هل تمانع بالزواج من مطلقة او ارملة ... وانتي ايضا

[بومحمد المطاوعه]

ليش بياخذ مطلقه ؟!
العوانس وايد

بعد ماتدري ياخوك ..

النصيب وداه حق المطلقه ..

يمكن شافها فالدوام ..
يمكن امه امدحت له هذي البنت ولكن مطلقه ..

يمكن كان يبيها من قبل وماصار نصيب .. وتطلقت وتزوجها اهو ..

يعني في وايد اشياء .. مانقول مستحيل الواحد ياخذ مطلقه ..

يعني المطلقه خلاص مالها عيشه .. لو كان الي طلقها مب كفو يكون زوج ..
تطلقت منه بسبب هذا الرجل .. حشاش ولا خمار ولا راعي بنات ..

ف مانقول مافي واحد يتزوج مطلقه .. في والحمدلله المطلقات .. في منهم ونعم فيهم ..
وبنات ناس واحسن تربيه ..

تحياتي لك

[Charisma]

ليش بياخذ مطلقه ؟!
العوانس وايد

مرحبا اخوي فايبر .. حاب اتداخل مع مشاركتك .

مجرد التفكير في مثل هالمواضيع ( تفكير مجرد ) .. فنعم الكفه بترجح لغير المطلقات والارامل .. ولكن للظروف احكام .. وللقدر والنصيب مكان .. ( بتيسير من الله ) .. هي توافيق .. ممكن الشخص ( غير متزوج ) ينعجب باخلاق / جمال / دين / ..الـ ( مطلقه او الارمله ) .. فيميل ويرتاح وتتملكه القناعه في الارتباط بها ( مشاعر وقناعات وثقافات تفرق من شخص لاخر ) وهذا شي طبيعي ووارد ولاحرج فيه .. وفي نظري الموضوع لاهو عيب ولا منقود .. بل نصيب وتياسير .

[MirusS]

بومحمد انا لما قلت مستحيل حد ياخذ مطلقه .. مش القصد اني اعيب ولا اقلل او تنقيص من المطلقات
بل من الشباب أو أغلب الشباب اذا مب كلهم .. صعب جدا جدا ياخذ مطلقه
الا اذا كانت فيها ميزه مثلا يحبها من قبل او بطرانه أو .. الخ
حتى الريال المطلق بالرغم من انه مطلق الا انه يبحث عن فتاه جديده على الزواج
هذا الواقع والامر الحقيقي اذا تبغي نتكلم بكل واقعيه وبدون عاطفه تجاه المطلقه بغض النظر عن اسبابها يبقى الامر مستحيل
الا اذا فيها مميزات مثل ماقال بوعبدالعزيز

[بومحمد المطاوعه]

بومحمد انا لما قلت مستحيل حد ياخذ مطلقه .. مش القصد اني اعيب ولا اقلل او تنقيص من المطلقات
بل من الشباب أو أغلب الشباب اذا مب كلهم .. صعب جدا جدا ياخذ مطلقه
الا اذا كانت فيها ميزه مثلا يحبها من قبل او بطرانه أو .. الخ
حتى الريال المطلق بالرغم من انه مطلق الا انه يبحث عن فتاه جديده على الزواج
هذا الواقع والامر الحقيقي اذا تبغي نتكلم بكل واقعيه وبدون عاطفه تجاه المطلقه بغض النظر عن اسبابها يبقى الامر مستحيل
الا اذا فيها مميزات مثل ماقال بوعبدالعزيز

لالا ماقلت انك تعيب .. ولا تقلل .. ولكن القصد من كلمه ,,, مستحيل ,,,

اي جذي انت تمام يوم تقول اغلب .. ومب كلهم

انا اتفق معاك .. في هالنقطه ..

وبعض البنات وبعض الاهل مايوافقون على .. شخص مطلق ..

.. شوف اخوي انا عن نفسي .. ما احبب اعمم .. ولا انتقص من اي فئه ..

عيل اشلون نشوف الاعمى يتزوج .. بصيره ..
واشلون نشوف الي مشلول وقاعد على كرسي .. متزوج امرأه مافيها ولا شي ..؟

هل بنقول مستحيل ومافي .. لاطبعآ بنقول في .. ولكن مب بالكثره ولا بالمتعارف عليه ..

الرغبه .. غير عن .. المعروف .. عليه

تحياتي