المهور ...... تعقيد ام غرور

[ameeer3]

أتوقع ان سبب زيادة المهور وذلك لأرتـــــــــــــــــفــــــــــــــاع التكلفة للتجهيز بشكل عام

[غريب الدّار]

يمسيك بالخير يا بانغ بانغ ..

الاصل كما نعرفه جميعا ما جاء في الحديث :

( أقلهن مهرا أكثرهن بركة )

فاختيارنا للمهر يكون على وفق الشرع ..

وكل بلد بحسبه ..

المبالغة لا شك انها واقعة في بلادنا ..

واذا كان ولي امر البنت راضي بالولد و مقتنع و واثق فيه ، فليش يحط مهر يثقل عليه و يتعبه ويبين له ان بنته مهب رخيصه او انه اختبار او ما شابه ؟

دامك قبلت وانت انسان مسلم اعمل اللي أمرك به الشرع وبتجد البركة ..

والا فلترفض من البداية ان احببت المغالاة ..

نسمع كثيرا من الأولياء يقول انه ما يبيع بنته و انه لو وجد الولد الحلال لازوجها على طول و بسهل أمور زواجها ..

ثم نرى عند حلول وقت العقد تختلف الآراء ، سواءا كانت بقناعة نفسية او لتأثير أطراف اخرى ..

البنت غالية عالاباء ، ولكن في نفس الوقت ، الولد ايضا له غلا ، فكما نحب الخير للبنت فليكن هذا في حق الولد ايضا

عندما تتساوى النظرة من هذه الناحية ستتيسر الامور ..

الله يرزق الشباب و البنات بالزوجات الصالحات و الأزواج الصالحين ..

كلام منطقي ومتزن

[غريب الدّار]

الدرة المصونة تستاهل مليون بعد
ولا هي مش درة أو ملكة البيت
تناقض ! إذا الرجل حب يطلعها يغطيها ويقول زوجتي درة أحافظ عليها
وإذا قلت له ادفع قال غلاء
طيب أحين درة ولا فالصو ؟

مليون؟على كم كيلو الدر هالايام يالربع


اتغشمر

بس يادمي عنابي اعتقد (واسمحي لي ) انج طلعتي شوي عن اطار الموضوع
المسألة مب تستاهل او ماتستاهل
اكيد تستاهل ومحد بيقول عن بنته ماتستاهل
واللي يتزوج وحدة لازم يقول عنها تستاهل ونص بعد
شدعوة مب صايرة مرته؟ مب صايرة ام عياله؟ اكيد تستاهل

لكن المسألة مثل ماقلت لج مب مسألة تستاهل ولا لا

المسألة المغالاة اللي مالها داعي

لأن أصلا في النهاية اذا الزوج وفّر شي بيكون حق من؟ حق مرته وعياله في المستقبل

الموضوع (حسب فهمي له) عن تيسير أمور الزواج

واعتقد المحك هو الاختيار الصح يادمي عنابي
يعني اللي يشوف ان اللي متقدم لبنته ريال بيستر عليها وبيحبها ومب امقصر عليها وبيحطها في عيونه ووافق عليه هنيه نقدر نقول ان البنت فعلا غالية عند ابوها لأنه زوجها لشخص كفو بغض النظر عن المهر اللي كلنا متفقين انه حق خالص للمرأة

مااظن السالفة بالفلوس
يعني اللي يقول مهر بنتي مليار مثلا (بل ! كني بالغت وايد ) وكان المتقدم واحد مايسوا له بيزة حمرة ، هل بجذيه الأبو رفع قدر بنته؟


هذا رايي
وردي مبني على فهمي المحدود لتعليقج اختي واسمحي لي اذا اني أسأت الفهم

[شيخ الديرة]

.
.
.
.
مااظن السالفة بالفلوس
يعني اللي يقول مهر بنتي مليار مثلا (بل ! كني بالغت وايد ) وكان المتقدم واحد مايسوا له بيزة حمرة ، هل بجذيه الأبو رفع قدر بنته؟
.
.

[أم محمد 90]

اللي مب قادر على مهر بنت فلان لا يقرب صوبها وخلها تطيح ف جبد اهلها ولا يجي واحد من مستواها ياخذها ويروح يدور وحدة من مستواه تقدر على مبلغ المهر اللي بيدفعه .

هذا الحجي من الآخر .

[غريب الدّار]

اللي مب قادر على مهر بنت فلان لا يقرب صوبها وخلها تطيح ف جبد اهلها ولا يجي واحد من مستواها ياخذها ويروح يدور وحدة من مستواه تقدر على مبلغ المهر اللي بيدفعه .

هذا الحجي من الآخر .

وهذا الكلام اللي يجمد على ال...................
ولا خلينا نقول يجمد على النقاب دامج انتي اللي قايلته

قواج الله اختي ام محمد
ومعاج في كلامج

[Dmy Enabi]

مليون؟على كم كيلو الدر هالايام يالربع


اتغشمر

بس يادمي عنابي اعتقد (واسمحي لي ) انج طلعتي شوي عن اطار الموضوع
المسألة مب تستاهل او ماتستاهل
اكيد تستاهل ومحد بيقول عن بنته ماتستاهل
واللي يتزوج وحدة لازم يقول عنها تستاهل ونص بعد
شدعوة مب صايرة مرته؟ مب صايرة ام عياله؟ اكيد تستاهل

لكن المسألة مثل ماقلت لج مب مسألة تستاهل ولا لا

المسألة المغالاة اللي مالها داعي

لأن أصلا في النهاية اذا الزوج وفّر شي بيكون حق من؟ حق مرته وعياله في المستقبل

الموضوع (حسب فهمي له) عن تيسير أمور الزواج

واعتقد المحك هو الاختيار الصح يادمي عنابي
يعني اللي يشوف ان اللي متقدم لبنته ريال بيستر عليها وبيحبها ومب امقصر عليها وبيحطها في عيونه ووافق عليه هنيه نقدر نقول ان البنت فعلا عند ابوها لأنه زوجها لشخص كفو بغض النظر عن المهر اللي كلنا متفقين انه حق خالص للمرأة

مااظن السالفة بالفلوس
يعني اللي يقول مهر بنتي مليار مثلا (بل ! كني بالغت وايد ) وكان المتقدم واحد مايسوا له بيزة حمرة ، هل بجذيه الأبو رفع قدر بنته؟


هذا رايي
وردي مبني على فهمي المحدود لتعليقج اختي واسمحي لي اذا اني أسأت الفهم

شكرًا للرد أخوي غريب الدار
التوازن مطلوب في كل الأمور التعليق كان للدعابة فقط*
بيت (وزوج رجل )وتلبية أساسيات واحتواء يكفي الفتاة وتفاهم لتكون أمة وليس زوجة فقط

[بومحمد المطاوعه]

اللي مب قادر على مهر بنت فلان لا يقرب صوبها وخلها تطيح ف جبد اهلها ولا يجي واحد من مستواها ياخذها ويروح يدور وحدة من مستواه تقدر على مبلغ المهر اللي بيدفعه .

هذا الحجي من الآخر .

اي والله هالكلام الصح ..