وشعلي انا من الناس.. وشعلى الناس مني!

[بومحمد المطاوعه]

لا شدعوه اخوي بومحمد
مانستغنى عن مشاركاتك

تسلمين يالشيخه ..
خلاص شاركت خخخ

وانا عن نفسي والله مايهمني الي بيتكلم بيتكلم
الله بيحاسبه ..

كلنا يوم القيامه ويوم الحساب بنتحاسب ورب العالمين بيجمع بينا

بقولج على شي

لو كنتي لؤلؤه تمشين وتتلامعين
بعد بيتكلمون ..

ف خلج من الناس واهم شي ترضين الله تعالى ورسوله الكريم صل الله عليه وسلم

وبس

ربي يوفقج

[بشائر]

وبالتالي تحد الحرية الفردية ويزيد دور العادات والتقاليد والتسلط الجمعي!


طبعا انا ما اقصد اننا ما ننصح او نهتم بغيرنا ..

لكن مدى وعمق التدخل والمتابعة والنقد للغير بالفعل مؤشر على مدى الرقي

صباحك ورد عزيزتي نور ..

تدرين ؟ بعض اللي ناقشتهم في مثل هالموضوع كان ردهم تقريبا مماثل لردك ذا ياغالية ..
بداية خلينا نتفق بأن الناس ماراح ينقدون أي تصرف (عادي ) ولكن الانتقاد ( النصح ) المقصود واللي نحن كمسلمين مطالبين فيه
هو مايخالف الدين والعادات والتقاليد تحت مسمى ( الحرية ) ..
طيب هل نعتبراللوائح والقوانين اللي حاطينها على أبواب المولات ( من لبس محتشم وعدم الإزعاج وعدم إدخال الكلاب عزكم الله) تعتبر حدا للحرية؟
كيفهم يلبسون اللي يبونه ليش نتحكم بلبسهم؟ وطوله وقصره ؟ و مخالفة المررو للمتجاوز واللي مب رابط الحزام يعتبر حدا للحرية؟
بعد كيفهم يبون يسرعون يبطؤون حياتهم وهم أبخص بها يموتون يعيشون يتكسرون شعلينا ؟

طيب سؤالي كيف نجمع بين هذا الرأي وبين حديث الرسول صلى الله عليه وسلم عن السفينة ؟! :
((مَثَلُ القَائِم في حُدُودِ اللَّه والْوَاقِع فيها، كَمثل قَومٍ اسْتَهَموا على سَفِينَةٍ، فَأَصابَ بَعْضُهم أعْلاهَا، وبعضُهم أَسْفلَهَا
فكان الذي في أَسفلها إذا استَقَوْا من الماء مَرُّوا على مَنْ فَوقَهمْ، فقالوا: لو أنا خَرَقْنا في نَصِيبِنَا خَرقا ولَمْ نُؤذِ مَنْ فَوقَنا؟
فإن تَرَكُوهُمْ وما أَرَادوا هَلَكوا وهلكوا جَميعا، وإنْ أخذُوا على أيديِهِمْ نَجَوْا ونَجَوْا جَميعا)) ..
مشكلتنا الواضحة وضوح الشمس هو عدم فهم الكثير منا لمفهوم الحرية وحدودها ..
وأكثر الدول اللي كثرت فيه البدع وضاعت هويتها بدأت بتشبث الناس بهذا المفهوم ..

باختصااار الدين حدد لنا ( إطاار) ماكان داخل الإطار فهو مساحة حرة لنا .
ومن يتعدى الإطار يعرض نفسه لانتقاد الآخرين..
وفقك الله ..

[ولد العرب]

السموحة ياخوي والله ما قصدت بها شي
القصد نسوي نفسنا كأننا ما سمعناه

و اذا الكلمة مضايقتك بمسحها
أفا عليك بس .. عزيز و غالي

لا لا لاحول الله
مهب مقصد ولا شي
يه ماتعرفوني امزح معكم اوووووف

[الحياة الخالدة]

لا لا لاحول الله
مهب مقصد ولا شي
يه ماتعرفوني امزح معكم اوووووف

بارك الله فيك أخوي

[sweet qatar]

صباحك ورد عزيزتي نور ..

