ياعزيزي هل أنت ناعم؟

[Rebilion]

نادرا ما ينتقد البشر انفسهم فغالبا ماتوحي النفس بالكمال ورفض الانتقاد الخارجي والداخلي كمبدأ. لاحظت فالفتره المؤخره وجود فئه كبيره من الرجال يتصرفون تصرفات غريبة ! لم اكن اعهدها قبل فتره! بعض الرجال صارت سوالفهم سوالف حريم. ينتقد تصرفات الآخرين ولبسهم, ينتقد من يتزوج ثانيه او ثالثه, يدافع عن احساس الزوجة الاولى! يتكلم في ملابس الحريم, واجازاتهم وحياتهم.هل هو هوس بكل ماهو حريمي من باب زيادة الحب للحريم؟ هذي ممكن اتفهمها ولو اني اشوفه هوس مرضي! ام هل هو نعومه زايده وحاجه لدورة عند داعش؟ فتفكيراً بصوت عالي حبيت اسأل هو في حاجه غلط؟ ولا انا بس متوهم؟؟

[بومحمد المطاوعه]

ياخوي
موضوعك
بيقوم فيه الحش والنميمه والغيبه .. والحرب بعد اشوي

لو ماطرحته احسن ..


الله يهدينا ويهديهم ويهديكم يارب ..

[توشيبا]

مايحتاج دوره عند داعش

جبه لي اسبوعين في العزبه ويرجع لك يقول هلا بالعيال

[ودي أكون]

عفواً أختي، بس هذا المنتدى عام تطرح فيه مواضيع تخص الرجال والنساء والاطفال، والمجتمع أيضاً وهم أساساً من المجتمع .. بالاضافه الى مايتعلق بأمور التعليم والصحه وووالخ ..

بالنسبه لي بحكم على الشخص اذا كان يتكلم عن المرأه خارج المنتدى، اهني بحس ان هذا الانسان فيه خلل !!

اما اهني في المنتدى، ف ما اقدر احكم عالشخص اذا طرح او رد في موضوع نقاشي كان يتكلم عن المرأه .. لان المواضيع التي تطرح ما اشوفها خاصه جداً ( ك المكياج وطريقة وضعه، او الازياء او او او ) ..

وبعدين لا ننسى ان المرأه والرجل في نفس المجتمع، فهي ان لم تكن زوجه، فهي ام، واخت وابنه .. ف من الطبيعي ان ان الرجل يوم يعلق، فهو يلق من باب ان المرأه هذي ك زوجه او اخت او ام او ابنه .. وهكذا



وجهة نظر عزيزتي ..

[مختلفة عقليا]

السلام عليكم

يقول الرسول صلي الله عليه وسلم (( ما كان اللين في شي الا زانه )) .,

انا ما اتكلم عن سوالف البنات او ملابسهم ., اتكلم عن احساسه في المراءه .,

وخوش ريال اللي يدافع عن احساس مرته ., والله انه كفووو .,

والرسول صلي الله عليه وسلم ., كان حريص علي مشاعر زوجاته امهات المؤمنين رضي الله عنه .,

فعند اشتداد المرض ., جمعهم وطلب منهم موافقتهم علي جسوله عن سيده عائشه رضي الله عنها ., والسبب عشان ما يجرحهم .,

وفي تصرف سيده عائشه رضي الله عنها ., عندما اللقت الطعام في الارض ., قال صلي الله عليه وسلم (( غارت امكم )) ., احترم مشاعرها .,

اما اللي يسولف ويجوف البنات ويحب أي بنت هاي الله يهديه والا ياخذه ^^

ويسلموو

[Rebilion]

عفواً أختي، بس هذا المنتدى عام تطرح فيه مواضيع تخص الرجال والنساء والاطفال، والمجتمع أيضاً وهم أساساً من المجتمع .. بالاضافه الى مايتعلق بأمور التعليم والصحه وووالخ ..

