يوتيوبيات البناء .. مقاطع تثقيفية متجددة

[معماري قطري]

خزان معدني عيبه إنه مغلفن لكن يوجد من نوعه ستانلس ستيل ما يصدي ومناسب لنا بشرط ينحط في ظلال وبيبرد الماي بسرعة لأنه ما يمسك الحرارة ويسربها بسرعة



سالفة إننا نحط عليه عازل خاطئة والروتومولد هذي مشكلته إنه يعزل الحرارة فلا تطلع ويبقى الماء صاخن

[معماري قطري]

صب خرسانة لعمل مغسلة .. ما عجبني الشغل ويمكن تنفع لكاونتر ونسوي فيه فتحة لمغسلة بس مغسلة بالكامل بيصعب تنظيفها وشكلها مب لين هناك ولا تسوى الشغل ذيه كله

[معماري قطري]

[معماري قطري]

شغل ممتاز ومعقد بس النتيجة شيء حلو

[معماري قطري]

[معماري قطري]

أكثر شيء مزعج في تغيير بلاط الحمام أو المطبخ هو التكسير .. لكن في حال عندنا لاصق قوي والبلاط الموجود ملصوق عدل ما نحتاج نغير ونقدر نركب فوق الموجود مثل ما هو معروض في الفيديو

رأي خاص نحاول قد ما نقدر نقص المونة اللي في الفاصل بين البلاط ونجرح سطح البلاط حتى اللاصق يمسك أكثر

كذلك ممكن نغير نظام القطع ونمدد لها بايبات جديدة ونحط نقاط كهرباء اضافية ونسوي تصميم ثاني .. صحيح بنقص شوي للتمديد لكن كل شيء بيختفي تحت البلاط الجديد وبنفتك من التكسير الكامل

[معماري قطري]

تركيب بلاط على الموجود بالسيليكون وأكيد بعدين نركب مونة للفواصل ونشيل البلاستيك

[معماري قطري]

هذا غير بمونة خاصة وبطريقة يدوية أكثر

زين للأرضية شنسوي بترتفع شوي بحدود 1 سم أو 2 سم لو احتجنا نسوي سلوب جديد ونضبط بعض الفجوات النازلة .. نركب نعلة عند الباب تغطي هذا الارتفاع وتكون بطريقة لافة في بدايتها فتطلع غير محسوسة

[معماري قطري]

تجربة خاصة بي خذت لاصق فوسروك قوي من زمان وركبت به بلاط على سطح بليوت أملس وناعم والبلاط ثابت ما تغير شيء للحين مع إنه ينغسل

[معماري قطري]

شرح لمواد متطورة أكثر واستعمالها في تركيب بلاط على بلاط موجود .. البدائل متوفرة وقريبة من المعروض وقد تكون أفضل