أكيد المساحة ضرورية بدونها محد يقدر يسوي تخطيط مثل هذا .. هي فكرة بناء حديثة وغريبة شوي واطلاع مب معنى كل شيء ينشر إنه قابل للتنفيذالمشاركة الأصلية كتبت بواسطة SouthK
لي صديق توفق في أرض متدرجة وعمل البيسمنت مفتوح على الحوش النازل وفي قطر .. وكذلك ولد عم بنى بيته بنفس الطريقة واستغل سلوب الارض وكان بامكانه تنفيذ طريقة مشابهة لهذي .. آخر عمل رامب مرتفع للدور الأول يوقف سيارته ويدخل مباشرة وكلهم في قطر
الله يبارك لهم اراضيهم كبيرة يا الغالي ..
آمين هي صحيح نوعاً ما كبيرة
واحد شاريها في لوسيل في جبل ثعيلب هذي اللي على منحدر وتعب في تصميمها حول سنتين .. مساحتها معقولة ما اذكرها بس مب كبيرة كبيرة أعتقد 1500 أو حولها
سوى لفة للسيارات تنزل شوي وتدخل على جزء من البيسمنت يمتد تحت مدخل البيت والجزء الثاني سواه مستوى نازل شوي أكثر ومفتوح على الحوش النازل بتدرج الأرض وفيه حوض سباحة .. يعني مدخل السيارات من الجنب في الوسط
الأرض الكبيرة والبنيان الكبير يكلف وأوقات تحصل بيت صغير مدروس عدل أفضل وأشرح من بيت كبير وحتى يعطي سعر جيد لو حبيت تبيعه
واحد من الاخوان سوى تصميم حق بيت أرضه صغيرة بس بالغ في التصميم شوي وبعدين غيره بالكامل .. تصميمه كان البيت كله محفور الحوش من ثلاث جهات وجهة المدخل لا .. جهة من الثلاث مسوي فيها الملحق طابقين ومظلل الطابق اللي بمستوى البيسمنت بسقف خرساني .. قلت له السقف معرض للرطوبة والماء ويحتاج عزل زين
انا التصميم عجبني وما توقعت يعطونه التخطيط موافقة لكن عطوه والاستشاري ضعيف تعبه في أشياء كثيرة لذلك غير التصميم بالكامل
آلات قطع حديثة
البودرة الحمراء والرمادية والبيج واعتقد فيه غيرها موجودة تبيعها محلات مواد البناء وخصوصاً عند العمودي ويسوون منها الانترلوك .. بس المعامل تغش فيه كثير ويكون مخلوط ببودرة مخلفات بناء تتقشر مع الوقت .. هذي طريقة باستخدام نفس المادة مع حجر مكسر صغير مع اسمنت وعملها كالبلاستر للارضيات وللدرج هنا
بعض المشاريع الفاشلة من ضمنها مطار في برلين تكلف 6 مليار بدال 2 مليار والسبب نواقص في التصميم ومنها نظام الانذار للحريق والاطفاء .. يعني مب عندنا بس
استخدام النانو تكنولوجي في انتاج نوعيات محسنة من الاسمنت بيكون في السنوات القادمة حلول لكثير من المشاكل .. سمعت عن نوعية تستهلك ثاني اكسيد الكربون من الجو وتضخ اوكسجين بكميات كبيرة .. ونوعيات تنتج عطور معينة على عشرات السنين ونوعيات تتشرب الدخان وتخزنه في مساماتها
هذي نوعية تعتمد على الكربون في ثاني اكسيد الكربون لتقوية الخرسانة بما يسمى عملية ال Curing أو الإدامة كأقرب ترجمة عربية لها والتي تعتمد في الوقت الحالي على الماء .. يعني بنحصل خرسانة في المستقبل القريب مايلس
بيت بمساحة وسطية مفتوحة .. حوش وسطي .. مكتوب مساحته 330 متر تقريباً بس اعتقد هذي مساحة مسطح البناء الأرضي أما مساحة الدورين بتكون ضعفها وأكثر لو اعتبرنا مساحة السطح المبني
أعجبني التوزيع والتصميم البسيط وحتى السعر فوق المليونين بشوي
شغل نظيف ما ينطبق عندنا ولا اظن بيوصلنا
شفت مرة بنيان طابوق ومثبتين عليه قطع خشب بعرض فريم الدريشة وبعدين ركبوا الدرايش على الخشب وعزلوا حولها مع الطابوق
ضوابط المشاركة
رد مع اقتباس