نظرة ثانية التشائم وانهم ينظرون إلى انه الرجال قد انتهوو من عالمهم ..


مثال ..

رفيجي جاء وسالني عن محاسن الزواج بقوله

نصف الدين
وستر
وعيال
وحياة جديدة
لكن يبي لها صبر



الحريم
جات اسالت رفيجتها وترد عليها
لا تتزوجين شفتي فلانه
الرجال كلهم خونه
وان تزوجتي خليه يسوي لج عرس نفس فلانه
وياخذ لج بيت
ولا تخلين امه تتسلط عليج
وتحملي ياخذ راتبك
وكذى وكذى وكذى



وبعدين القطار يمر وتشوف من حولك عندهم عيال وحياتهم طيبه وترجع بك الذاكرة ليش سمعت كلام فلان وإلا فلانه
ليش انا مهب نفسهم تتحسر وتقول يا ليت ويا ليت






الموضوع للنقاش واتمنى محد يحور الموضوع إلى شيء آخر

[ضوى]

الا بالعكس يا عهد الزواج عفة وستر للاثنين

الا بانصحهم وبقوة بالزواج هاي الاساس والا الشواذ ماينحسبون

[ودي أكون]

انت سامع بأذنك اخوي شبح ان الحريم جي يتكلمون عن الزواج .،؟!


ماعندي تعليق، الله المستعان..
مع العلم صح في بنات يعيبون على الزواج بس ك مزح ، لكن وقت الصج ما يقولون الا اللي يرضي رب العالمين بإذن الله ولله الحمد


والله اعلى واعلم والله المستعان

[شبح الصمت]

الا بالعكس يا عهد الزواج عفة وستر للاثنين

الا بانصحهم وبقوة بالزواج هاي الاساس والا الشواذ ماينحسبون

الله يجزاج خير

[العنيده]

يامكثرهم بهالوقت .. يجون يقولون قعدة بيت هلج ابرك من الغربال وهي عايشه حياتها وعندها عيال ..
يحولون لحظة غضب كانت بينهم لقانون لكل الاوقات وكانه بيتكرر لانه صار لهم وتحذير وحاله ..

من حق الكل انه يجرب .. ان توفق من رب العالمين وان فشل الزواج هاي نصيب ..

عني انصح الكل ان تيسر تزوجو كل شي يبيله صبر ولا تاخذون راي اي حد ثاني مب لازم يكون على مزاجنا ..
الاختلاف وارد والصبر اهم ..
ونصيحه لاصحاب هالنصايح ( قل خيرا او اصمت ) وبس ..

اسفه بس لان الموضوع اصلا غاثني من زمان وبدى ينتشر

[شبح الصمت]

انت سامع بأذنك اخوي شبح ان الحريم جي يتكلمون عن الزواج .،؟!


ماعندي تعليق، الله المستعان..
مع العلم صح في بنات يعيبون على الزواج بس ك مزح ، لكن وقت الصج ما يقولون الا اللي يرضي رب العالمين بإذن الله ولله الحمد


والله اعلى واعلم والله المستعان

الشيخة ودي

لا تدخلين علي بمدخل انت سامع انت شايف تراني مهب ياهل ولا بزر بكتب من راسي وبختلق لي سوالف ..


المهم انا تكلمت عن الطرفين ما تكلمت عن طرف واحد ..


والله يسهل للجميع


وشوفي كلام العنيده

[JN000N]

مب على كيفك
بتزوج يعني بتزوج

[بومحمد المطاوعه]

جزاك الله خير يالغالي


انا صادفت رجال
يخربون على رجال الصراحه

يقولون لاتتزوج
عوار راس
وغثى ومشاكل و و و و

ولكن من ناحيه ان الحريم يتكلمون

شوف ياخوي
ترى مثل ماتشوف في رجال يتكلمون بالخير
بتحصل البنات يتكلمون بالخير
وفي العكس
الي بيتكلم بالشر وبالعبط يمكن
بتحصل حريم يتكلمون جذي

والي بيمشي ورى القيل والقال
بيموت ولا بيعيش حياته


من توكل على الله فرج الله همه


تحياتي لك يالغالي
موضوع قيم

[شبح الصمت]

يامكثرهم بهالوقت .. يجون يقولون قعدة بيت هلج ابرك من الغربال وهي عايشه حياتها وعندها عيال ..
يحولون لحظة غضب كانت بينهم لقانون لكل الاوقات وكانه بيتكرر لانه صار لهم وتحذير وحاله ..

من حق الكل انه يجرب .. ان توفق من رب العالمين وان فشل الزواج هاي نصيب ..

عني انصح الكل ان تيسر تزوجو كل شي يبيله صبر ولا تاخذون راي اي حد ثاني مب لازم يكون على مزاجنا ..
الاختلاف وارد والصبر اهم ..
ونصيحه لاصحاب هالنصايح ( قل خيرا او اصمت ) وبس ..

اسفه بس لان الموضوع اصلا غاثني من زمان وبدى ينتشر

شفتي اشلون ليش انا اذا مريت بتجربة مب حلوووه خلاص لازم انشر هالتجربة

وخلي الي حوولي يكرهووونها وانها كل البنات ما فيهم خير
او الشباب ما فيهم خير


نفس ما تفضلتي النصيب لي جاء محد راح يوقفه

بس اوقات العالم توقفه من تجاربها الفاشلة

[شبح الصمت]

مب على كيفك
بتزوج يعني بتزوج

ههههاي

تزوجي احد قابضج
الله يتمم لج ع خير
ويرزقج الرجل الصالح الي يعزج ويرزج ويصونك