تسلمين إختي سارة والله يقويج
انا ما بغيت أعلق على كلامه بس ترددت خفت القاريء يقول إني متحامل على الرخام .. في النهاية هو حجر وصحيح حساس قابل لتغير اللون وقابل يتفتفت بسهولة لو فيه جيوب ترابية ضعيفة .. صيانته لو تخصصية بتكون غالية كأنها تركيب بورسلان بالمواد .. والبديل موجود وسهل وجودته مضبوطة حسب نوعه
والله أتمنى تكون جمعية هندسية لمواد البناء تسعى في التثقيف وفي التأطير القانوني للمهن الداخلة في هذي المواد وترخيص المتعاملين بها وللتعاقد ودراسة وتعديل وحفظ العقود بما يضمن مصلحة جميع الأطراف منها الدولة والمواطن والمقيم وكل مستخدم والمقاول والعامل والمهندس
هذا دبلوماسي يحاول يخش العيوب قد ما يقدر ويسهل عملية إصلاحها
تتوقعون نحصل عندنا في يوم عمال يشتغلون هشكل بذمة وآلات جيدة .. عجبني كيس الاسمنت المخلوط جاهز ومقدار الماء اللي يضاف له هذا لو عملوه عندنا شركات الإسمنت بيكون إضافة تسهل الشغل ومربحة لهم
كيس الإسمنت فيه كنكري حبات صغيرة واسمنت ورمل وإحتمال إضافات خاصة والماي يضاف له بمقدار وقياس محدد
تابعت نص الفيديو وباتابع الباقي بكرة باختصار اوروبا تسعى لعمل شبكة كهرباء يتم انتاجها في دول المغرب وتنتقل اليها لأن الشمس هناك قوية وتنتج كهرباء أقوى بكثير عن عندهم .. إذا هناك شمسهم أقوى عيل شمسنا شنقول عنها تأثيرها يبقى لليل في تصخين الماي وأتوقع بتنتج كهرب حتى في الليل ( لحد يضحك على التوقع )
هي أكيد إخوي بو زيد خلطات مدروسة ومشتغلين عليها والتعبئة تكلف وأكيد الربح فيها كبير ولازم بتكون أغلى .. بس شالأوفر تشتري لك شيء نظيف وجاهز لشغلة بسيطة مب شرط عامل مختص يسوي الخلطة والتعليمات موجودة وسهلة أي شخص يسويها أو تشتري كمية كبيرة وتخلط بنفسك وممكن حتى تطلب ردي مكس .. حتى محلات مواد البناء التخصصية والبسيطة مفتقدينها حولنا
شوف هذا وأهنيكم على الشغل التنافسي النظيف بين مكاتبكم الإستشارية وشغل البناء الرخيص والسهل اللي يقومون به وأكيد بتوجيه وإشراف الدولة
كانوا قبل عندنا يسوون منافسات حق البيوت الشعبية وسكن الكبار وحتى مساكن كبار الموظفين وتحت إشراف الحكومة .. ألحين حتى المخططات الإنشائية تاركينها للاستشاري يسويها في العقد ضخمة ويدفع المالك قيمتها وفي التنفيذ يسوي خصميات للمقاول بإتفاق لك هالكثر ولي هالكثر ومسؤولين الدولة لطاف ما لهم خص .. يقولون المقاول والإستشاري مسؤولين عن متانة البناء ومسؤوليتهم بس 400 يوم بعدها خلاص
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
التوقع اللي أقصده إن شمسنا في الليل تنتج طاقة كهربية وكنت امزح ومبالغة إن شمسنا قوية وايد
هم عندهم أكيد تعاون واستئجار وتبادل خبرات .. المغرب وباقي دول المغرب لازم بيستفيدون والفايدة متبادلة
أتوقع خلال فترة قصيرة العالم بيتجه لطاقة الشمس والرياح بالإضافة للمحيطات والأنهار وبيقل التلوث كثير عن الوقت الحالي .. إذا الزيت المستخدم في الغلايات الشمسية توصل حرارته 400 درجة حتى المصانع ممكن تستفيد من هذي الحرارة