تدرين ؟ بعض اللي ناقشتهم في مثل هالموضوع كان ردهم تقريبا مماثل لردك ذا ياغالية ..
بداية خلينا نتفق بأن الناس ماراح ينقدون أي تصرف (عادي)

اعذريني بشاير

بس أتوقع الموضوع يتكلم عن نقد الناس لتصرف عادي

مالهم علاقة فيه أو وصاية عليه

[sweet qatar]

حبيبة قلبي سويتي
يازين الموضوع وانتي راده فيه :*
اي والله هالنقطه اللي ذكرتيها بخصوص الي ينصح ونحسب ان تعلمنا من نصيحته واخرتها تطلع نصيحة عكسيه وبغرض الحسد هذي بروحها يبيلها موضوع خاااص مجلد خاص فيها
وبعد النقطه الثانيه وايد اقولها واكررها معظم الناس يركزون ع بعض اما عشان يغطون ع نفسهم او يكون في شخص يتتقد تصرف اشخاص بدرجة مب طبيعية وهو لو يحصل له فرصه بيسوي يمكن ادمر منهم
مثلا وحده طايحة انتقاد ف موضوع سواقة المرأه وهي اصلا ودها تسوق بس مب حاصل لها (اعرف ناس من هلي جذي ) انت ودك تسوي هالشي مب لازم تعيب عليه خلك محايد لانك ماتدري بالزمن يدور وانت تسويه

النصيحة ماتكون ب مطنزه ولا بنغزات
ودك تنصح تعال لي بيني وبينك وجهني وعلمني واذا شفتني غلطت قول ترى هذا غلط واقنعني ليش غلط بس لا تتكلم علي وعلى غيري ولو سويت الخير فيني اليوم بيني وبينك لا تروح بكره تفضح الخير وتقول سويته

اسمله عليج والله يبعد الاوجاع يالحب واكيد انتظر رجعتج

يسلم لي الزين كله

صاجه والله .. يبون الشي ويعذربون فيه و لو حصل لهم خذوه

أكثر شي أعاني منه .. تفسيراتهم الي علي كيفهم

و فوقها حسد

يعني لا اني المستفيدة صج ولا الي سلمت من عيونهم !!

إذا ما لبستي علي ذوقهم انقدوا

وإذا لبستي أحسن منهم انقدوا

انزين متي نخلص !!!

[Dana’1]

يسلم لي الزين كله

صاجه والله .. يبون الشي ويعذربون فيه و لو حصل لهم خذوه

أكثر شي أعاني منه .. تفسيراتهم الي علي كيفهم

و فوقها حسد

يعني لا اني المستفيدة صج ولا الي سلمت من عيونهم !!

إذا ما لبستي علي ذوقهم انقدوا

وإذا لبستي أحسن منهم انقدوا

انزين متي نخلص !!!

يووووو ياكثرها ياسويت ياكثرها :\

[JN000N]

وايد يمثلني هالرد

بالفعل يا جنون لو الواحد بس يتلفت لعيوبه كان احنا بخير ، بس ماقدر اقول اشعلي من الناس واشعلى الناس مني صعب ، يأثر ووايد خاصة من ناس تحبينهم وتحترمينهم خلي الناس العادية هذي كلامها لايودي ولا يجيب ، بس الناس المقربة وايد كلمها يودي ويجيب
يارب متى الناس بتفهم خلاص بس تطورنا ووصلنا القمر ، خليكم بحالكم لا تتكلمون بفلان وعلان ترا الدنيا ابسط واقصر مما نتخيلها اذا قضيناها في ليش قالوا وليش فعلووا راح العمر وسرى الليل واحنا ماسرينا

