فيديو طويل أتابعه على دفعات مدته فوق الساعة .. ما اقدر أعلق على كل جزئياته بس أتوقع كلام المهندس صحيح في كل جزئياته
|
فيديو طويل أتابعه على دفعات مدته فوق الساعة .. ما اقدر أعلق على كل جزئياته بس أتوقع كلام المهندس صحيح في كل جزئياته
شغل سهل ونظيف اي واحد يقدر يسويه حق بيته لحديقة نازلة جانبية يتجمع فيها ماي المطر بدال ما يتجمع قرب البيت والأساسات .. عندهم غير حكومات تتصرف بحماية الشوارع وتصرف المياه عنها عندنا الوضع غير أسهل شيء حفرة امتصاصية وخل المياه في أرضك
نتمنى نشوف هذي الآليات تشتغل على شواطينا وشوارعنا ومطاراتنا
لا عدمناك اخوي معماري.المشاركة الأصلية كتبت بواسطة معماري قطري
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
ولا فقدناك إخوي ساوث كي
هذا شغل نظيف لسحب المياه من قرب البيت والعجيب في الأخير وصخوا الشارع بالماي والطمي بس قانونهم واضح مهم حماية البيوت وماي الشوارع مسؤولية الحكومة مب مثل قانوننا العجيب اللي كل يوم مهندس خريج جامعة خربطلي يقترح نحفر للمياه في البيوت وتتصرف صوب الأساسات والمواطن بعدين لين عانى واشتكى يستوي الشغل اللي سواه سلبي عليه وعلى ميزانيته وبدون فايدة تذكر
الفيديو عطاني اقكار طيبة .. ما قصرت!
وشو سالفة الماي اللي ينصرف صوب الاساسات؟؟؟؟؟؟
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
زين الله يسلمك وهذا الهدف من الموضوع التوعية ومشاهدة شغل يستوي فيديو وصوت أفضل من الشرح والمخططات
سالفة الماي هذي الله يسلمك يطلبون من أي شخص يبني حالياً يعمل حفر امتصاصية في بيته .. نفس سالفة خزان الصرف الصحي التعيس القديم اللي فيه طابوق مفتوح مركب بالعرض وغرقوا مناطق كاملة سنين طويلة بمياه الصرف الصحي بس هذي أنظف شوي .. ببساطة الماي اللي ينزل من سطح البيت تغرقه وتدفنه في أرضك مهما تكون صغيرة .. يسمونها سوك أواي وحتى بدون مضخة ومضخة بتضخ الماء وين هم يبونه تحت الأرض وحول الاساسات ما همهم المهم ما يعتب باب البيت
أشوفه قرار خطأ وبيسبب مشاكل مستقبلية والأسهل بمراحل يخلون الناس تجمع المياه هذي في منطقة مزروعة لو بيوتهم كبيرة وتكون منخفضة أو يسمحون بتصريفها للشوارع والشوارع تكون فيها شبكة مياه أمطار مثل ما عملوا في العزيزية وأتوقع بعض المناطق غيرها .. حل أخير أمطارنا قليلة وشبكات الصرف الصحي تتحمل وشبك بعض تصريف البيوت لمياه المطر بهذي الشبكة ينظفها ويخلي المياه تجري وتروح كلها للمعالجة .. حتى مياه الشوارع والبر تحتاج معالجة وتمر على ملوثات كثيرة
حل أخير يعتمدون التصريف السطحي لكل منطقة صغيرة أو محلية ويوجهون المياه ببايبات تحت الأرض والشوارع سطحية بسلوب بسيط جهة أرض فاضية محفورة لتجمع المياه وهذي يزرعونها زراعة تجميلية
طرى علي وقت البناء يوم فرغنا الماي من السطح لختبار العازل المائي تجمع الماي في قاع بير المصعد مع ان المسافه بعيده بينهم . واكيد تفريغ ماي الاختبار يوصل للاساسات لان الاغلب يسوينه قبل الدفان والتبليط والتصريف .
لو مثلا يتم تصريفها بموتور ماي بعيدا عن البيت او في خزان كبير من شركة العزل يكون افضل .
او حل اخر ؟؟؟؟
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
ضوابط المشاركة
رد مع اقتباس