شيء بسيط إخوي سعود ولا له تأثير هو لو يشيل العمدان بالكامل ويسوي الطابوق اللي مسويه بيمشي حالهالمشاركة الأصلية كتبت بواسطة سعود.
بس فكرة حلوة حاولت أشغل نفسي بتنفيذ مجسم ثلاثي الأبعاد هذا يمكن فكرته يسوي مجسم حتى بالمواد نفسها
|
شيء بسيط إخوي سعود ولا له تأثير هو لو يشيل العمدان بالكامل ويسوي الطابوق اللي مسويه بيمشي حاله
بس فكرة حلوة حاولت أشغل نفسي بتنفيذ مجسم ثلاثي الأبعاد هذا يمكن فكرته يسوي مجسم حتى بالمواد نفسها
هههههههههه
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
هذا عجيب فيه تعشيش وايد بس ماشي حاله
والله فنان
هههههههه
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
أفضل بوردات الستايروفوم المضغوط تكون قوية ومنها سماكات مختلفة نقدر نقص منها ونحفر بمقدار لتوزيع الحوش وحفر مستوياته المختلفة .. بنفس الوقت يكون قوي كفاية وثابت وخفيف تقدر تشيله لأي مكان
نجي للمقياس المناسب .. انا افضل 1 : 100 أو باختصار كل 1 سم للمجسم يساوي 1 متر على الطبيعة .. يعني السرير يجيك 2 سم في 2 سم تقدر تسويه بسهولة من الورق أو البورد أو حتى تنقشه من الخشب .. لنموذج بيتي أحتاج سطح عمل طاولة عادية لو باسوي هذا المقياس .. لكن تروح لمقياس أكبر 1 : 50 مثلاً بتحتاج طاولتين جنب بعض وبتحتاج تسوي قطعتين وتوصلهم ببعض حتى النقل بيكون عندك مشكلة
شفت أمس عنوان فيديو معمل في الصين مسوي مجسم بقيمة 100000 دولار .. وشفت في قطر مهندس عربي معاه عمال فلبينيين مسوي مجسم ومخططات معمارية حق واحد بخمسين الف ريال .. بس الرخصة المعمارية ومن زمان أيام الرخص من حول 20 سنة وهذا بزنس مربح لو الواحد يحصل نوعية العملاء هذي
بس شوف النموذج الأخير إحنا نركز على زيادة الإرتفاع وهذا ارتفاعه اقتصادي كلش والا ما يمثل الواقع
شفت مكتب هندسي يسوي نموذج لنادي رياضي أظن السد .. مسويه مجسم بالكمبيوتر اللي يسمونه وايرفريم هذا تشوف أسطح وزوايا المبنى بس تشوف من خلاله .. بعدين مسوي الظلال رسم يدوي وخلفية السماء والغيوم والأشجار رسم يدوي وماسح الخطوط اللي لازم تكون مخفية .. طالع لوحة فنية خيالية .. مزج بين الفن اليدوي والرسم الهندسي بالكمبيوتر .. هذا قبل كانت قدرات الكمبيوترات بسيطة وصعب تجيب كل هاللوحات والصور كمبيوتر وتظهرها .. يمكن الإظهار أو ما يسمى رندرنغ ياخذ معاك يومين أو ثلاثة والكمبيوتر يحك حسابات وشغل ويمكن يعلق ويوقف .. ألحين تسهلت هذي البرامج واستويت تقدر تحط وجوه أشخاص على هيئات أشخاص أو حتى صور كاملة لهم في المبنى لدرجة البعض يصدق انها صورة طبيعية
نحت بيت في جبل .. شوفوا في النهاية شلون سوى مظلة من الخشب مغطاة بسقف خرساني بسيط
للي عندهم شاليهات زراعة هذي الشجرة وجوز الهند سهل بالقرب من البحر
والري بمياه البحر
شغل 3 دي على الاوتوكاد مع إضافة المواد والإظهار شغل مرتب لأدق التفاصيل
ضوابط المشاركة
رد مع اقتباس