لماذا العوايل ترفع من مهور بناتهم ....
هل هذه عبودية ضد ارادة البنت او باختيارها
هل بالفعل قيمة البنت بالمهر او هذا جهل بقيمتها
هل العوايل تتحمل نسب الطلاق عندما يفشل الزواج ويعلقون الشماعة على " عدم تقارب فكري "
معقولة مهر بنص مليون .... حتى كيم كاردشيان ارخص !!!
لماذا التعقيد على الشباب مساكين ووراهم حياة معقدة ؟؟؟؟؟
للعقول الراقية والعادية والرجعية ..... للجميع
*** موضوع صار لي كم يوم اطبخه والعضو الدوحة 1 امس تطرق لبعض الجوانب فيه مع الشكر ***
البنت وامها هم من يبالغون
حقيقه لا يجب اللف عنها بتوهمات اخرى
ودك الشاب الي شاف هل الاصناف من العوايل يتركهم
لان الكتاب باين من عنوانه
نور على نور يهدي الله لنوره من يشاء ويضرب الله الأمثال للناس والله بكل شيء عليم
المشاركة الأصلية كتبت بواسطة qatara
بارك الله فيك بس بعد الشيخ في ناس خاصة الاباء ايبالغون وايد
الاباء ماهم الا منفذون رغبة العروسه وامها
بعد التشاور والنفخ والتحريض بكره وبكره
فيتروع الاب ههههه
وبنت فلانه مهب احسن من بنتي ووو الخ
نور على نور يهدي الله لنوره من يشاء ويضرب الله الأمثال للناس والله بكل شيء عليم
المشكلة طال عمرك .. هالكلام عند الحضر ... اكثر هالحالات
مافي اليوم بدو وحضر
كلهم نفس الشي
من سكن بيت المدر = البناء فهو حضري
البدوي في بيت شعر ويتنقل
وهل قطر هم بدوها وهم حضرها صيفهم بحر وشتاهم بر
نور على نور يهدي الله لنوره من يشاء ويضرب الله الأمثال للناس والله بكل شيء عليم
موضوع عجزنا نتكلم فيه ولا حلول
الحل بيد الريال ، اول مايتقدم يقول للناس اللي دلوه ترا انا امكانياتي كذا كذا كذا ، يبوني اهلا وسهلا ونباشر بالاجراءات ، مايبون الله يرزق بينتهم باللي يجيب لها الي تبيه ، اما انه يسوي روحه سوبرمان ويلطلبون منه ويطلبون وهو حاضر وان شاء الله على اساس مايبي يظهر بالعيبه فهذا شي هو يتحمل نتيجته ، وبعدين سالفة المهر المفروض الام والاب يغذون عيالهم وبناتهم تحديدا انه المبالغه تكسر ظهر الريال وانه بيبتدي بديون وبتصير الحياة اصعب مما هي عليه الحين ، لكن لما نشوف الاهل الصرف عندهم بسنع وغير سنع فأكيد مايكو فيه تربية ماليه صحيحة للاثنين ولا اي قيمة حقيقية للمال سواء تعب فيه او لا
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
صحيح لكن المشكلة اختي الفاضلة ان بعض الناس يعتقدون ان بزيادة المهر ... المعرس بيخاف وبيحافظ عليها مثل اللولوة ..
البعض كم من شهر ايطلق والخساير راحت
بنت فلانة مب احسن من بنتي
كل شئ غالي في الدوحة
البنت تحط من جيبها عشان تجهز حق العرس و 100 الف وين راحت
انتف ريشه عشان ما بفكر يطلق
المؤخر مليون عشان ما يفكر يطلق
و اخرتها الولد اخذ من برع و البنت عنست
اعرف اسرة عندنا في الفريج ... ما شاء الله عندهم خير الله يزدهم وايزيدنا
مهر بنتهم مليون وميتين الف ريال ... والتوتل من التكاليف 3 مليون
تموا 9 اشهر واتزوج الثانية بس ما طلق تمت معه في عصمته
والله حرام
ضوابط المشاركة
رد مع اقتباس