والله يا خوك كانك تبغي الصدق صحيح انه هذا دينا وواجب علينا وتقصير منا لكن بعد في النهاية احنا بشر 7 مواد وبالياله ملحقين بعد تبغي الوزارة اتزيد على الطلاب المواد يعني الحين مادة التربية الاسلامية صحيح فيها تقصير لكن هي مناسبة
صعبة يعني انخلي طالب المسار العلمي يدرس المواد العلمية + المواد الاسلاميه لو افترضنا انه تعمقنا فيها من علم منطق - حفظ وتجويد - سيرة نبوية - فقه شافعي - الفقه الحنبلي
يعني طالب عمره 16 - 18 سنه تبغيه يدرس 12 الى 13 ماده اعتقد الموضوع شبة مستحيل عشان انكون واقعين انا اظن انه هذا يكون اجتهاد شخصي بمساندة اولياء الامور لكن ما نفرضه كمنهج في المدارس ونجبر كل الطلاب انه يدرسون كل هالمواد في النهاية قدرات الطلاب متفاوته في الحفظ
كلامك سليم
التجويد و الترتيل و أحكام التجويد
يتعلمها الطفل في مركز تحفيظ القرآن ..
المدارس تقتصر على أشياء مختصرة
مجال مراكز التحفيظ أكبر و أعمق من المدارس..
و يتم التركيز على أحكام التجويد ..
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
أحب من خلال هالموضوع ان أنبه الآباء و الأمهات على نقطة مهمة و هي :
تدليل الأبناء لن يحصد لكم النتائج
لابد من الشدة قليلا ولو كان الامر مخالفا لمزاج الابن
لانه لا يفهم مصلحته في هذا السن
فلا ينبغي ترك الامر للابن بإطلاق هكذا
بل لا بد من اصرار الوالدين عليه و التعب خلفه
حتى يفرحوا اخر الامر بالنتائج المسعدة
لا يزال .. لسانك .. رطباً .. من ذكر الله ..
اذكر الله !
انتوا تلومون الخريجين مايعرفون يقرون
ترى مروا علي مدرسات مايعرفون يقرون
واتكلم عن مدرسات الشرعية مب اي مدرسة
واتذكر كنت اتمنى اسجل في مركز تحفيظ
واهلي الله يسامحهم مالهم خلق يودوني ويجيبوني
ولا حتى قالوا بنحط لج محفظة تجيج البيت
كانت امي الله يسامحها تقول ماتعرفين تحفظين بنفسج ؟
روحي افتحي المصحف واحفظي .. ولين اليوم احس بصعوبة فالحفظ
فكرة المراكز حلوة فيها تجمعات ومدرسين مختصين وناس يشاركونا وننافسهم
مع اني الحمد لله تعلمت الترتيل بنفسي لكن بعد الواحد يحتاج شخص احسن منه يعلمه
انا ماقدر اقيم نفسي ولا اعرف اسمع حق نفسي ولين اليوم ماقدرت احفظ جزء واحد