نفس المنزل السابق بتعليق نسائي
نفس المنزل السابق بتعليق نسائي
عملياً لو اتبعنا الطريقة القديمة جدار وبمسكات درابزين بسيطة بنوفر كثير .. ما يعجبني القزاز هشكل ومشاكله وايد ما يحسسك بأمان وتشطيبه صعب خصوصاً عندنا يمكن في السعودية فيه تخصصات وتنفيذ أفضل .. الجدران بالتجويفات بعد والإضائة الصناعية في الليل حلوة وبالإضاءة الطبيعية في النهار تعطي جو غير
هذا رايي للي يبي يوفر والا يدفع زيادة ويركب شيء نظيف وأوقات قيمة الدرابزين بنفسه تكلف أكثر من قيمة بناء الدرج
هل من الممكن يتطبق مثل هذا النموذج عندنا مع تعقيدات التخطيط الأرض 30 في 10 وعندنا الأراضي غالية وأقل شيء حتى تقسمها 600 متر مربع وعندهم على كبر مساحة بلادهم وكثرة المدن استغلال الأراضي صح
صادقة هم يستخدمون مثل هذي المواد لبيوت تجارية ورخيصة حتى يربحون أقصى ما يقدرون في البيع .. واحد يقول لي عن باكستاني باني بيت خرافي يقول ارضه 1200 بس مسويه كبير وشغل متكلف .. مسوي بيسمنت للبيت والمجلس شابكهم مع بعض فيه حوض سباحة وعارضه ب 12 مليون يقول حاولت فيه يبيع بعشرة ما رضى .. ووايد يركزون على ترخيص البنيان ولكل شخص سياسته .. انا لي بنفسي أحب شيء عملي وجميل وما احب حد يستغلني قبل كنت غير آخذ الغالي والماركة .. ماخذ حق بيتي أكثر شيء بلاط فالنتينو الايطالي لدورات المياه دخلت وحدة حصلت اللون طاير ومسود البلاط من الرطوبة .. طبقة السيراميك عليه طارت أو طار اللون وماخذ نوع رخيص وبلاطات كبيرة ما شاء الله عايش ولا أحلى .. كنت من المغترين في بياعين شبيب وعلي العطية بس يوم عرفت إن كلامهم كلام وأسعارهم وايد مبالغ فيها استويت اروح للبدائل عند تدمر وعند المتحدة وعند غيرهم من الصغار
الشطافات وهذي القطع البسيطة يجتهد فيها هذا المهندس والتاجر الفاهم ويشتري المناسب والأفضل عكس اللي عندنا يروحون دول العالم كلها ولا يعرفون يختارون المناسب ولا يسوقون صح .. تصدقين كل ما اشوف شيء جديد أوديه حق ولد عمتي وهو عنده محل للسيراميك وللقطع الصحية وأنصحه يستورد .. الكرسي اللي بدون خزان وبدفع الماي القوي الصيني والرخيص فرصة ويقدر يجيب منه كمية والأهم يسوي لها دعاية بتمشي بسرعة
أفكار لتكسيات قطع الحجر والرخام المخشن الطبيعي المقصوص عشوائي
فكرت شوي من هو رفيجنا بعدين عرفته
حسب المنطقة أكيد وفيه مناطق مايها يجي حار والا بارد زيادة
من أيام مريت بيتي اللي طلعت منه كان مقسم وفيه عزوب طردتهم البلدية وألحين اسوي له صيانة .. ذكريات حلوة وشفت شغلات وايد سويتها ذاك الوقت وللحين موجودة بس لاحظت شابكين الماي بدون تانكي تحت مباشر لفوق للبيت ذيه وبيت جنبه يعني لازم يأجرهم شخص واحد