يوتيوبيات البناء .. مقاطع تثقيفية متجددة

[معماري قطري]

هذي صورة بو زيد لما أقصد الخطوط المتقطعة المسار المتوقع للأشعة لو الشمس غربية أو شرقية لكن هنا بتكون جنوبية وبتكون عمودية أكثر .. هذي الزاوية باحصل عليها أول الصباح بس بتكون من جهة المشاهد والسطوع بيكون على حائط مدخل المكتب فوق الكبت الموجود

المهم باحاول اسوي هذي النافذة أكبر ما يمكن عرض وإرتفاع وممكن أخليها زجاج عادي شفاف ثابت حتى تعطي اطلالة للسماء وأكيد بدون ستارة بتكون

على اليمين ممر بين الغرف وقوس وبعدين جلسة طعام صغيرة وبعدين الصالة .. جلسة الطعام فوقها منور هرمي عميق بس استويت مب مقتنع به باسويه مستطيل وبالغي القوس الفاصل بين جلسة الطعام وممر الغرف .. بيكون جدران تضيق مدخل الممر شوي بس بدون قوس فوق .. فوق سيدة بيكون سكايلايت طولي بطول 4 متر في 1.6 متر عرض يبدأ من باب الغرفة لغاية طاولة الطعام تقريباً أو باسويه 6 متر طول باشوف المناسب

[سالم الزهران]

تصاميمك يا ابو عبدالله يزينها التجرد من الأمور والتفاصيل غير الضرورية، احب هذي النقطة جداََ، اما بالنسبة للأجزاء المواجهة لسطوع الشمس فهذي أظنها مهي السبب في تفضيل الواجهات الشمالية والغربية على الجنوبية والشرقية. اظن الناس بمنطقة معينة تفضل واجهات معينة واماكن معينة تحس المدينة او التخطيط العمراني كله متوضع عليها. هذا احساسي ولا ادري اذا فيه غلط.. يجوز

[معماري قطري]

متعود يومياً صيف وشتاء أفتح الدريشة الغربية والشرقية وأقصد أفتح الستارة الخشبية ذي وتوصلني أشعة الشمس .. في الصيف يكون اتجاهها جنوب عني في موقع جدامي .. ألحين توصلني لو التفت يمين في وجهي بس الشمس حلوة وصحية وتقدر تتفادى شدتها بأنواع الستائر .. إختياري لهذي النوعية موفق سهلة الفتح والإغلاق وشكلها مقبول

[معماري قطري]

تصاميمك يا ابو عبدالله يزينها التجرد من الأمور والتفاصيل غير الضرورية، احب هذي النقطة جداََ، اما بالنسبة للأجزاء المواجهة لسطوع الشمس فهذي أظنها مهي السبب في تفضيل الواجهات الشمالية والغربية على الجنوبية والشرقية. اظن الناس بمنطقة معينة تفضل واجهات معينة واماكن معينة تحس المدينة او التخطيط العمراني كله متوضع عليها. هذا احساسي ولا ادري اذا فيه غلط.. يجوز

التخطيط يا اخوي مجبورين على كل الواجهات تقريباً وصعب يلتزمون باتجاه معين

[معماري قطري]

شيء يمكن كثيرين يجهلونه هو اتجاه الملاعب وميادين الرماية استغربت إن لازم تكون مقابلة شمال

[معماري قطري]

[معماري قطري]

[معماري قطري]

رأيي التكييف لو بنحسبه لأي ارتفاع أكثر من 3 متر ما نهتم بالعكس المفروض يكون أقل والسبب إن المكيف يشتغل لتبريد الهواء الواقع تحت 2.5 متر حتى لو عندنا دكت سبلت يدفع لللأسفل ولنفترض يدفع من ارتفاع 4 متر السنسر يكون في العادة بحدود ارتفاع متر ونص والحرارة تتدرج مع الإرتفاع وعنده تكون الحرارة المضبوطة اللي نبغيها .. فوق تتكدس الحرارة لأن الهواء الحار أخف ويرتفع فوق .. الهواء الحار الراكد المرتفع فوق يعتبر طبقة عازلة وبعيدة عنا ما تدخل المفروض في حسابات التكييف بشرط إن بيتنا يكون معزول عزل جيد .. لو غير معزول اللي يصير التكييف ما يلحق يبرد لأن الحرارة الداخلة من الجوانب ومن تحت تكون كبيرة .. والعزل الجيد شرحته وذكرته مرات عديدة هو ببساطة تغليف عناصر البيت بالعازل بدون ترك ثغرة غير معزولة تكون جسر حراري

[معماري قطري]

[معماري قطري]

الخزان اللي فوق موجود في قطر من زمان بس مشكلته غالي .. يقدرون يفصلونه حتى بتشكيلة الفراغ تحت الدرج للعمارات مثلاً