وايد يمثلني هالرد
بالفعل يا جنون لو الواحد بس يتلفت لعيوبه كان احنا بخير ، بس ماقدر اقول اشعلي من الناس واشعلى الناس مني صعب ، يأثر ووايد خاصة من ناس تحبينهم وتحترمينهم خلي الناس العادية هذي كلامها لايودي ولا يجيب ، بس الناس المقربة وايد كلمها يودي ويجيب
يارب متى الناس بتفهم خلاص بس تطورنا ووصلنا القمر ، خليكم بحالكم لا تتكلمون بفلان وعلان ترا الدنيا ابسط واقصر مما نتخيلها اذا قضيناها في ليش قالوا وليش فعلووا راح العمر وسرى الليل واحنا ماسرينا
كنت متوقعه ردتج بموضوع حلو وتوقعي في محله تسلمين لي ياقلبي
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
ما دمنا نتأثر و نؤثر شي طبيعي يكون علينا من الناس والناس يكون لهم علينا حق..
فكلمات الاغنية تقول
اش عليا ياصاحب من جميع الخلايق
افعل الخير تنجو واتبع اهل الحقايق
لا تقل يا ابني كلمه الا ان كنت صادق
خذ كلامي في قرطاس واكتبه حرز عني
اش علي انا من الناس وش على الناس مني..
فقول كلمة الحق تستدعي قوة لقولها مع عدم الالتفات للناس وعدم التأثر بردود افعالهم
ولكن هذا لا يعني ان نقوم بحماقات امام الناس ونردد اشعلي انا من الناس واشعلى الناس مني..
اش علي انا من الناس لو كلامهم كان سلبي ويأثر فينا وعلي منه لو كان ايجابي ويحفزنا..
وبكل الاحوال لابد لكلام ان الناس يكون له تأثير فينا بحسب قربهم منا
وحتى نتاجهل تأثير كلامهم يبي لنا اشواط عديدة نمشيها حتى نستطيع عدم التأثر
بناس معينين.. لان ما نقدر نقول ما اشعلي انا من الناس لكل الناس من حولنا.
يسلمو حبيبتي
مرات نقول اللي مب عايش الحدث ويجوف الامور من برا يقدر يشوف من الصح ومن الغلط وشنو التصرف المناسب
صح كلام الناس نعطيه الاذن الصمخه ولكن مب ف كل الاحوال لان مرات لازم نسمع شنو ينقال عنا وايش هي نظرة الناس فينا
نحب نسمع المدح ولكن من ورانا مب قدامنا
ونحب نسمع السلبيات الي فينا قدامنا مب ورانا عشان يصنف من ظمن النصايح
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
اعتقد مافي شيء اسمه شعلي من الناس وشعل، الناس مني..،
لان مرات الناس تكون صح وانا غلط.. فلازم امشي مثل ما تمشيء الناس، او على مثل ماتقول ..
بمعنى.. مايصير البس لبس غير لائق قليلاً.. واقول شعلي من الناس وشعلى الناس مني، انا حره والبس ع كيفي، والناس جي ذاك بتتكلم،.. اهني طبيعي هالشيء يعتبر غلط
،،
هالمقوله تكون صح.. اذا انا امشي مع التيار والناس هي عكسه.. اهني اي اقول شعلي من الناس.. اهم شيء انا صح والله يرضى علي.،، اما اذا انا عكس التيار والناس مع التيار فالمقوله غلط ..
فانا مع وضد هالمقوله على حسب الوضع طبعاً ..
والله اعلم
وجهة نظر
♥ لا إلہ إلا انٺ سَبحاانڳ ربيَ انيَ ڳنٺ منَ الظالميَن ♥
♥ اسٺغفر اللہ الذي لا إلہ إلا هو الحي القيوم ۈ اٺوب إليہ ♥
في حدود الالتزام بالدين والعادات نعم اما ان اخرج عن الدين والعادات والقيم ومابي الناس تتكلم علي او ماتبوني اتكلم عن الاخر فهالشي ممكن تجدونه في بلاد التحرر والفساد اما في بلاد الاسلام فيجب ان انتقد المنقود انكر المنكر يجب ان التزم في ملبسي وكلامي وافعالي حتى لايتكلم عني الناس ومن حقهم ويجب ان يلتزم الاخر بذلك حتى لا اتكلم عنه ومن حقي . اما ان طبقنا المثل بحذافيره فمعناته المفصخ في الشارع وشعلي منه وفاعل الخبائث وشعلي منه والمخطء وشعلي منه والفاسد وشعلي منه ! اي دين واي قيم تقول بهذا ؟
لاخير في ثوره اشعلها منتحر
نمر بن عدوان