تعقيد موضوع المهور ماهو الا تسبب في تاخير في الزواج وزياده عدد البنات في بيوت اهلهم ..
ماعرف لين متى في بعض الناس يمشون ورى المظاهر فلانه سوت وفلانه وسوت ..
صح كل شي صار غالي بس اذا بدوها بديون شلون بتكون حياتهم خصوصا اذا كان الزوج دخله محدود من الاساس ..
تبتدي السلفيات والمشاكل لين لا سمح الله توصل للطلاق او حتى كثرة الخلافات ..
اسمع ناس تشتكي ان الشباب ياخذون من برع واسمع ناس تشتكي ان البنات صاروا ياخذون غير قطريين ..
بدل الشكوى لين ماتنحل الاسباب ياجماعة ..
والله المستعان ان شاء الله ..
كنوز الدنيا كلها ماتعوض الام والابو عن بنتهم
على قولة ابوي الله يحفظه كنور الدنيا ماتسوى ظفر ريلج
في فئة يا بانغ يانغ كانت ب فقر وشافت الخير عقب الفقر ويوم جا النصيب لبناتهم خافو على بناتهم مم الفقر وبدو يتشرطون مع ان هالشي بدل مايزيد قدر البنت ينزل منه
الزواج مب عشان فلوس ومهر غالي وزبو مفوشر هو مب يوم ولا يومين هذي حياه مايندرى شكثر بتطول
اهل البنت يشترون الريال مايشوفون جيبه
طبعا مب معناته يجيهم واحد ماعنده حتى اعدادي ولا يقدر يصرف عليها ولا على بيته الخ الخ
المشكلة مب ف المهر لان مهر البنت مازال ف نفس الافرج ماتغير وايد المشكله ف التجهيزات بس الي تقطع الظهر وكثرة الناس
مب حل اني اقول للبنت لاتسوين عرس لان مهما كان هذي فرحتها الي مابتصير الا مره ف العمر ان الله وفقها
ف النهاية اهل البنت الي يبون يزوجون بنتهم حق بنك متنقل خل يمسكون بناتهم عندهم لين يلاقونه ولا ياخذون واحد حليو واخلاقه زينه بس حالته ع قده وعقب يفقرونه ويكسرون ظهره ديون
المشكله ان في اهل يشجعون بناتهم يخطبها الريال ويحط ما وراه ودونه ف عرسها مايقصر معاها وعقب العرس شهرين ثلاث شهور يقولها معليش بس انكسر ظهري بصرف العرس عقب شهرين لج الي تبينه تقوم هي تزمر وتروح عند اهلها وابوها (الثور) بدل مايكسر راسها ويقولها ماعندنا بنات يتزمرون على ريالهم يقوم يخشها عنده ويقول لريلها بنتي مب متعوده على هالمستوى لانها عايشه بخير
لا يالطيب بنتك مب بنت خير ونعمه بنتك بنت فقر لان الي طول عمرها عايشه ف خير ماتهمها هالامور السخيفه نفسها شبعانه
اذا وجدتني واثقا بنفسي لاتعتقد اني متكبر واذا وجدتني دائما الابتسام لا تعتبر اني مرتاح البال وان اخطأت يوما أمامك لا تقل عني إنسان سيئ
أعطني حسن ظنك اليوم كي أمنحك إياه يوم تحتاجه
مرحبا اخوي بانغ .. ماشاءالله مولع مع المواضيع .. واحييك على اثارتك لقضايا مهمه ..
انا ضد الاخوان اللي شاركوا .. المسؤوليه وكل المسؤوليه عن غلاء المهور يتحملها الأب .. بأمكانه استخدام صلاحياته ( كولي أمر ) .. وتحديد مهر ( بالمعقول ) بعد اقناع ابنته .. خصوصا ان كان المتقدم صاحب خلق ودين ويشهد له .. كلنا نعرف ولانحتاج نقاش في موضوع اثار غلاء المهور .. من انخفاض معدلات الزواج .. ولجوء الشباب والبنات للحرام .. وكثرت حالات الطلاق ( بسبب الالتزامات الماديه للزوج والديون وتضاربها مع متطلبات الحياه ) .. ولكن الاسباب تحتاج لتوضيح .. ونقاش .
نعم ..المتطلبات اكثرت.. والعادات تغيرت .. والجشع ساد .. والفكر تغير .. والمواصفات اختلفت .. والنظره افرقت .. في كل مايخص الزواج .. الموضوع اصبح تجاري بحت + لفت انتباه (مفوشر) .. ولي الأمر بامكانه استخدام اسلوب التوعيه ان لاحظ المبالغه في تحديد المهر .. لكن للاسف ان البعض مثل ماذكرت ينظر للموضوع نظرة تجاريه وتلقاه مثل اللي في الفيديو :
وفي المقابل .. نلقى بعض اولياء الامور من ( متصدري الصحف ) .. يهون في مهر ابنته ويظلمها مع معارضتها .. فتلقى المهر ريال او عشره ريال .. وشتسوي فيها.. المهر كرامه للمرأه .... لامبالغه ...ولا ظلم لها !!
لابد من تحكيم العقل في مسائل الزواج .. هي حياه وتوافق وترابط وليست بمشروع تجاري .. وليست بالأمور اللتي تفرض بالقوه .
سبحانك اللهم وبحمدك اشهد ان لا اله الا انت استغفرك واتوب اليك.
السلام عليكم
الصراحة اخوي المهور اصبحت موضة عند كثير من البنات الي تحب تكشخ عند ربعها
وتبين انها اغلاء من غيرها ونست وتناست ان هشي بيضرها هي وزوجها وبيبين قدرها ف عينه
والمشكلة لين تجيك الام بكل جهل ومفوشر تبي تبين للناس انها باعت بنتها بنص مليون
نست دورها كم ونست دورها موجهه ومربيه ونست دينها .
ولين يجيك اب جشع يفكر يتاجر ف بنته ع شان يجمع كم فلس
المهور يجب لها وقفه جادة من قبل الدوله مثل ماصار ف اكثر الدول المجاورة .
وهنية يجي دور القبيلة الي انا سبق وذكرت ان دورها يجب ان يكون فعال ف كثير من القضاياء
الاجتماعية التى نتمنى ان تفهم الضرر الي يحصل من جراء مثل هل ضاهرة
عسااك ع القوة اخووي
فقط لتوضيح ردي اللي كان مبني على فهمي لمحتوى الموضوع ، لأني أعتقد (وياليت اتصحح لي اذا كنت غلطان اخوي بانغ بانغ) ان الموضوع يتكلم عن المبالغة في المهور
يعني المهر مب حلوة يكون ريال مثلا
ومب حلوة يكون عشرة مليون
الكلام عن المبالغة في المهور
وليس قيمة المهر في حد ذاته
لان قيمة المهر (حسب علمي المتواضع) المفروض تغطي تجهيزات العروس حسب ماهو متاح ومتوفر
وكله بالاتفاق
والله من وراء القصد
دورت في الشدة حزام
ولا لقيت اللي قوى
يالله دخيلك مالقيت
اللي نشد به الظهر