+ السوق المركزي +

[شبح الصمت]

السلام عليكم ورحمة الله وبركاته ...



السوق المركزي للفواكه والخضروات


بالخط العريض


هل عليه راقبه من قبل حماية المستهلك !!!!

[R 7 A L]

والله مادري
بس يقولون ارخص من الاماكن الاخرى بفرق السما عن الأرض

[شبح الصمت]

رحال ابي اشوف آراء الناس الي تزور السوق ..


وشكثر هالفرق الي يشوفونه

[دااانة قطر]

اخر مرة مريتهم قبل افتتاح لولو الغراافة
عااد احسبوها
ماذكر الاسعاار لكن الانواع المتوفرة كاان له دور

[كازانوفا]

ما اعتقد عليه رقابه

[أم محمد 90]

شخباري اخررر مرة رحته كنت ماسكة باربي شعرها كشة وجلابية مقصملة وزنوبة الله يعزكم واصيح ابي عصير بو نص اتذكر هاليوم عدل اليوم اللي ابوي شرى لي فيه بطة ورديه

[يمامـة]

تقصد السوق المركزي صوب الجملة و لا المفرق؟

وبشكل عام المفروض ايه.. وكل محل معلق كرتونة صغيرة و عليها سعر.
والتسعيرة هذي المفروض تتغير مع التسعيرة اليديدة كل يوم..

[بومحمد المطاوعه]

ياحبيبي
روح الي ف المزروعه ..

ساحه المزروعه

ارخص منه ماشفت

[ودي أكون]

السوق المركزي مقارنة بالاسعار الاخرى..، نعم فيه فرق
سواء في السعر، او حجم الكراتين، او الخيارات المتاحه..، اغلب الخضرة والفواكه موجوده الا الموسميات والله اعلم


المكان محتاج ترتيب، وتوزيع عدل ..

من ناحية الرقابه مرتين ان ما خاب ظني لحقت على تواجد رجال البلديه.، وتسمعهم من يجون رجال البلديه كل واحد يقول للثاني بلديه بلديه..،

[ولد العرب]

هلا شبح نعم لها دور حمايه مستهلك
ولازم تكون انت بعد لك دور
اطلب منهم النشره اليوميه للخضره وهنا بتحصل العامل متغير وجهه وتاخذها غصب عنه بسعر النشره عنده طيب غصب بتاخذه
رفض اتصل عليهم وقوولي رفض تطبيق النشره



النشرة اليومية لأسعار الخضر والفاكهة والأسماك بالدوحة


الدوحة - العرب
الأحد، 19 أكتوبر 2014

نشرت وزارة الاقتصاد والتجارة صباح اليوم، النشرة اليومية لأسعار الخضراوات والفواكه والأسماك بالسوق المركزية بالدوحة، ويمكن استعراضها بالنقر على الروابط التالية:-
اسعار السمك في السوق المركزي
اسعار الخضروات في السوق المركزي
اسعار الفواكه في السوق المركزي