وليست مواقع الهيئة فقط وحتى شركات الطيران والشركات السياحية في خارج قطر تحدد أسعار الفنادق.المشاركة الأصلية كتبت بواسطة شيخ الديرة
|
وليست مواقع الهيئة فقط وحتى شركات الطيران والشركات السياحية في خارج قطر تحدد أسعار الفنادق.
أبي هريرة -رضي الله عنه- قال: قال رسول الله -صلى الله عليه وسلم-: ((ما يزال البلاء بالمؤمن والمؤمنة في نفسه وولده وماله حتى يلقى الله تعالى وما عليه خطيئة))، رواه الترمذي، وقال: حديث حسن صحيح.
هيئة السياحة بنص قانون السياحة الصادر طالبت الفنادق بتقديم كشف أسعار للغرف بالايام العادية وايام المواسم (الاجازات، الاعياد، اليوم الوطني، ...) وسيتم اعتماد هذه الكشوفات في حال قبولها من الهيئة وسيتم تطبيقها ولا يحق للفنادق بعد ذلك التغيير في أي سعر ... وهذا ما سيتم اعتماده حماية للسياحة القطريه
فندق ثلاث نجوم تخيلوا وصل السعر فيه الى25 الف
نقول للهيئة العامة للسياحة
نرجوكم حتى تنجح السياحه
يجب المحافظه على الاسعار
وبشكل خاص اسعار الفنادق والمطاعم وفي مواسم الاعياد
والاجازات والمهرجانات
بالصراحه كل مطعم عندنا حالته حاله
يرفع اسعاره و يقول اسعار سياحيه
ليش السايح تنهبونه بدل ان تكرمونه
كفايه عليه اسعار الفنادق التي تقص الظهر قص
وبعد نرجع ونقول الشئ المؤسف ان بعض الفنادق ما تصدق
اذا جاءت مواسم الاجازات والاعياد
حتى ترفع اسعارها الى الضعف على السواح
لدرجه ان اسعارها تتساوى مع اسعار فنادق اوروبا
ليش
أخوي يقول الخبر الفنادق زادت الأسعار بنسبة 400% إلى 1200%
4 أضعاف إلى 12 ضعف
يعني الـ 250 تصير 1000 إلى 3000
فعلاً اخوانا السعوديين مكانهم هي بيوتنا والعين اوسع من المكان ..
و لكن العُرف ان اي مسافر (و من ضمنهم أنا ) اذا بنسافر مكان لا بد من ترتيب الحجوزات مسبقاً , يعني هل معقوله اسافر لبلاد بدون ما احجز فندق و بالذات اذا عيالي بصحبتي .
تحياتي من البلكونه
بوعلي حسب ما وصلني امس ان الغرفة اللي كانت 950 صارت 25 الف..
شنهو هالنهب والاستغلال عيب والله اللي صار في السياح..
واخرتها قوم الطنازة مستلمين السياح لانهم ناموا في السيارات!!
تصير يا بو خليفة.. واايد تصير.. وفرضا ما كان يعرف يحجز من النت او يحجز من مكاتب السفر
وراح البلادين الثانية.. فهل من المعقول هالاستغلال الفاحش اللي صار من 950 لين 25 الف ريال لليلة؟
عنبوه استحوا فشلتوننا يا مالكم الفقر.. قاصيين علينا في قطر بالاسعار المبالغ فيها في كل شي
بعد تفشلوننا وتفضحوننا مع ضيوفنا؟
حال التجارة في قطر حال يرثى لها بصراحة
تجارة قايمة عالمزاجية بدل ماتكون محسوبه على اسس وقيم علمية
وانا اشوف ان الخلل في القوانين
شوفوا هيئة السياحة ارسلت انذار وهالشي غلط
وش بيسوي الانذار ؟ عادي مب مهتم الفندق لانه طلع ايرادات شهر ونص في اسبوع وبيجيه انذار وبينزل الاسعار وخلاص انتهت السالفة
اذا نبي التجار يستعدلون لازم وزارة التجارة تضرب بيد من حديد
ارسال تعميم واضح وصريح بدون اي ثغرات قانونية
في حالة مخالفة التعميم والنسب المطروحه يتم تغريم المؤسسة المخالفة بمبلغ كبير يردعهم من المخالفة اساساً
اما نظام سو اللي تبيه وطلع ربح شهر في يومين وبعدين برسلك انذار ونزل الاسعار , ماراح يتغير شي طول ما النظام مهب صارم مع التجار وفي صف المستهلكين سواء كانوا مواطنين ام سياح
إذا ما خلوتَ الدهر يومًا فلا تقل خلوتُ ، ولكن قل عليّ رقيبٌ ،
.................................................. .... و لا تحسبنَّ اللهَ يغفلُ ساعًة ، و لا أنَّ ما تُخفي عليه يغيبُ
يعني هيئة السياحة هزت طولها بس علشان انذار؟
وحقوق الناس اللي انكلت زور وبهتان وبوق عيني عينك.. مالهم حق يردون لهم فلوسهم
ويقولون لهم حقكم علينا واحنا اصحاب حق وما نرضى باللي صار؟
عيب والله اللي حصل عيب وايد اوي جدا خالص ..
مشاركتي لا تعني اني ابرر لرفع الاسعار الى الجنون . بالعكس اتفق معك و اتمنى يكون هناك رادع و عمل سقف لزيادة الاسعار في المواسم . و لكن مازلت مصر على التنسيق والترتيب قبل التوجه الى اي بلد آخر .
تحياتي من البلكونه
ضوابط المشاركة
رد مع اقتباس