مؤكد من الأفضل نسوي حسابنا للنوعية اللي بناخذها ونحجزها قبل وناخذ مقاسات الكتلوج نسوي الفتحات على أساسها وتأسيس التركيب
مؤكد من الأفضل نسوي حسابنا للنوعية اللي بناخذها ونحجزها قبل وناخذ مقاسات الكتلوج نسوي الفتحات على أساسها وتأسيس التركيب
شيصير لو مددت بايبات المياه في مجرى مفتوح قرب الحايط وتحت بلاط الأرضية .. يعني يكون تركيب البلاط في طرف واحد بالسيليكون ممكن تفتحه أي وقت وتحته مجرى مفتوح للبايبات تقدر تفحصها وتغيرها بسهولة .. للمغسلة ممكن تمدد بنفس الطريقة بس في الحايط يعني وصلة من البايب التحتي المخفي بالبلاط وتروح للمغسلة ونفسها للشاور والبانيو والكرسي .. أشوفها أسهل من التكسير في غالب الجدار والمجرى قرب الجدار محد بيدوس على البلاط اللي محاذي للجدار بيكسره
كلامك صحيح ولو انتقدتك بانتقد نفسي لأن هذا يعتبر تأسيس محد يستهين فيه .. وتصدق من أصعب التصاميم والخيارات هو تصميم دورة المياه تصميم مناسب لكل القطع .. ثلاث قطع والحمام طولي الوضع سهل .. التصميم مب بس يكون لمكان القطع تدخل فيه الإنارة الطبيعية والصناعية والتهوئة واختيار المواد والقطع المناسبة .. كيف يكون عملي
بعد الاطلاع الدائم حبيت اللي يكون مقسوم جزء للشاور والجكوزي أو البانيو يكون مغلق بقزاز عن ترشش الماء وممكن نسوي فيه نظام بخار وقسم مقابل الباب للمغسلة أو لمغسلتين .. منطقة المغسلة لازم نضمنها أما أرفف تخزين خلف المرايا أو تجويفات جانبية أو صناديق جانبية في الحائط أو أدراج تحت المغسلة .. الخيارات التصميمية متعددة بس ضروري نحاول نحددها وفتحة البايبات للصرف والتغذية ما تهم وايد في هذي الحالة .. أخيراً منطقة الكرسي والبديه أو جهاز غسل الأقدام للوضوء .. بعضهم يعملها منطقة مغلقة مستقلة وهذي مناسبة للي عادي يستخدم الحمام هو وزوجته بس ضروري يركب مغسلة صغيرة .. الحمام اللي بيكون لشخص واحد النظام المفتوح له أحلى بس الشاور والجكوزي مثل ما ذكرت
أحد الإخوان صمم وبنى وخلص سوى حمام رئيسي وجنبه ثاني صغير لمغسلة وشاور وكرسي فقط .. يقول احتياط ولو اخترب واحد يقدر يستعمل الثاني واشوف كلامه صحيح
شغل عزل وتكسية للداخل لبلكونة
نقدر نستعمل نفس المبدأ لعزل أي غرفة حرارياً ويعطينا عزل صوتي كذلك بس لازم ناخذ احتياطات لمنع وصول أي شرارة للفوم والأفضل تغطيته بسيبوريكس وما دام بنركب سيبوريكس نسويه خارجي أكيد أفضل