يوتيوبيات البناء .. مقاطع تثقيفية متجددة

[معماري قطري]

هذا طويل بس مهم وتابعته ببعض التعليقات على النص الأول من الفيديو وهذي تعليقاتي في اليوتيوب


كان الأفضل تاخذ من 5 الى 10 سم من عرض الفراغ للمغسلة وللكرسي وتوسع شوي منطقة الشاور لحدود متر أو 90 سم بدال 80 سم .. عندي 90 ومتضايق منه ومفكر في 1.2 أقل شيء والفراغ بيكون معاه جكوزي يعني من فوق يكون أوسع كثير

تقفيل الزوايا بالسيليكون إجراء صحيح والسبب إن الروبة تنفك بسبب اتجاه التمدد لسطحين متعامدين مهما تسوي تنفك ويستوي فاصل يمر منه الماء لذلك السيليكون مرن يضمن إنها تقفل صح

البارتشن للكرسي ما اشوف له ضرورة وغير عملي .. أصلاً دورة المياه صغيرة ولا عندنا مساحة حتى نفصلها ولا عندنا مكان لمغسلة مع الكرسي لذلك أفضل بدون بارتشن لأن مثل هذي الحمامات لشخص واحد فقط

[معماري قطري]

[معماري قطري]

[معماري قطري]

[معماري قطري]

عرفتوا ليش المقاولين يقنعونكم وبعض الإستشاريين معاهم بعمل الطابوق قبل وبعدين صب الأعمدة؟

هذا الفيديو يوضح الجهد اللي ينحط في بنيان العمود والتخشيب كيف والبسكوتات والنظافة حتى الإستشاري يشرف صح وبسهولة

[معماري قطري]

[سالم الزهران]

محاولات مستميتة من دبي للبقاء في مجال العقار والسياحة الدولية ولكن بتبقى بلاد ترانزيت حتى ف الاستثمار.

[معماري قطري]

محاولات مستميتة من دبي للبقاء في مجال العقار والسياحة الدولية ولكن بتبقى بلاد ترانزيت حتى ف الاستثمار.

السعر خيالي وفيه من يدفع

إخوي بو زيد هذي المشاريع العملاقة لها ناسها ودبي وغيرها بيقمعون الناس العاديين واللي ما وراهم قوة دولية أما الأوروبيين والأمريكان دايسين فوق روسهم وحتى الروس والهنود .. ذيلا قوة وتكتل ويحصلون حياة رخيصة وكل اللي يبغونه فرق عن دولهم .. بعضهم بس ياخذ حتى يسافر مرة في السنة ويمكن في 10 سنين وبعضهم يشتري حتى يبيع بعد ما تخلص ويعيش فيها فترة بسيطة

المشروع حلو وراقي واللي همتني فكرته .. قبل من حول 20 سنة قدمت مشروع تخيلي لفندق فيه شغل مقارب .. كان الممر اللي يودي للغرف فوقه مساحة تجي فيها غرفة وتستوي الشقة قابلة تنفتح على جهتين جهة البحر وجهة المدينة ولا صار ولا تطور بمخططات متكاملة كانت بس فكرة معمارية وكان على شكل قوس

[معماري قطري]

هذا اللي فوق شكل قوسين متصلين ومتعاكسين وفراغات في الوسط بكرة بتشوفها جزء مزروع وجزء حوض سباحة مثل ما ذكروا وشغل مرتب .. الجيد هم يمشون على خطة وياخذون فوق حقهم والا 180 مليون على شقة شوي؟ ممكن يعطونها لشخصية معينة ببلاش ويقولون اشتراها وتعتبر دعاية للمبنى كله وممكن أصحاب المليارات يجي ويشتريها ويزايد عليها حتى لو توصل مليار ياخذها

المشروع اللي انا سويت فكرته عرضته على أحد الشخصيات ومنه وصلت لشخصية أعلى ومنصب كبير وعدني إنه يعرضه على سمو ولي العهد وقتها بس قال الوضع صعب وهم مركزين على القطاع الخاص وعدم منافسته وانا كان اقتراحي حكومي ولو ممكن يتحول اكتتاب عام

[معماري قطري]

اللي يخليه يعتبر تحفة هندسية وجوده هو وحيد مرتفع على شاطيء خاص ولسان ممتد في الماء وحوله مباني صغار .. عندنا تحصلهم ملاصقين المباني ومسوين زحمة