اميل الى رأي ضوى اني بشكل عام لا اهتم في البحث او تعلم اللغة هذي ولا اشجع من هم حولي باقتناء الكتب
في تعلم لغة اجساد المحيطين حولنا... لانهم بالطريقة هذي راح ينشغلون في مراقبة الناس ومقارنة ما
تعلموه وتطبيقها بتحركات اجسادهم..
بينما في المقابل ما اقدر انكر وجود هاللغة .. بدليل ان اللي قاعد وصامت وياكل في اظافره
هذا متوتر.. واللي عيونه تراقل يمين ويسار هذا مترقب.. واللي صامت كابوالهول هذا سرحان
في عالم خاص به.. واللي يحط الكتاب ويرد يشله ويقعد ويرد يقوم ويحرك اوراقه
وياخذ نفس الكتاب ويحطه مكان ثاني هذا مشوش.. و اذا دخل ولدي علي وقف جدامي وعقب
طلع من الغرفة ورد مرة ثانية يسوي نفسه يدور شي ورد طلع ذيه يبي يقول شي وحركاته فاضحته..
ولكن هل يصعب علي اني اادي كل هالادوار لو حبيث اخدع حد؟ او يصعب على غيري
انهم يخدعوني؟
اقول لا مب صعب ابدا.. دام انها لغة نركز عليها و نعول عليها في تعاملاتنا..
بينما لو حاولنا نخلي بشكل عام لغة الكلام هو الفيصل للحكم على النوايا .. حزتها ممكن نرحم
نفوسنا وغيرنا من الوقوع في مصيدة سوء الظن مثل ما وضحت سويت لان قد يساء فهمها
لاي سبب من الاسباب.. بينما في الكلمات يمكننا طلب استيضاحها من اول وجديد..