مساعدة : فيزا تشنقن من السفارة الفرنسية

[sultan01]

السلام عليكم ورحمة الله وبركاته
بغيت تساعدوني وتوضحون لي إجراءات استخراج فيزا من السفارة الفرنسية
بغيت كل المعلومات واذا في روابط او ارقام مكاتب او اشخاص يخلصون لي الموضوع ولكن يفضل اني اسويها بنفسي للتوفير

[عذاري قطر 2011]

احجز موعد ف السفارة عن طريق موقع اسمه capago وهاي الرابط infofrance.qa@capago.eu

[سلامي للكل]

وعليكم الســلام ورحمة الله وبركاته اخوي

أنا قبل اسبوع تقريباً سويت لي الفيزا عن طريق السفارة الفرنسية وعطوني 4 أسنوات

الأجراءات والأوراق بسيطة (للقطريين)

في البداية

تدخل هالموقع http://www.capago.eu

وتأخذ موعد قريب ويناسبك Book an appointment

للعلم رسوم الفيزا + الخدمات = 340.90 (الدفع يكون عن طريق الايداع في حسابهم او وقت تقديم الطلب بالبطاقة فقط)

وبنفس الوقت بعد اتمام اخذ الموعد, تدخل على الطلب وتعبيه وتطبعه

وبخصوص الاوراق المطلوبة:

طلب التقديم مطبوع وجاهز

صورتين الخلفية بيضة (بدون لاغتره ولاقحفية ولا كاب)

حجز فندق وطيران (الحجز الوهمي يمشي حالة)

تامين صحي (تامين اكسا يمشي معاهم وهذا الي انا سويته)

والجواز الاصلي

والرسوم المطلوبة: 340.90 ريال

ويجب حضور الشخص بنفسه لاخذ بصمة الاصابع والصورة

ملاحظة: لازم تواريخ الذهاب والعودة لحجز الطيران والفندق يكون مطابق للتواريخ لما تعبي الطلب

وكلها يوم لين يومين عمل وجوازك خالص (هالايام افضل الايام لقلة الزحمة)

عندهم نظام اون لاين تجيك على الطلب وين وصل ويوصلك ايميل من عندهم لما يخلصون

وهذا رقم الكول سنتر لأي استفسار 440286200

الامور بسيطة والطلبات غير معقدة والكل يقدر يسويها

وبالتوفيــق ياخوي

[الغفير]

الاخوان كفو و وفو جزاهم الله كل خير
و اذا ما تحب الدوشه مثلي - الله لا يهينك روح ريجنسي للسفريات
مصري يخلص لك كل شي و انت واقف - هذا رقمة - احمد او محمد شعبان - 55540965
سوا لي فيزة تشنقن و امريكا و الهند مره وحده ( بريطانيا من مكان اخر )

[sultan01]

تامين صحي (تامين اكسا يمشي معاهم وهذا الي انا سويته

يا ريت تعطيني التفاصيل إذا تقدر لان دخلت ع الموقع وسهل عبيت الطلب بس خفت يكون غلط

[sultan01]

لي من امس المغرب وأنا احاول اسوي تأمين السفر اون لاين وما يضبط يا يقطع النت ولا يشير مادري شسالفه

[غير البشر]

يعني الحين مشكلتج التأمين فقط
يعني بالنسبه للفيزا ومتطلباتها كل شي اوكي
مثل تعبئه الابلكيشن والموعد و الاوراق الي يبغونها

بالنسبه للتأمين قلت لج يفضل اي مكتب سفريات تخلصين موضوع التأمين ماراح يكلف كثير

[sultan01]

يعني الحين مشكلتج التأمين فقط
يعني بالنسبه للفيزا ومتطلباتها كل شي اوكي
مثل تعبئه الابلكيشن والموعد و الاوراق الي يبغونها

بالنسبه للتأمين قلت لج يفضل اي مكتب سفريات تخلصين موضوع التأمين ماراح يكلف كثير

سويت التأمين أون لاين من شركة قطر للتأمين

qic

https://www.qic-online.com/QIC/Anoud...nsuranceType=T

التأمين جدا رخيص 10% خصم اذا بسوي التأمين أونلاين وعلى طول طبعته
بس واحد من أعيالي سويت له التأمين اليوم من السفاره الفرنسية وصورته بالسفاره وكل شي بالسفارة طلع على الأسعار أكثر من الدبل بس الحمدلله خلصته