كثير مهندسين يخطئون وكثير يعتبرون مفتش ما يرتقي لدرجة مهندس
فيه وضع درسناه هو ما يسمى بالأعمدة الرفيعة وهذي تحتاج توازن وكل ما طالت مقارنة بمقطعها العرضي كلما كانت خطرة .. قبل كانت هذي عقدة كبيرة عند المسيحيين وباقي العالم .. المسيحيين يبنون كنائس مرتفعة وحوايطها سميكة وايد حتى تحمل السقف الثقيل وابتكروا ما يسمى Flying Buttresses وهذي عبارة عن أعمدة خارجية طايرة في الهواء بدون ما تحمل الا قوس أو عارضة تدعم الجدار .. واللي يروح اوروبا يشوفها وببحث بسيط في الانترنت بتحصلون معلومات عنها
المسلمين ابتكروا القوس المسنن اللي يحول الوزن عمودي للأرض ولا يدفع الجدار للخارج كما اعتمدوا الأعمدة الضعيفة والمربوطة مع بعض بقطعة خشب أو حديد .. كانوا يعتمدون على الحس والنظرة الفنية أكثر من الحسابات الدقيقة مع إن الرسم والحسابات كانت موجودة لكن الشغل اليدوي كان أكثر