بالنسبه لي بحكم على الشخص اذا كان يتكلم عن المرأه خارج المنتدى، اهني بحس ان هذا الانسان فيه خلل !!

اما اهني في المنتدى، ف ما اقدر احكم عالشخص اذا طرح او رد في موضوع نقاشي كان يتكلم عن المرأه .. لان المواضيع التي تطرح ما اشوفها خاصه جداً ( ك المكياج وطريقة وضعه، او الازياء او او او ) ..

وبعدين لا ننسى ان المرأه والرجل في نفس المجتمع، فهي ان لم تكن زوجه، فهي ام، واخت وابنه .. ف من الطبيعي ان ان الرجل يوم يعلق، فهو يلق من باب ان المرأه هذي ك زوجه او اخت او ام او ابنه .. وهكذا



وجهة نظر عزيزتي ..

عزيزي انا ماحددت بالمنتدى او لا انا قلت ملاحظ ظاهره عامة. يعني ابي أتأكد هل تستحق ان تكون ظاهرة ام مجرد حالات منفردة. وشكراً لمرورك يالذيب

[Rebilion]

ياخوي
موضوعك
بيقوم فيه الحش والنميمه والغيبه .. والحرب بعد اشوي

لو ماطرحته احسن ..


الله يهدينا ويهديهم ويهديكم يارب ..

الله لايقول انشالله مب صاير الى كل خير هو مجرد نقاش. تفائل

[يمامـة]

اتصدق ان في مشايخ دين يتكلمون في هالسوالف..
فهل تعتقد انهم نواعم؟


فبعيد عن الضرب من تحت الحزام في المنتدى بشكل عام..
وبغض النظر عن الاعضاء اللي يركزون في مواضيع الحريم كيدا في الحريم..

اقووول:

التطرق لكل ما يختص الحريم او الرجال في امور منهية في الدين ما فيها شي..

سواء تكلموا عن المكياج
او الحجاب
او العباية
او السوالف مع زملاء العمل والضحك و الغشمرة
او السواقة في الشوارع من غير ادب
او عبيهم
او العادات الدخيلة في امور حياتنا..

عني والكلام يخصني ووجهة نظري الخاصة..
ما اشوف فيها شي..

اما لو رجعنا للمنتدى يا وليدي ( اسمك غلج الله يسامحك)
اللي يغذي هالمواضيع نفسهم اللي يعترضون عليها..

فعني ما اعترض عليها و لا عندي مشاكل فيها.. ادخل اكتب رايي ..
فاللي مب عاجبته هالمواضيع يضرب عليها اكس ولا يقرب صوبها.

فالزيادة اللي تصير في عدد المشاركات والردود اساسها الاعتراض على الموضوع
في الوقت اللي لو نفس العضو نزل موضوع فيه قيمة محد يدخل له ويرد عليه وتلقى
حدود المشاركات ثلاث صفحات عكس مواضيع الاكشن..

و موضوعك بعد من النوع الاكشن.. اللي فيه حريم..

كل يكتب اللي يلفت النظر لموضوعه ولكن بعدة طرق
ناس ينتقدون وناس ينتقدون اللي ينتقدون والحريم هم اساس الموضوع..

الى اللقاء

[Rebilion]

مايحتاج دوره عند داعش

جبه لي اسبوعين في العزبه ويرجع لك يقول هلا بالعيال

وحش ياوحش

[ودي أكون]

عزيزي انا ماحددت بالمنتدى او لا انا قلت ملاحظ ظاهره عامة. يعني ابي أتأكد هل تستحق ان تكون ظاهرة ام مجرد حالات منفردة. وشكراً لمرورك يالذيب

بما انك رجل، فأنت أعلم ان كانت ظاهره او لا ..


اعتقد الحكم بيكون ادق اذا جاء من الرجال انفسهم،، والله أعلم ..


أختك..