السلام عليكم ورحمة الله وبركاته،،
ليش اخوك يطق ولدي..،
هالنقاش أمس دار بيني وبين ربيعتي بعد نقاش في عدة مواضيع، وصلنا الى هالموضوع.. وبالفعل طال نقاشنا شوي فيه.. بالطبع مع علامات استغراب واستفهام عن السبب..،
مو سبب الضرب.،، لا
نقاشنا دار عن .. ( ليش الاخ والاخت، وزوجة الاخ والاخت ) مايرضون ان عمهم، عمتهم، خالهم، خالتهم يطقون أعيالهم، والقصد من الضربه تأديب الطفل عن الغلط ..،؟!
ليش أصبحنا ف زمن الاخت اتشوف ولد اخوها او بنته، او بنت اختها او ولدها، يغلطون بس ماتقدر تضربهم او اتهاوشهم ..،؟!
مع اني استغرب ان الاخ او الاخت المتزوجه اكثر الوقت اعيالهم يتربون بيت يدهم يعني مع الاخوال او الاعمام، لين احتاجوا شيء خلوهم عند عمته او خالته، لكن وقت الصج وقت التأديب لا الاب يرضى ان ولده ينطق حتى لو على غلط ولا الام ترضى..،؟!
ليش وصلنا مرحلة الخوف هاذي..،؟!..
مع العلم .. انا عارفه الخوف اللي صار بسبة المشاكل اللي تصير من قطع صلة الرحم يوم يدخلون لكبار ف هوشة لصغار..،!؟
لكن هذا كان ف جيل اول.،، وزمنا ووقتنا احس او اعتقد ان الناس فيه اوعى ..،؟!.. ف هل بالفعل ان العم او العمه والخال والخاله اتخاف اتمد يدها ع اعيال الاخت او الاخ .. خوفاً من زعل الاخ او زوجته والاخت وزوجها..،؟!.. ام ان ذلك فقط احترام منهم لام واب الطفل ..،؟!
في السابق..، اجدادنا وابائنا كانوا يعتمدون على الجيران ف تربية ابنائهم ايضاً..
فكان اذا الجار اشتكى عند جاره على ولده..، كان الجار ما يزعل على ولده..،!.. لا .،؟! ،،
كان يزعل على جاره ان ليش ما ضربه ما ادبه على الغلط يوم شافه ولده يغلط ..،؟!
كان من يجي الجار يشتكي كان الابو يسأله ضربته..، ليش ما ضربته..، ويزعلون عالجار ان ولدهم ما نضرب ما تأدب عشان مايغلط مرة ثانيه..
وهالشيء اللي خلى العيال اول يخافون يغلطون حتى برع البيت..!!؟
اما اللحين لا الجار يضرب او يشتكي،.. ولا الاخت او الاخ يقدر يأدب ولد اخته او اخوه اذا غلط الولد ..،؟!
والسبب اتوقع الخوف من قطع صلة الرحم ..،؟!، او الخوف من الزعل ..،؟! .. وقد يكون احتراماً في بعض الاحيان..،؟!
ف انا موضعي اهني مو مجرد نقاش..،،.. موضوعي حابه فيه اقول لكل اخت واخ.،، لين شفتوا العم او العمه والخال والخاله، صرخوا او ادبوا اليهال.،، تأديب مو ضرب مبرح،.، لا تزعلون لان هذا في مصلحة الياهل..،
هالشيء يزرع فيه الخوف من الغلط، واحترام الكبير والتقدير..، ومع الايام بمجرد نظره بتحصلون الياهل يخاف يسوي الغلط بدون مدة يد او صراخ ..
اي وعلى فكرة..، هالموضوع ادى الى ان الولد يشب ويغلط.، والبنت اتشب وتتبرج الخ..، والخاله والخال والعمه والعم مايقدر يقول كلمة ( أق ) لولد اخته او اخوه او بنت اخوه او اخته..،!؟؟
ماعرفت ارتب الموضوع، والسموحه عالتعبير ..
|
رد مع اقتباس
المشاركة الأصلية كتبت بواسطة الارستقراطية
