يوتيوبيات البناء .. مقاطع تثقيفية متجددة

[معماري قطري]

درس انشائي بخصوص عمق التأسيس حسب دراسة مبسطة للتربة بس مهم نعرف تقدير الحمل الوزني على العمود .. انا اشوفه ما يستعمل عندنا مع إنه مار علي خلال دراستي .. عندنا دوم مبالغات في تقليل قوة تحمل الأرض وكذلك مبالغات في تقدير الأوزان ومبالغات في تصميم أساسات كبيرة

شعارهم مال عمك لا يهمك

[معماري قطري]

[معماري قطري]

[معماري قطري]

الفيديو اللي فات للدرج بنيانه بالخشب سهل وهو غلط في اتباعه للكود ورجع التزم .. أكيد الكود يقول ارتفاع العتبة ما يزيد عن رقم معين بس مب معناها نسويه بالضبط ممكن نسويه مريح ونزيد العتبات ونقلل ارتفاعها مثل ما ناقشته كم مرة .. أكيد أي ارشادات أو كود في العالم مهما يكون ملزم تركيزه على رقم مثالي يناسب الكل لكن ارتياحنا الشخصي ممكن يختلف وما فيه داعي نروح للرقم المذكور وممكن نسوي أقل للارتفاع وحتى العرض ممكن نلتزم بأقل عرض مسموح أو ممكن حتى ما نبالغ في مساحة ضائعة

[معماري قطري]

[معماري قطري]

[معماري قطري]

هذا واضح إنه خطأ تنفيذي وليس تصميمي والمسؤولية تكون على المقاول وعلى المهندس المشرف تضامنياً .. المشكلة عندنا مثل هذي القضايا تاخذ دورة طويلة ومحامين وفي النهاية يمكن يلبسون الخطأ المالك بأنه أهمل يعين استشاري مشرف مثلاً .. مع إن الأخطاء الانشائية التنفيذية المفروض يكون مسؤول عنها المقاول 100% في حال عدم وجود مشرف أو 50% على المشرف والباقي على المقاول .. لو المشرف صور كل شيء وكل شيء كان صحيح قبل يكون حمى نفسه .. بس بيطلع السؤال المهم وين المشرف وقت الصب وأتوقع المسؤولية ممكن تخف عليه بس في كل حال من الأحوال لا بد من صياغة قانون واضح وإيجاد لجنة خبراء تحدد المسؤولية بسرعة وسهولة بوجود قانون واضح وبلا ثغرة

[معماري قطري]

فلم رعب بالنسبة لي وأكيد باخاف من المغامرة بالركوب .. والمسؤولية اتوقع واضحة على الاستشاري المشرف والمقاول ولو التفاصيل التصميمية نفذت صحيح فبيكون المصمم هو المخطيء واعتقد يتضامن معه الاستشاري والمقاول .. حتى لو التصميم خطأ من واجب المقاول يوضح هذا الخطأ ويصححه وكذلك المشرف الهندسي

[سالم الزهران]

اذا الموضوع في عربستان فماغير راسك وراس المقاول، الاستشاري الهندسي ياخذونه بعض الناس فقط.. واعرف لك مهندسين استشاريين عندنا يطلع معك باليومية.. أمور البنيان صارت معروفة عند العامة والخاصة وكلن له طريقته.. وايد ناس عندنا يبنون بدون مقاول حتى.. العمال موجودين ومب محصلين شغل.

[سالم الزهران]

لي جاء لك فرصة بو عبدالله.. سو لنا موضوع عن المسابح... موضوع سبشل ويمكن انت قد سويته بمشاركات ما اتذكر والله!