اكذوبة دورات حب الذات

[R 7 A L]

اخوي الكابتن
هل نصنف هذة الدورات التي ذكر مثل البرمجه والطاقه وغيرها من ( المهدئات ) التي مفعولها مؤقت ؟

[الجـــوديّ]

قريته عدل
بس يمكن استيعابي فيه خلل
بس الي سألته هل كلها نفس الشي ان الواحد يبدأ بالدعاء لنفسه وبين ان تبدأ المرأة في الاهتمام لنفسها على حساب الابناء والبيت ؟

R7AL


اذا تسمح لي أوضح لك شي .. تعانيه كثير من النساء

واللي استدعى بعضهم يلجأون لهذي الدورات من باب "التطبب" أي البحث عن علاج ..

أو دواء لحالتهم .. بعد أن أعيتهم الحيلة ..!

بتكلم بالتحديد عن المرأة المتزوجة أم العيال .. وبتحديد أكثر عن المراة اللي يدور محور الموضوع حولها ..




.. المراة تمر بكثير من الضغوط النفسية اللي تسبب لها قلق مستمر .. وخاصة من بعد أول طفل تجيبه ..

دائماً في صراع داخلي مع نفسها حول مسالة التوفيق بين واجباتها كزوجة

واهتمامها بزوجها والحصول على اهتمامه والابقاء على انجذابه لها

وبين الحفاظ على جمالها وأنوثتها وجاذبيتها كامرأة ..

وبين أن تكون -قد ماتقدر- أم مثالية ترعى أطفالها وتمنحهم الحب والحنان والرعاية والاهتمام ..

وبين ايضاً تحافظ على علاقاتها الاجتماعية بين الأهل والقارب .. والصديقات والجيران ..

وضرورة أداء الواجبات الاجتماعية علشان ما يجيها السخط الاجتماعي والانتقادات من هنا وهناك

ونحط عليها ازياد عدد الأطفال .. ودخولهم المدارس والدخول في دوامة المدارس والتدريس

وأيضاً وظيفتها ومشاكلها وتعبها إذا كانت موظفة !

كل هالعوامل المقلقة تشتغل مثل المتاريس في راس المرأة ونفسها ..

اتم اتحاتي وتفكر وتحاول شلون توفق بين هذا وهذاك

إن أرضت الزوج .. صاحوا العيال وتدنى مستواهم ..

وان ارضت العيال عاتبها الزوج وترك البيت وخلاها ..

وان ارضت الاثنين ازعلوا عليها اهلها وصاحباتها .. انها قاطعتهم وماتواصلهم

فتدور في حلقات مفرغة لأرضاء الزوج والعيال والاهل والاصحاب والجيران

حتى خدم البيت تسوي لهم حساب علشان مايدقون بريولهم ويشردون ..

سوت لكل هذول حساب واعتبار الا .. نفسهـــا !

يمكن أنتو تشوفون هالكلام غريب عليكم ...

وتشوفون ان المراة ملك لبيتها وعيالها وهي لهم ولازم اتضحي لهم وحياتها كلها لهم !

.. لا

المراة لازم يكون لها ساعة خاصة لها ولنفسها ومحد له خص فيها بهالساعة ... من كان يكون

واللي يحبها صج ويقدرها .. يساعدها إنها تاخذ هالساعة اذا ماقدرت تاخذها بنفسها ..

ان بغت تنام والا تقرا كتاب والا اتصفح النت والا تسوي أي شي يجيب لها الفرح والسعادة مهما كان صغير...

لنفسها هي مب لغيرها... تجدد فيها نشاطها وترتيب أمورها .. ويهدا راسها من اطحنة التفكير.

اذا هالساعة الخاصة اختفت من حياة المراة تضيع بوصلتها ..

ومن زود الضغوط تفقد السيطرة على نفسها .. وعلى كل شي هي مسؤولة عنه

فتلجأ لمن يقدر يسمعها ويستوعبها ويساعدها باستشارة أو نصيحة ...

فلما قالوا لها حبي ذاتج ... ماستوعبت هالمفهوم وما أحسنت التصرف..

ويمكن المعاني اللي تحتاجها المرأة علشان تعيش حياة طبيعية ومتوازنة

تستمتع فيها بكل ما تملك من زوج وعيال وبيت وخدم وعلاقات واصحاب

تتمثل في بعض المهارات ... مثل التخطيط الجيد .. التنظيم .. ترتيب الاولويات .. وسائل الاقناع ...

وغيرها اللي تخليها تقدر توفق بي كل هالمهام الجبارة بدون ماتحس بذنب التقصير مع أي حد .

