|
العمود نظافته وأخلاقه العالية تخليه يدخل القلب .. كذلك شغل الطابوق صج أبو أسد
صباح الخير معمارينا
فعلاََ شغل الطابوق في قمة النظافة.
قبل فترة يمكن 10 سنين او ازود شوي، ما كان الطابوق الخرساني منتشر الاستعمال. بس انه بدأ ينتشر يوم زادت اسعار الطابوق الاحمر (البركاني).. كان الطابوق الاحمر الف حبة ب 2400 ريال.. في حين كان الخرساني الف حبة ب800 ريال.. في بدايته.
وبدأ ينتشر، المشكلة الناس صارت تبني فيه في الادوار العلوية وهو ثقيل.
فصار العرف انه يستخدم في الدور الأرضي لانه يشيل وزن و اقوى للجدران.. والادوار الثانية يستخدمون الاحمر.. وفي ناس لليوم تبني به كل الادوار.
الطابوق الثاني الابيض مثل الهلوكور ما انتشر.. رغم ان البعض يقولون عزله حلو و تشطيبة فيه افكار كثيرة حلوه
اللهــــــم ارحم أخي فايز واسكنه فسيح جناتك وسائر أموات المسلمين
مساء الأنوار الشيخ سالمالمشاركة الأصلية كتبت بواسطة سالم الزهران
انتوا عندكم ما شاء الله رخص وفرق سعر كبير عنا وتنوع كبير ومواد أولية جيدة .. فيه بنيان معتمد في دول كثيرة منها أمريكا اللي هو الجدران الحاملة وما تحتاج خرسانات وجسور فقط قاعدة أرضية أما شريطية أو قطعة وحدة وعلى أرضية مرتبة ما اقول لك مدكوكة ممهدة ومزالة الأشجار منها ومعالجة ضد النياتات أو محفورة ومعمول قبو خدمات أوقات حتى بحدود المتر يدخل فيه الشخص يحبو ( crawl space ) يسمونه وهذا فيه خدمات وبنعمل بقواطع طابوق وقاعدة شريطية بسيطة وأوقات بدون لو الأرض قوية ولبيوت كبيرة وقصور وأوقات لمجمعات سكنية ترتفع 4 أدوار أو حولها .. وهذي طريقة بناء قديمة ولا حتى يسوون لها حسابات انشائية وتعقيدات كل شيء معروف عند المقاولين وحسب الكود .. بعدين طلعت طريقة الطابوق المقوى والمصبوبة فيه خرسانة وفيه حديد حسب مواصفات معينة وهذا يوزع القوة على كامل الجدران ما يخلي قوة بنيانك في الهيكل بس .. الهيكل يضعف لكن الطابوق مصنع بجودة عالية وقوة كبيرة .. مرة حسبنا الضغط على طابوقة سفلية في مبنى 3 أدوار على فرضية التحميل على طابوق طلع بالكثير يوصل 0.7 نيوتن في السم المربع وهي تتحمل في الغالب 7 .. يعني 10% من طاقتها
الطابوق عندنا في المباني الخرسانية يعتبر حشو ووزن مؤثر على الهيكل يزيدون قوة الهيكل بوزن اضافي وتستوي أي انحناءات بسبب الوزن أو قصور التنفيذ أو التصميم سبب في ضغط قوي على الطابوق وتكسر .. ضغط على نقاط معينة وأماكن الضغط صفر .. غير عن الضغوط الحرارية
شكلها في تركيا
لاحظت حاطين لوحة فيها لفظ الجلالة في دورة المياه صج علمانيين
شغل سوبر نظيف وكمية الحديد قطعتين أساس من أساسات بيوتنا فيها أكثر
فرشة الرمل الخشن تنضغط ولا تضغط البايبات تحتها وتخربها والعزل الحراري ضروري والبايبات للمياه الحارة والباردة ممددة فوق العازل لأن الأرض تثلج وبايبات المياه تنسد بس عجبني شغلهم للتمديدات شغل ثقة Do it once and only once
ضوابط المشاركة
رد مع اقتباس