عادي السنه الماضيه عند فندق جميرا فرانكفورت في المانيا
كان هناك عرب مسيحيين بجنب الفندق
يقومون بتوزيع الانجيل على السواح العرب
وانا كذا مره عطوني كتاب الانجيل .. وكنت ارفض هذا الانجيل منهم لانني مسلم
سبحان الله العرب واسمحوا لي على صراحتي همجيين فيما يخص النظام
ولما جات على نشر الدعوه صحتوا وعلا صوتكم احنا دوله نظاميه وفي نظام وروحوا للفنار واخذوا اذن وتصريح شنو هذا توزعون منشورات عن الاسلام والتعاون!!!
بصراحة وانا صريحة انتي تقهرين وتصرفج يقهر دام انج جذي جريئة سحبتي الكتاب من يد الفلبينيه ورحتي تركضين وراهم وتكلمين الرجال الغريب بدون لا تستحين ويبدو اسلوبج ماكان حلو معاه بدليل انه عصب فياليت تركضين ورا كل وحده بالمول وتنصحينها تخش قذلتها وتمسح المكياج اسألج بالله عمرج سويتيها؟!! اعطيج مليون ان قلتي ايه وحلفتي
والاخ بايلوت والمطاوعه قالوا عادي ويصير اي حد يوزع منشورات
ع فكره يامن تدعون بحريات الرأي والغرب قدوتكم ترا توزيع الكتب والمنشورات بالاماكن العامة يعتبر حرية راي حتى لو يدعون للشذوذ محد يقول لهم شي مب ذيلا قدوتكم ياعرب يا مسلمين
مدري خفتي على الفلبينيه من شنو بالضبط؟!
المشكله وابيج تطالعين المشكله عدل
انتي مانتقدتي محتوى المنشوره لان سالتي الخدامه وقالت لج عادي عن الاسلام والتعاون
انتي انتقدتي انه هالداعي لله مجرد سائح ومرته متغطيه بالكامل لكن ما اتبعوا النظام الي مدري من وين مطلعته
يا عمري على قطر الي كل شي فيها بنظام ما كأنه يشقحون الرصيف ويطقون. المعلمين بالصف
ولد الاسلام غريبا
ليتكم تحملون هم الدعوه وتسوون اي شي في هم نشرها لو بالكلمه الطيبه واحترام الاخرين
يا ترى شنو الانطباع الي اخذوه عن تصرف هالبنت القطريه وهل بيتشجعون يواصلون مسيرتهم عقب ماصعقوا من اخت تجادلهم وتقول انتو تنشرون الاسلام في بلد مسلم!
للعلم بس نسبة المسلمين بقطر ماتتعدا يمكن 40%
دام الكتيبات غير مخالفه للسنه ايش المانع اجتهاد شخصي
بالعكس شي جميل انك تجد مسلمين مجتهدين يدعون الى الاسلام وناس تبي الاجر لا تريد شي من الدنيا
والحمدلله فيه خدم اسلمو بمجهود ناس عادين وبالكتيبات
واجرها عظيم
طاح قلبي يوم قريت كلمة منشورات ظنيتها لقلب النظام او نشر الفتنة في البلاد..
ودام ان المنشور فيه دعوة الى دين الله وما فيه شي يخالف قوانين الدولة التصرف يؤجرون عليه..
ولكن في نقطة لازم ما نجهلها وهي ان لو المنشورات هذي ما فيها دعوة للاسلام... فمن بيكون مسؤول عن نشر
هذه المنشورات لو ما كان هناك نظام لنشرها؟..
ملاحظة: مراحب الف مليون بضيوفنا من السعودية وشخصيا ضد اي كلمة
توجه لهم بطرق غير حضارية .. فالسموحة من اللي تأذى من اي كلمة غير مقبولة تجاههم..
مافيه شي على الاقل احسن من غيرهم يعني انا لو اعطي شخص غير مسلم كتاب او شريط عن السلام تعتبر جريمة هذي دعوة للاسلام مافيه شي