قاعات الأفراح بالرفاع تجبر الفنادق على تخفيض أسعارها

[Bin sultan]

سلامتك غلطان انا سايم الاسعار وحافظها

كراسي المعرس ال في اي بي سعر الكرسي الواحد 450 ريال لو قلت بتحط 5 كراسي بيطلع المجموع 2250

والكراسي العاديه سعرها 60 ريال ارخص شيء قول بتحط 200 كرسي اقل شيء = 12 الف ريال

والورد ارخص شيء بقاعه الرفاع الي خلف المعرس 4500 ريال هاي سعر قاعه الرفاع

والعشاء طبعا بتجيبه من برع هم يوفرون لك بس الطاولات وملاحظه ممنوع اتحط الاكل على الارض نفس الخيم

قول بتحط 10 ذبايح على صنتين يعني المجموع 20 صينيه وسعر الذبيحه الوحده 1800 ريال مع التوصيل = 18 الف ريال

وتبي عرضه ولا ماتبي سعر العرضه الوحده ارخص شيء 12 الف ومش حالك ،،


وتبي تصوير ول لا ممم سعر التصوير الزين خارج القاعه 5 الاف ريال

تبي طاقم ضيافه للعشاء ول لا ؟ ملاحظه سعر الشخص الواحد داخل القاعه ب 200 ريال

تبي مقهوين ول لا ؟ المقهوين بالقاعه سعرهم 4500 مع العده ملاحظه 10 مقهوين لازم ،،


تبي سجاده حمره قدام المعرس ول لا ؟ ملاحظه سعر السجاده الحمره 500 ريال ملاحظه سعر القاعه

كل هذا على المعرس:eek5!!!!عيل ليش يقولون قاعات مجانية؟؟كذبوا الكذبة وصدقوها هههههههه

[Bin sultan]

تذكرون لما نزلتوا موضوع مدح وطيران في هالقاعات وكان عندكم قلق ان الناس بترفضها وتسميها قاعة بو بلاش

قلت لكم لاحد يستانس تراها اغلا من الفنادق وهذي نوع من البزنس للحكومة وليست كما روجوا لها انها قاعات مجانيه!!!
وبحسبة بسيطة في ثلاث شهور هالقاعات دخلت مليون ريال من بس فلوس تاكيد الحجز الي هي الفين وخمسميه
غير طبعا الكراسي والزل وغيرو وغيرو


يعني بالاخير هي مشروع تجاري وليس هبة من الحكومة

صادقة أختي،طلع مشروع فاشل حاله حال باقي مشاريع الدولة

[رجل مثالي]

نعم المفروض من المسؤولين توفير قاعات بأسعار معقولة بدل البهدلة مع أسعار الفنادق والقاعات العالية الاسعار الذي يكلف الكثير على المقبلين على الزواج من الطرفين

[حسن]

الحين هل القاعات الجديده بدون فرش وكراسي ولا ايش من العرس فيها
ويعطينا الاخبار الصحيحه علشان نبدي راينا عن قناعه ويقين
ياريت يذكر اسمه
لاني مازرت حد فيها