مدري ليش ماحسيتها مفيدة هالتقنية ، يعني في الويه ومايبين الا بعد اسبوعين اشلون المعدة ؟ عيل من البداية اعود معدتي على شي قليل وبروحها بتتقلص
اللهُمْ خِفّافاً لا لنْا ولا عَليّنا لا نؤُذيِ ولا نُؤذى، لا نَجّرح ولا نُجرح، لا نَهيّنْ ولا نُهانْ، اللهُمَ عَبُوراً خَفيّفَاً لا نُشّقيِ بأحدً ولا يُشّقى بنا أحد
ليش عندنا يكرهون الرياضة ليشششششششششششششششش؟ اشفيها الرياضة مفيدة و مافيها مخاطر حتى في الشكل احس الناس متقبلة المتن خلاص اللي الناس تشوف اجسامهم زينة انا اشوفهم متان الحمد لله اني مب متين والحمد لله ان زوجتي مب متينة و تهتم في الرياضة
^
أنا نص رياضية ... أمارسها مرات بانتظام .. وفجأة افصل
واذا شفت حد رياضي .. أغبطه على نعمة اهتمامه بنفسه وتصالحه معاها اللي تولد عند العزم الكبير
ويكون عنده هدف رئيسي أنه يعيش بافضل حالة صحية طالما القرار متعلق فيه هو !
هذي الحالة تخليهم أصحاء على المدى البعيد ... وفي الوقت الي أقرانهم يصيحون ويشكون من الالام والأمراض
هم يكونون مستمتعين بالصحة والعافية .. والسعادة ... لأن الرياضة رافعة لهم هرمون الانبساط على طول..
لذلك .. ممارسة الرياضة اسلوب حياة لو مالحقنا عليه أو ماتبنيناه صح من واحنا صغار ...
من الأفضل نربي عليه العيال ... وخاصة إن الدولة موفرة كل المرافق اللازمة
وفرصهم فيه افضل من فرصنا.
الاطباء هم الاكثر قدرة على تقدير خطورة اي عملية من عدمها..
فالتقنية هذي.. معقول بيصرحون فيها وهي ضارة وقاتلة؟
على العموم الله يديم على الجميع بالصحة والعافية..
هذي الخوف.. اسمع وحدة تقول ولدها من شل البالونة عقب فترة ما قدر يضبط نفسه ورد ياكل..
فإذا الحشوة هذي نفس فعل البالونة والانسان ما عنده ارادة اشوف صعب انه يستمر في المحافظة
على وزنه من الارتفاع..
اما اذا الواحد نزل وقدر يحافظ على وزنه فما اعتقد ان السبب الحشوة او البالونة
السبب مصدره الارادة على المحافظة على كمية الاكل و ممارسة الرياضة..
عكس التكميم اللي يخلي الواحد غصب عنه يقوم حتى لو ما شبع لان معدته ما فيها مكان..
ومع هذا التكيمم مب اجباري للي اوزانهم كبيرة ..
التعديل الأخير تم بواسطة المخفي ; 30-03-2015 الساعة 01:36 PM