|
عندما يكون التصميم الانشائي رخيص أو التنفيذ فيه سوء أو غش هذه النتيجة .. التصميم الإنشائي المدروس يكون متوازن بين الأمان وديمومة المبنى وتكلفة هذا النظام الإنشائي الزيادة كثير في جزئية معينة واغفال جزئية أُخرى بسبب التصميم أو التنفيذ معناه في الأول دفعنا أكثر من اللازم وفي الثاني ممكن نكون خسرنا المبنى بالكامل .. لذلك اختيار المصمم الجيد مهم واختيار المقاول الجيد والمتمكن مهم واختيار المشرف الجيد مهم
شغل عالمي اعجبتني سالفة المطبخ
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
عندنا عدة شركات تسوي هذي النوعيات كلها ومن عشرات السنين بعضها سكرت وبعضها للحين شغالة وبنفس المطابخ تقريباً .. العملية سهلة وسهلة جداً حتى وتحتاج لنقل وأوقات لدرجة حرارة مضبوطة بحدود ال 25 الى 30 وترطيب دائم للخرسانة وفي المعمل الأُمور سهلة جداًالمشاركة الأصلية كتبت بواسطة سعود.
الوالد علي بن حمد العطية الله يغفر له يذكر لي العراقيل اللي تمت في بيوت الدفنة قبل حيث إن البلدية ألزمتهم باستعمال مياه آبار مالحة خربت الخرسانة بعد فترة .. المياه ضروري تكون مقطرة وخالية من الكلور والأملاح والمواد الأولية الحين تجلب من الخارج مثل القابرو والرمل عالي الجودة .. هذي لو تم استعمالها البريكاست بيكون أفضل خيار للبناء في قطر والمفروض يكون الأرخص لأن خرساناته مدروسة وبحديد قليل وغالبيتها مجوفة خصوصاً للأسقف .. لكن صناعة فيها طمع كبير وربح مضاعف أضعاف كثيرة
حبيت ما قاموا به شركة قطر ردي مكس بحيث يصبون كل قطع البناء في المعمل ويشحنونها للتركيب في الموقع يعني تحفر للأساسات وتركبها بكرين في يوم واحد .. بعدها تركب العمود في تجويف خاص له وبعدها الجسور وبعدها الأسطح الهولوكور أو المجوفة وبعدها بناء الطابوق يتم بأي طريقة .. ويقدرون يسوون أي تصميم تبغيه واللي تحتاجه كرين وكم عامل فاهمين ومدربين صح
ملاحظة البناء الجاهز يكون أقوى بكثير لأن بين العمود والجسور يكون فيه روابط معدنية مناسبة ببراغي قوية وغالية وهذي تعطيه قوة خيالية وتفرق عن الطرق التقليدية .. حتى لمواقف السيارات متعددة الأدوار أخطأوا في السابق بتركيبها بدون روابط في أمريكا وبعد زلزال وحركة جانبية طاحت القطع وصار انهيار كارثي .. الحين كلها مربوطة بروابط حديدية خاصة سواء للجسور أو للمواقف وتنبني في ايام معدودة واستوت مع مرور الوقت ارخص بكثير
للاسف عندي احباط من شركاتنا المحلية مع اني اكيد ماعرفهم كلهم
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
عيبهم قلة التطوير وضبط الجودة والمحافظة عليها .. والدعاية القوية اللي تخلي الشركة معروفة .. وبعضهم يشتغلون كم مشروع ويوقفونللاسف عندي احباط من شركاتنا المحلية مع اني اكيد ماعرفهم كلهم
في السابق اعجبت بمباني شركة العطية وكنت اسوق لهم تسويق مستحق واتعب وانا اقنع جهة شغلي ويقتنعون ويقولون لي جيب لنا عرض سعر .. توقف على عرض السعر واستغرب من الشركة يحسون إنه ما فيه جدية ووقفوا تقريباً .. آخر شغلة سووها عن طريق شركة المانع اللي اعرفها ويمكن سووا غيرها كانت تكسية العمارات اللي في مدينة حمد الطبية .. هذي كلها بنلات بريكاست كبيرة وثقيلة سووها وركبوها في وقت قياسي وكان سعرهم ارخص من سعرمعامل دولة غربينا
معلومات عن نظامين في العزل المائي للمباني الأمريكية وأكيد تختلف في المواد بس بدينا نستعمل نفس المواد منها في مبانينا هنا حتى لو بقلة
ضوابط المشاركة
رد مع اقتباس
