Xx فضيـــــحة حمــــامــــات فيـــــــلاجيــــــو xx

[بشائر]

السلام عليكم ورحمة الله وبركاته ،،

حبيت أنبه الجميع لهالموضوع الخطير .. انتبهوا ونبهوا أهلكم واللي تعرفونهم ..

في حمامات فيلاجيو - وانتوا بكرامة - اللي عند فرايديز اليوم لقيت فلبينيتين عند المغاسل ينتظرون الدور
وقدام أحد الأبواب مباشرة لفت انتباهي وحدة منهم تسترق النظر لأعلى وتطالع اللي حولها حد انتبه لها والا لا ؟
وكررت الحركة مرتين !!صديت عنها ولا كإني انتبهت لها ..
الحمام اللي احذاه طلعت منه وحدة ورحت وقفت بنفس المكان اللي يفترض انها واقفه فيه وطالعت فوق بشوف شسالفتها !...
قسم بالله إن الفلبينية لما حست إني فهمت وبكتشف أمرها طلعت بسرعة من الحمام ( وتوني للحين ماوصلت للي أبيه )

المهم الخبيثة طلعت تشوف اللي داخل الحمام من قطعة الرخام اللي فوق الباب لأنها تعكس بوضوح !!
لما فهمت وانصدمت التفت أبي أتفاهم معها لكن مالقيتها طبعا لأنها اشردت وقت انشغالي بالبحث ..

كلمت الأخوات اللي في الحمام ونبهتهن من الانعكاس الفاضح من الرخام اللي فوق الباب
( وترا أي وحدة تقدر تصور بجوالها واللي داخل ماتدري عنها) !! ونبهت العاملة المسؤولة عن الحمام وخليتها تشوف
بنفسها الغريب إني ماحسيتها انصدمت أو تفاجأت !! وطلبت منها تعطيني رقم مديرهم أو مسؤولهم علشان أكلمه لأن هذا
حرام وفضيحة ولازم يتصرفون وبأسرع وقت ..
عطتني رقم دقيت عليه محد رد .. ماعرف كيف أوصل لمسؤولهم ..وشايلة هم الموضوع كثير من الأخوات غافلات مايدرون
الله يستر على الجميع ..

[رهج السنابك]

اعتقد مكتب الادارة مقابل كارفور واظن المدير مصري يعني سهل تشرحين له الموضوع

مع اني مافهمت شلون قطعه رخامه فوق الحمام قصدج في السقف يعني ؟؟!
وهالفلبينيات على شنو يطالعون هاهاها معليش بس السالفه أرف
شيطالعون جتهم نيله

كان اول مانتبهتي سطرتي الفلبينيه كف وعلمتي الضحيه الي كانت بالحمام صج يمكن كان اغمى عليها يادي الكسوووووف


المهم لو حابة تتحركين صح تكلمين ادارة المجمع مب مسؤل المنظفات

[بشائر]

هههههههه ضحكني ردج يأرسطو الله يسعدج

أي اقصد سقف الباب بس عليه رخام ..أكيد شفتيه ..
الفلبينية مالحقت عليها اشردت وانا مشغولة بسالفة الباب والا ماخليتها ..
وجزاج الله خير ع النصيحة شكلي بروح للمصري بكرة ..
أهم شي نبهواااا أهلكم وربعكم لين نشوف شلون بيتصرفون .

[الحياة الخالدة]

حسبي الله ونعم الوكيل
يعني شهاللعانة اللي فيهـــــم
أمرهم غريب
سبحان الله

[بشائر]

حسبي الله ونعم الوكيل
يعني شهاللعانة اللي فيهـــــم
أمرهم غريب
سبحان الله

صدقتي أي والله إنها لعانة !
أعوذ بالله منهم طيب ينبهون دامهم دروا بالسالفة مافيهم خير أبد ؟

[.قطر.]

وعليكم السلام ورحمه الله وبركاته

جزاج الله خير ع التنبيه

[بصمة قطرية]

حسبي الله و نعم الوكيل عليهم ..
وصلي الأمر للمسؤول بأسرع وقت ..
حرام وايد غافلات عن هالشي ..

[راجي الْعفو]

يزاج الله خير عالتنبيه

وهذي الجالية من طبيتعهم التساهل في مثل هالامور

والله يستر عالجميع

[بشائر]

وعليكم السلام ورحمه الله وبركاته

جزاج الله خير ع التنبيه

ومن قال ... سلمت

[بشائر]

حسبي الله و نعم الوكيل عليهم ..
وصلي الأمر للمسؤول بأسرع وقت ..
حرام وايد غافلات عن هالشي ..

بإذن الله حبيبتي
وياليت لو يجيهم التنبيه من أكثر من شخص وما نكتفي بصوتي بس.. بيحسون إن العالم انتبهوا
ويمكن يتحركون أسرع ..