شغل غلط
حهاز الليزر ينضبط بحيث يلامس سطح البلاط ومب مهم وين ينحط ممكن نسوي له قاعدة أي مكان وبالنور نشوف سطح البلاطة تحت النور بشوي .. ثاني شيء المونة المستخدمة اسمنت عادي وهذا واضح بورسلان ويفك بعد وقت .. ثالث شيء الرمل مشكلته بيئة للنمل بكل أنواعه
|
شغل غلط
حهاز الليزر ينضبط بحيث يلامس سطح البلاط ومب مهم وين ينحط ممكن نسوي له قاعدة أي مكان وبالنور نشوف سطح البلاطة تحت النور بشوي .. ثاني شيء المونة المستخدمة اسمنت عادي وهذا واضح بورسلان ويفك بعد وقت .. ثالث شيء الرمل مشكلته بيئة للنمل بكل أنواعه
شرح ممتع كما عودنا مساعد القفاري لفيلا متميزة في الكويت
مهم للي مقبل للبناء يتابع ويعرف التفاصيل
ياخوي هذيلا ينزلون مقاطع بس عشان يقولون انهم استخدموا او جربوا طرق جديده، ولا هو شغال يوزن بالنظر.. وتلقاه يبلط بالحاسه السادسهالمشاركة الأصلية كتبت بواسطة معماري قطري
اللهــــــم ارحم أخي فايز واسكنه فسيح جناتك وسائر أموات المسلمين
اللي ما عمره انغبن اتوقع ينغبن في البنيان. الا اذا انه توفق في ناس تخاف الله.
اللهــــــم ارحم أخي فايز واسكنه فسيح جناتك وسائر أموات المسلمين
إخوي بو زيد عناصر البنيان الحديث سهلة .. تصميم ومواصفات مواد ومواصفات تركيب بعدين عقد واضح وبعدين اشراف من قبل مختصين وتدخل المالك يكون بالمعقول
إذا جبت كل شيء في عقد واضح وملزم وإخترت القادر وبشروط مالية ملزمة ما عندك مشكلة .. المقاولين يبدون مع المالك بفكرة والا اقتراح لو وافق عرفوا إنه سهل وواصلوا اللعب .. بعدين ما يقولون إحنا إقترحنا يقولون انت طلبت منا وحتى يثبتون له بكتاب منه ومن الاستشاري
التغيير جايز وله أسبابه وله تحديداته المفروض في العقد وحسب اتفاق مكتوب واجتماع مع الإستشاري وتوضيح لكل الجوانب أما تغير وتتشتت وكل شيء شفهي هنا بداية المشاكل
إذا عقدك ومواصفاتك ورسوماتك واضحة وملزمة مقاولين كثيرين بيعتذرون لأسباب .. التفاصيل صعبة وما يقدرون عليها أو ما يعرفون يسون هالشغل أو بسبب الوقت والشروط المالية ما عندهم امكانية وعندهم شغل ثاني .. هنا تدخل المفاوضات والإلغاءات أو الإضافات .. مثلاً أرضية إعترض على مواصفات تركيبها ويبغي يركبها مثل رفيجنا السابق تقدر تقول التزم بالعقد والأرضيات باسويها عن طريق مقاول ثاني .. ممكن إنت بعد تشوف هالموضوع سهل والمقاول معترض عليه تقول له امسك الباب وتشوف الأقرب له في عرض السعر
بعدين حط ثقتك في مهندسين ينصحون بدلائل واضحة ونقلت مثل هالفيديو مع التوضيحات اللي بيقتنع بطريقة الفني هذا هو يتحمل مسؤولية إختياره وممكن إختياره يمشي حالة لكن ممكن تستوي انحناءات وهبوطات لأن الرمل ضعيف .. ممكن يطلع نمل .. وشبه مؤكد البلاط بيتفكك خصوصاً لو كان بورسلان أو حتى بلاط فخاري مضغوط ولا يمتص الماء
ليش أغامر على نسبة نجاح بسيطة خلني مع نسبة 90% ناجح وأعلى حتى لو كلفتني شوي أكثر وشبتكلف؟
لي صديق قريب قال بادفن وباركب شوي رخام لبعض الأماكن وشوي بورسلان ونصحته يحط سكريد كامل بدون دفان كلش .. الدور التحتي يحتاج خرسانة انشائية وفوقها بعد سكريد .. شاف عامل يقول أمين وبيدفن وعطاه سعر وايد مبالغ فيه يوم حسبته قلت الخرسانة لو تطلبها ردي مكس بتطلع أرخص من الدفان وتأكد من أشخاص ثانيين واقتنع بالسكريد
جبت المفيد يبو عبدالله، تخيل لو القانون قوي شوي، الظاهر بيختفون المقاولين من الديرة.
اللهــــــم ارحم أخي فايز واسكنه فسيح جناتك وسائر أموات المسلمين
هذا الكلام الله يسلمك يخرعون به الساسة وكبار المسؤولين وبنفس الوقت يخرعون به البسطاء .. والقائمين على هالصناعة سواء كانوا مهندسين ومسؤولين عن ضبط الجودة وضبط الحقوق ما يدوشون راسهم .. يعني فايدة مزدوجة يجيك يشتغل المتردي والنطيح وبنفس الوقت مشاريع الدولة ما يدخل فيها الا القادر وبغالي جداً وأوقات تحصله دون المستوى
شوف الدول المتطورة بعضها فيها البناء غالي بس تحصله متطور ودوم يتطور وعندهم مدارس هندسية وعمالية وعندهم صناعة مواد متطورة وتنتج دوم وتصدر بثقة .. دول ثانية كثيرة العمال مثل الصين وماليزيا وجنبنا ايران باكستان والهند ينولد فيها الولد عامل والبناء فيها تقليدي وتقليد له عراقة .. بعد عندك اليمن والمغرب من ضمنهم وأتكلم عن المدارس العريقة حتى ممكن مصر بس للأسف كثيرين يدخلون إنهم متعلمين وفاهمين الشغلة وهم دخلاء
نجي للدول كثيرة العمال والرخيصة نوعاً ما مثل الآسيوية هذي استوى فيها شغل هندسي وعلمي قوي وأكيد فيه تفاوت من شخص لشخص .. وهذي اللي قايمة عليها صناعة البناء عندنا ضيف عليها التركية بعد اللي جات وسط بين الأُوروبية والآسيوية وصراحة قوم جبارين علمياً وعملياً وما قصروا في مشاريع قطر الحديثة .. حتى القطاع الخاص استفاد منهم .. لكن مشكلتنا إحنا معاكم ومع البقية في هذا القطاع اللي الدولة والمسؤولين مقصرين فيه كثير والأسباب واهية وأكثرها إقناع الناس بأن العمالة الرخيصة والمواد الرخيصة هي اللي تنفع للناس العاديين
ممكن اقنن العملية أكثر ويكون عامل رخيص ومرخص وجيد جودة مقبولة أقل شيء .. وممكن أرفع مواصفات المواد ومواصفات التركيب وتفاصيل العمل بس في بيئة تنافسية طيبة واسعار معقولة
ضوابط المشاركة
رد مع اقتباس