حفلات داخل البيوت لوقت متاخر وإزعاج الأغاني ،،،،!!

[بوحارب]

السلام عليكم ورحمة الله وبركاته اخواني واخواتي في الله




يا جماعة الربع

الحفلات داخل البيوت وإزعاج الأغاني اللي واصل لين الفريج الثالث !!!

لحظة

انا انتقد الحركة نفسها يعني أغاني لين وقت متأخر من الليل دون احترام الجيران

مثلاً بعض الحفلات تستمر لين الساعة 1 الليل !!!

طيب وين احترام الجار

ممكن جاركم مريض
او شايب كبير فالسن يرقد بدري
او أطفال عندهم مدرسة
او عسكري يقوم من الفجر لحماية الوطن

المهم


اتمنى وضع قانون يلزم اللي يسوون حفلات داخل البيوت بوقت معين
مثال ايام الويكند مافيه اغاني وإزعاج بعد 12

والايام العادية الساعة 11 يتسكر الDG

الصراحة ماعرف الوم من

الحريم راعيات الحفله
او الرجال راعي البيت اللي سامح بهذي المصخره

!?!

[ضوى]

اعتقد كان فيه قانون يابوحارب اخبره من التسعينات حفلات البيوت لين 12 والفنادق لين 1

[بومحمد المطاوعه]

الله يهديهم .. ويستر عليهم ..

انا مابي اتكلم واجاوب ..

والله يعينك على الهجمات المرتده ..

بتابع الموضوع بجلابيه

[فريج النجادة]

والله يا ابوحارب

الشهر الماضي كان في فريجنا عزاء وخيمة وناس رايحة وناس تعزي وتقوم بالواجب

والجار مع الاسف عندة حفلة يوم ميلاد والسماعات الخارجية حدث ولا حرج

وش العمل معاهم نبلغ الشرطة او الفزعة او المطافي

[Amigo]

بوحارب للتصحيح DJ وليس DG

اي والله ياخالك هالسوالف ماتنفع صح يمكن فيه مرضى او ناس كبار في السن
او الشخص الي يحمي الوطن المهم انا اعتب ع الناس الي عندهم الحفله وعافسين اللحم لسببين

الاول عدم احترام الجار
والثاني ليش مايعزموني

وبس والله

[مختلفة عقليا]

السلام عليكم

اجوف لي الساعه 1 عادي جدا ., يعني مساكين يطلعون خلق الله من بيتهم والا يصكرون الدي جي ., يرقصون مساكين

ما يسوي عليهم هالحفله ^^

انا اجوف ان الجار للجار تحملوهم يوم ., ^^

ويسلموو

[نوار قطر]

ترى الحين نااادر الي يسوون حفلاتهم في البيت .. اغلب الناس تسوي الحفلات في قاعات وفنادق...

[ودي أكون]

الحريم راعيات الحفله
او الرجال راعي البيت اللي سامح بهذي المصخره

!?!

نسخه لأخوي المهاجر ههه .. ( يرجى الرجوع الى اخر مشاركه لي في موضوع الاخ المهاجر )


اتفق معاك في وجوب احترام حق الجار .. بارك الله فيك أخوي بوحارب

[العلياا]

ترى الحين نااادر الي يسوون حفلاتهم في البيت .. اغلب الناس تسوي الحفلات في قاعات وفنادق...

صحيح
اريح لنا ولمعازيمنا ولجيرانا

[R 7 A L]

صحيح انه أمر مزعج
بس لازم أنتحمل الجيران