يوتيوبيات البناء .. مقاطع تثقيفية متجددة

[معماري قطري]

مقطع جديد لإتمام أعمال بناء البيت اللي تابعنا مقاطع كثيرة له فوق 60 مقطع

[معماري قطري]

هذا مقطع سابق ما ادري حطيته أو لا بس البيت شكله مطول وهو ينبني

[معماري قطري]

المقصود بالساب بيس اللي هو تحت القاعدة ومصطلح يستخدم في الغالب للطرق لأن نوعية الدفان خشن ومتدرج في حجم حبيبات الدفان وحجم الحجارة فيه ما يجي كبير .. ينفع للبيوت أكيد

[معماري قطري]

طريقة استلام الحديد وقراءة المعلومات عليه تقريباً وحدة في كل العالم بس تنزيل الحديد بهذي الطريقة لو كان مغلف بالايبوكسي يخرب التغليف .. هذا عادي تنفع معاه هذي الطريقة الايبوكسي يحتاج تنزيل بعناية باليد أو بكرين يرفعه وينزله على عوارض خشبية

[معماري قطري]

[معماري قطري]

الكانات ما لها داعي أصلاً في داخل الجسر والمفروض نهاية حديد العصب يتم حنيها حتى تثبت أكثر في الجسر .. المهندس يقصد إن المقاول أوقات يسوي فوق المطلوب وأكيد بجهل منه

[معماري قطري]

الكانات نستخدمها بحسابات خاصة ونستخدمها أكثر كل ما قربنا من الحامل سواء عمود أو جسر وتكون أقل في الوسط .. وهي لمقاومة أي شد أُفقي

[معماري قطري]

مبنى صممه فرانك لويد رايت قبل ليتوفى وتم بناؤه

أفكاره حلوة من ضمنها فكرة الحديقة الداخلية اللي انا مفكر اسويها في تصميمي حق بيتي وكنت افكر في طريقة تهوئتها واستغلال تهوئتها أو دمجها مع تهوئة غرف البيت .. بيكون الهواء يدخل من الخارج مفلتر عن الغبار والحشرات .. ويمر في الحديقة الوسطية يتشبع بالأُكسجين وهذي الحديقة بتكون في أغلب الوقت حيز مغلق بحواجز زجاجية قابلة للفتح وفي حال اغلاقها أو فتحها دخول الهواء للغرف المغلقة بيكون عن طريق فتحات تهوئة تمر عبر بايبات خاصة ومفلترة كذلك وتدخل للغرف ومنها تنشفط عبر مراوح دورات المياه للخارج فبيكون تجديد الهواء دائم .. وحتى الضغط على بعض الأبواب بيكون 0 لأن دخول الهواء الموازي للضغط متوفر

[معماري قطري]

شغل خشب ياباني

[معماري قطري]

ب 110 ملايين بس