الى هذا الحد من الاهمال !!!

[حسن]

السلام عليكم ورحمه الله وبركاته

اليوم وانا ذاهب للمركز الصحي وبعد اخذ الموعد بالهاتف لبنتي جزاهم الله خير على هذا التطور

لنا مراجعه مع الدكتوره

طلعت برع انتظر شوي واذا بي اطفال في سن النمو مع السائق وياكلون
نقت بعد ماخلصو كلن وحذف علبه النقت برع ناديتهم وقلت لهم عيب وهذا
الزباله وارموها هناك وقامو بالواجب
وقلت اتحدث معهم ليش جايين وش تسون
قالي الاول عندي موعد مع الدكتور ولما دخلت قالي وين ولي امرك اتصله
والثاني نفس الكلام
قلت له كيف طلعت اساسا من المدرسه قال عادي مع السائق
والحين ننتظر يجينا ولي امرنا

الى هذا الحال وصل الامر للبعض من الهمل ؟ وكيف المدرسه تطلعهم بسواق وبدون اي حد معهم ؟؟

والطامه لما يجيك ولي الامر ويوقف غلط !!!

ناس متعوده على الفوضى في حياتهم وهذا يشكل ضغط كبير على المجتمع


هل هذا التصرفات مقبوله واين الخلل ؟؟؟

اضن التعليم في الصغر بيوفر على الدوله الكثير
شاركونا بااركم


تحياتي للجميع

[رهج السنابك]

في تناقض غريب
الواحد ان وصل عمره خمس وعشرين قام يصيح ابي اتزووووووووج ابي اشوف عيالي
والوحده ان تاخرت بالحمل ثلاث شهور عقب الزواج قامت تضرب اخماس في اسداس وتوسوس وماتخلي ممرخه ولا دكتور نساء الا وطبت عنده
ولما الله يعطيهم العيال مالهم خلق للتربيه
وقاطتهم ع الخدم
هي الحكايه تفريخ وتفقيس؟
ولا عشان محد يعيب علينا ولا يعطينا نظره شفقه نبي نكون مثلنا مثل غيرنا؟

[بصمة قطرية]

عيالي في مدارس مختلفة
( إبتدائي و إعدادي و ثانوي )
مستحيل يطلون بدون ولي الأمر ..

[Locale]

من كثر مانشوفهم
تعودنا وصار عادي

[همر]

في تناقض غريب
الواحد ان وصل عمره خمس وعشرين قام يصيح ابي اتزووووووووج ابي اشوف عيالي
والوحده ان تاخرت بالحمل ثلاث شهور عقب الزواج قامت تضرب اخماس في اسداس وتوسوس وماتخلي ممرخه ولا دكتور نساء الا وطبت عنده
ولما الله يعطيهم العيال مالهم خلق للتربيه
وقاطتهم ع الخدم
هي الحكايه تفريخ وتفقيس؟
ولا عشان محد يعيب علينا ولا يعطينا نظره شفقه نبي نكون مثلنا مثل غيرنا؟

نبي نجيب عيال وجك بك يكبرون ونزوجهم ونفتك منهم

ونشوفهم يربون عيالهم ونقولهم مالت عليكم ماتعرفون

تربون مثل ماربيناكم

[QATAR 77]

بابا راجو و ماما لكشمي

[R 7 A L]

العتب الاول على ادارة المدرسة
خلنا نعرف اول شي شلون يسمحون لطلاب بالخروج من غير ولي الامر

[نوفا91]

شدعوه شلون يطلعون من المدرسه بدون موافقة ولي الامر
اذا الجامعه حزات يوقفون يحسسونك معاك متفجرات ومرات عااااادي والاغلب مايهتمون

بس بعد زين راحوا مركز صحي مب مجمع ، احنا قروبات بعد الكلاس للاند عشان جيه ماقدرت اكون صداقات مع بنات تخصصي يحليلهم

[Dana’1]

أطفال في عمر النمو ! حدد كم إذا 12 سنه وفوق (أولاد) عادي لو اطلعوا من المدرسه مع سواق وحسب شرحك ولي أمرهم بالطريق... ويمكن هو إلي مكلم المدرسه وطالب ترخيص لعياله عشان الموعد يمكن كان بالدوام وما قدر يطلع بدري او غيرها من الظروف ومايبغى الموعد يفوت على ولده وهو بالطريق جاي

[QATAR 77]

اذا ما ير يفرغ نفسه لاجل صحة وولده فما يستاهل يكون اب