وهالأمور تختلف نسبها بين مراة ومراة .. لكنها هموم مشتركة بين أغلب الحريم.


هالفيديو فيه المعاني الحقيقية لحب الذات ..

واللي تعني التقدير والاحترام للنفس self esteem.. وليس الحب والأنانية!

[راجي الْعفو]

الجودي ..

بوركت ..

اشرتي لنقطة مهمة و أرجو من الأزواج الانتباه لها :


( فتلجأ لمن يقدر يسمعها ويستوعبها ويساعدها باستشارة أو نصيحة ... )


لا تخربون بيوتكم بأيديكم ..

[The Master]

اخوي الكابتن
هل نصنف هذة الدورات التي ذكر مثل البرمجه والطاقه وغيرها من ( المهدئات ) التي مفعولها مؤقت ؟

السموحة عالمداخلة...ع ما الكابتن يبركن البوينج ويرجع...

هالبرامج والدورات بكل بساطه مثل...

اللي خانقته العبره ويبغي يصيح...يبغي حد يسمعه...وعقب يطبطب عليه...ويقول له يو كان دو ات "u can do it" يعني انتي تقدر اتعدي هالمحنه...


وعشانك مثل اللي قاعد عند الحلال ف بيت الشعر وقاعد يقصد ...


وطبعا عشان الاعلام والتضخيم...اوجدوا لها كلمات وعبارات ومفردات اتساعدهم...ف الناس دايما اتدور الشي الغريب...الغالي...المميز...


عقب هذا كله... اعترف...ماودك في صدر يضم جوارحك

[The Master]

اشكرك اخوي علي*
على الاطراء

ومن خلال هالرد انت مطالب بأن تطرح مواضيع مثل مواضيعك القديمة التي لاتخفى على الاعضاء القدماء وتخفى على الاخوة والاخوات الجدد
التي تتميز بسردك الرائع الممتع مث قصه تلك الفتاة وجبل فوچي وغيرها

ماعليك زود يا الشيخ...من طيبك...

[Charisma]

اخوي الكابتن
هل نصنف هذة الدورات التي ذكر مثل البرمجه والطاقه وغيرها من ( المهدئات ) التي مفعولها مؤقت ؟

مرحبا اخوي رحال ..

هالدورات ابعد من ان تكون مهدئات اوفلسفة " المواساه العاطفيه " .. واذا تذكر انطرح موضوع يتكلم عن العلاج بالطاقه .. في هالرابط :

دعاة: "العلاج بالطاقة" تقاليد وثنية "محرمة"

وهذا موقع اخر متخصص في كشف الاعيب واساليب مروجي هالأفكار .

موقع سبيلي

[حـ ن ـيـ ن]

فن الحديث هو الأساس فهناك أشخاص بإسلوبهم لهم القدرة على الإقناع وهذا السبب في إقبال الناس

عليها ...وذلك لأنهم اقتنعوا بما يقوله المدرب أو أي شخص آخر ...

أما حب النفس والذات لا يعني أن ننسى من هم حولنا فهناك من هم في حياتنا أغلى من أرواحنا

سعادتهم تعني سعادتنا وحزنهم يعني حزننا ...

[Charisma]

السموحة عالمداخلة...ع ما الكابتن يبركن البوينج ويرجع...

هالبرامج والدورات بكل بساطه مثل...

اللي خانقته العبره ويبغي يصيح...يبغي حد يسمعه...وعقب يطبطب عليه...ويقول له يو كان دو ات "u can do it" يعني انتي تقدر اتعدي هالمحنه...

مراحب يالقبطان ..


بالضبببببببط.. ولكن باسلوب "ممغط" .. يمتد لساعات ويمكن ايام ..

[The Master]

مراحب يالقبطان ..


بالضبببببببط.. ولكن باسلوب "ممغط" .. يمتد لساعات ويمكن ايام ..

قعدت اشوف تعقيبك ورابط الموضوع القديم للفكرة نفسها...

طلعت من مبطي معاهم


من حقك تتمسك برايك...ويعجبني فيك رقيك ف التحاور وترتيبك ل افكارك ف الطرح والرد...شي جميل

بس انت ليش زعلان

[Charisma]

قعدت اشوف تعقيبك ورابط الموضوع القديم للفكرة نفسها...

طلعت من مبطي معاهم


من حقك تتمسك برايك...ويعجبني فيك رقيك ف التحاور وترتيبك ل افكارك ف الطرح والرد...شي جميل

بس انت ليش زعلان

الموضوع قديم بس النقاش فيه كان " محتدم ".. وشكرا على الاطراء يازميلي البحري .

تهقى زعلان ؟