كنت متوقعه ردتج بموضوع حلو وتوقعي في محله تسلمين لي ياقلبي

حيالله ضوى
في معظم القرارات الي تاخذ لنا مرات وقت لين نقرر فيها يكون اكثر شي مخلينا نتردد ف اخاذ القرار هو كلام الناس
مرات نمنع الخير اللي الله كاتبه لنا واحنا مب حاسين بس خوف من كلام الناس
ومرات نمنعه صج عشان كلامهم وعقب فتره نلقى نفس الخير جاهم واكن مامنعىه وقبلو به
وقتها شنو نقول؟
ليش افكر وايد ف كلام الناس دام مافي شي غلط بسويه ؟ مع ان مرات كلام الناس مايقصر فينا حتى لو صاكين بيوتنا علينا وساترين على اعمارنا
الناس الفاضيه ماعندها الا الكلام ووايد معروف عنهم انهم بس (بؤ) ف مهما كان الكلام حتى لو جارح الدنيا اقصر من اني اضيع وقتي ف حزن على كلام انجرحت منه
بتلعكس بتوكل على الله وبعيش وبستانس والوعد وقت الحساب محد بيضيع حقه

حبيبتي ضوى الحلو ردج الراقي نورتي يالغاليه

[JN000N]

ما دمنا نتأثر و نؤثر شي طبيعي يكون علينا من الناس والناس يكون لهم علينا حق..

فكلمات الاغنية تقول
اش عليا ياصاحب من جميع الخلايق
افعل الخير تنجو واتبع اهل الحقايق
لا تقل يا ابني كلمه الا ان كنت صادق
خذ كلامي في قرطاس واكتبه حرز عني
اش علي انا من الناس وش على الناس مني..

فقول كلمة الحق تستدعي قوة لقولها مع عدم الالتفات للناس وعدم التأثر بردود افعالهم
ولكن هذا لا يعني ان نقوم بحماقات امام الناس ونردد اشعلي انا من الناس واشعلى الناس مني..

اش علي انا من الناس لو كلامهم كان سلبي ويأثر فينا وعلي منه لو كان ايجابي ويحفزنا..

وبكل الاحوال لابد لكلام ان الناس يكون له تأثير فينا بحسب قربهم منا
وحتى نتاجهل تأثير كلامهم يبي لنا اشواط عديدة نمشيها حتى نستطيع عدم التأثر
بناس معينين.. لان ما نقدر نقول ما اشعلي انا من الناس لكل الناس من حولنا.

حيالله اليمامه
في حقوق لنا وعلينا للناس
ولكن بحدود ماضر نفسي ولا اعورها عشان كلام الناس
كلام الناس مرات مايكون ف صالحنا ف ليش نلتفت له؟ صح في ايجابيات وسلبيات ولكن هي قناعة تامه ب ان لو الشي الي نسويه صح ونصيحة غيرنا مالقينا لها قبول عندنا نتصرف باللي احنا نرتاح له
سواء هالشي عجب الناس او لا
مرات الناس ينتقدون الشي قبل حدوثه وهم ماعندهم فكره عنه ف احنا مقتنعين ونسويه بعدها نلاقي نفسهم هذول الناس يمدحون هالشي ويسوونه (طيب ليش الرفض التام ف البدايه وانتو ماتعرفون نتايجه؟)
الناس لهم حق علي اقول الحق وانصح باللي يرضي الله سبحانه ولو حسيت نفسي في شي مب عاجبني لمجرد ان مب عاجبني بسكت مب متكلمه لان مالي خص فيهم هني يتضح معنى (وشعلى الناس مني)
مانقدر نتجاهلهم ويتجاهلونا نهائي ولكن فب بعض الحالات نحتاج نتعلم هالشي

نورتي يالغاليه

[JN000N]

مشكله ذي

ههههههههههه بتنضرب