شكرا يا ديور على هالمشاركة والاضافة الحلوة..
اما بخصوص سؤالج
اولا بالنسبة للبكاء.. نادر جدا ما تنزل دموعي علشان قصة صاحبته بكت فيه.. ولكني ممكن جدا تنزل دموعيبخصوص الكتاب كيف تقدرين تتأثرين وتصلين للبكاء ...بدون على الأقل تخيلك الشخصي للوضع الي يشرحة الكاتب بالألم أو الصد أو غيره..وكيف هو يشرح ذالك بدون وصف حالة الجسد والنفس عقب الألم؟!
للألم اللي احسه في موقف من مواقف في القصة حتى لو صاحب الموقف هذا واقف مثل الصنم عند وصف الكاتب له..
فاخر كتاب قريته وللحين ما خلصته رغم ما فيه من اوجاع كان يذكرها البطل في حق صاحبه.. ويوصف لنا الكاتب كيف
ان هالصاحب كان ساكت و يتعرض للاهانة والاغتصاب و الظلم والجور و البغي وهو سااااكت مثل الطوفة
لقيت دموعي تجمعت في عيوني.. في الوقت اللي صاحب بطل القصة ما نزلت ولا دمعة من عيونه..
ولا حتى الكاتب بين لنا ردة فعله تجاه بطل القصة هذي وكان يتعامل معاه ولا كأن في شي صار..
واخيرا يكتشف البطل ان صاحبه كان يدري ان البطل كان يشوفه وهو يتعرض للاهانات هذي
وما تحرك يدافع عنه واتركه وخلاه يواجه الموقف بروحه..
هذي ( افرش من طازج) حالة مرت علي عند قراءة كتاب أثر فيني من غير ما اتأثر بحركات وردود افعال
جسد او مشاعر صاحب الموقف..
فاهنيه ممكن الكلمات تقوم مقام الحركات.. فلا يعني ان احنا نتأثر بالحركات الجسدية
فهذا معناته ان الكلمات تعجز انها توصل لنا المراد فهمه من غير حركات للجسد..