معلومه لكم
الشوكلاته تحمي الاسنان بدون سكر كثير
اللي يلعب في الاسنان هو بقايا الاكل بين الاسنان لا البكتريا تشتغل بالليل وعند وجود هذي البقايا تبتدي مرحله التسوس
معلومه لكم
الشوكلاته تحمي الاسنان بدون سكر كثير
اللي يلعب في الاسنان هو بقايا الاكل بين الاسنان لا البكتريا تشتغل بالليل وعند وجود هذي البقايا تبتدي مرحله التسوس
الحقيقة انا متابع موضوعك بوعلي وقريت اغلب الردود بس ماحبيت اعلق بدري حتى اقرأ المشاركات فلو كانت هناك معلومة خاطئة اصححها او معلومة ناقصة اكملها ..لكن اكتشفت ان اغلب الاعضاء معلوماتهم جيدة جدا عن الاسنان وعلاجها وطرق الوقاية..
نرجع لصلب موضوعك بوعلي وهو كثرة التسوس عند الاطفال ..في سنة 2012 كان لي شرف المشاركة في المسح الوطني الاول لصحة الفم والاسنان لطلبة المدارس في دولة قطر وزرنا اكثر من 300 مدرسة بين حكومية وخاصة وجاليات ,, من دخان غرب الى مسيعيد شرق ومن رويس شمال حتى سلوى جنوب وخذ مننا وقت زاد عن سنة ..والنتيجة اللي سمعتوا فيها عن نسبة التسوس لدى طالبة المدارس هي نتيجة البحث والمسح اللي عملناه بعد فحص وفرز وتجميع النتائج ظهرت النسبة المذكورة وهي دقيقة وغير مبالغ فيها ,,
الحقيقة لاحظت اثناء المسح ان اغلب الطلبة القطريين عندهم على الاقل سنين فيهم سوس بعكس غير القطريين مع العلم ان غير القطري لو بيتعالج بيدفع فلوس وعلاج الاسنان الكل يعرف انه مكلف بعكس القطري اللي علاجه مجاني فالمفروض يكون العكس ,,القطري اسنانه سليمة وغير القطري عنده مشاكل في اسنانه..
شكرا يادكتور على هذه الاضافه
المشكله الحقيقه هي
الاهمال
هذا هو السبب الحقيقي لا يوجد متابعه من قبل الاهل
تروح عيادات الاسنان كلها فول
ومثل ماذكرت الدوله موفره ولكن ان نترك كل شي ومانحاسب
ونهتم هذه المصيبه
نسبه التسوس كبيره
زين ماهي الاسباب ؟ وماهو الاجراء ؟ او التخطيط المستقبلي ؟
اهتمام من قبل الدوله واهمال من اولياء الامور يعني يابوزيد كانك ماغزيت
على العموم وينك من الجو الجميل
بانتظارك
الاسنان تسوسها ليس بالضروره الحلويات
في اسنان تعبانه وراثه وفي اسنان بهالعمر تبدل اللبنيه
الغالبيه مايهتمون لان يقولون لبنيه وبتطيح
انا بصراحة يمكن مابديت افرش اسناني الا بعمر احد عشر سنه هههههه والنتيجة خسرت ضرس ولين الحين عايشه بضرس مفقود بس لا تعلمون حد محد يدري غيركم
شخبار اسنان بروق
مب شرط إهمال يا حسن ..
مرات كثيرة الخوف ..
عندك أنا أكبر مثال ..
ما تجرأت و تشجعت أعالج أسناني إلا من سنة ..
كنت أروح لدكتور الأسنان و ما يشوف وجهي مرة ثانية ..
وواحد من عيالي من كم سنة وديتة لدكتور الأسنان
كان ضرسه يعوره كان سن واحد بس مسوس
و لازم شغل حشو ..
والله صادته حالة هستيريا في العيادة أنا خفت عليه
و ما خليت الدكتور يلمسه ..
حسيت الولد من الخوف إسم الله عليه بيوقف قلبه ..
حاولت أوديه مكان ثاني و فعلاً وديته الصحة المدرسية
نفس الحالة مسكوه عشان يسوون له الأشعة إستخف
و قام يصرخ ويرتجف ..
ما قدرت آخذه بعدها لأي دكتور ..
مرت كم سنه و كبر و تشجع الحمدلله وديته لدكتور
أول مرة كان وايد خايف تميت أكلمه و أشجعه
الحمدلله خلص أسنانه و ركب التقويم و قريب يشيله
إن شاءالله ..
لا تمسك يا حسن على كلمة إهمال ..
يعني أنا كنت مهملة ..!!!
أهملت ولدي ..!!
غيري وايد نفس حالة ولدي ..
عيالهم يخافون وايد
و البعض يخاف من التخدير الكامل ..
الحاااال ،،
و الأقدار ،،
والرزق مكتوب ،،
و ما جابته الأيام ..
لا شك خيره ~
موضوع في غاية الأهمية ويجب على الصحة حل هذه المشكلة بالتعاون مع الأسرة والجهات المختصة
نريد دفعات تخلو أسنانها من التسوس وليس العكس ...
ونتمنى من كل ولي أمر سواء الأب أو الأم الإهتمام بأسنان أطفالهم ....
شكرًا لك على هذا الموضوع الواقعي ...
استغفر الله الذي لا إله إلا هو الحي القيوم وأتوب إليه عدد خلقه ورضا نفسه وزنة عرشه ومداد كلماته
ان غبت عنكم ولا عاد جيت...ولا لي مواضيع ولا ابديت لي رآي
طلبتكم قولو تمّ حتماً توفيت ...وما بغيت منكم الا دعوه بجنة الفردوس مثواي
حسب علمي هناك حملات من الصحه على المدارس سنويا
ولكن
الخلل والاهمال الكبير يقع على عاتق الاسره
لا توجد ثقافه ولا توعيه من انفسهم
الواقع الحالي مسؤليه الاطفال في يد الخدم ولانكر هذا الشي انسان عاقل
نحتاج الى حمله قويه وحمله ذات صفه قانونيه وامتابعه واستدعاء اولياء الامور والحزم
في ذالك
ولا سوف تواجه الدوله الكثير من الاتزامات مستقبلا
شكرا لمرورك الكريم
بوعلي يالغالي الله يوليك العافيه
انا بتكلم عن ولدي ..
هملته والاهمال خلاني اسوي له جراااحه لسبع اسنان
تلاحقت عليه والحمد لله وكانت عمليته بنج كامل وخفنا لكن شيء لا بد منه ولازم نوافق عليها ..
وسوتها له الدكتوره نور السليطي دكتوره من خيرة الدكاتره ومتمكنه ماشاء الله عليها ..
طمنتنا عليه وعطتنا مواعيد دوريه له ونروح اول بأول نتابع معاها
وآخر مره ركبت له جسر وثبتت له اسنانه لاجل ما تتفرق
والحين انا مانعه من الحلووويات بس اسكريم اعطيه وكافي خفيف ..
ولازم اقل شيء 3 مرات يغسل اسنانه ..
شكراً للدولة على خدماتها وشكراً للدكاترة الاكفاء الي لازم نشكرهم على عملهم ..
نصيحة من واحد شايف وعايش
لا تهلمووون عيالكم في أي شيء ..
والله يحفظ لكم عيالكم ويحفظ لنا عيالنا وينبتهم النبات الصالح ..
اللهم آمين
مَھْمَـاَاَ פـٌٍدَثْ لٱ تَبْگِيّـے }.. ۈلَگِنْ ٱبْتَسِـم
Dιиια мαтιѕιωα