يوتيوبيات البناء .. مقاطع تثقيفية متجددة

[معماري قطري]

فيديو مفيد حول الخرسانة وحمايتها من إخونا المهندس الشيخ أحمد .. والإسم موريتاني مركب وهو من أحد أعضاء مجموعتنا على الوتس أب ونناقش هذي الأمور وكثير غيرها في البناء .. حياكم لمن يرغب بالإنضمام هذا الرابط

https://chat.whatsapp.com/CgdCfGMCFIyK5bpEQAbJOc

[معماري قطري]

[معماري قطري]

منتجات خشبية .. أول مرة أشوف طابوق خشبي ويتحمل الوزن بدون حديد .. ممكن يفتح المجال لصناعات خشبية مشابهة عندنا من بقايا الأشجار .. العازل الصوتي الخشبي بعده .. المنتج الثالث عازل حراري بأساس خشبي يمتص ثاني اكسيد الكربون ويخزنه طول فترة حياته .. تعتبر أُعجوبة تصنيع جسر خشبي يحمل جسر سيارات بطول 32 متر وشوي بدون دعامات وسطية .. زائد منتجات خشبية كثيرة

[معماري قطري]

يرجى ضغط الرابط يحول على اليوتيوب

[معماري قطري]

نقاش حول البلكونات وتطورها وأشكالها وكيف رجعت بقوة خلال كورونا .. يمكن عندنا ما تصلح بسبب الجو وبسبب العادات بس كتجميل لبعض البيوت والمباني ما تكلف كثير وممكن تكون حل مناسب .. عجبتني فكرة استشاري مطبقها لواحد حتى يسوي البيت 3 أدوار كاملة بمسطح 500 متر مربع للدور مسوي المقدمة واجهة مغطاة بتظليل ممتد مثل البلكونة الكبيرة للدور الأخير بعمق 3 متر المطلوب وواقفة على أعمدة طوال .. يعني مجازياً سوى مسطح السقف للدور الأول زود على ال 500 متر المطلوبة بأرضية ما عليها شيء والدور يطلع 500 وال 500 تنحسب كنسبة 70% من أرضية الدور الأخير

[معماري قطري]

[معماري قطري]

أكيد ما اتفق في تغيير الالوان بسبب سالفة موضة قديمة والموضة الجديدة كذا وكذا .. من يحدد الموضة ومن يمشينا على ذوقه؟

الألوان أذواق ولكل لون عكس لشعور وإحساس وذوق ما يتغير الا بتغير مزاج الإنسان وممكن مع العمر .. مثال الأطفال البنات يحبون الوردي والأولاد الأزرق القوي ويمكن بعضهم يحبون الأصفر الفاقع والأحمر والصبغ أسهل شيء نغيره بس المفروض متأسس له صح وحتى أرخص بكثير من ورق الجدران والبعض يحسب العكس

نجي لعودة الفصل في الغرف والمناطق هذي انا معاها بس ممكن نخلي مساحات مفتوحة وانا مع تكثير الغرف ومساحات التخزين وعمل مناطق للغرف سواء تنفتح على بعض أو مغلقة بالكامل مثل منطقة السرير ومنطقة غرفة الملابس والمكياج ودورة المياه حتى لو بشكل صغير سهل نحصل مساحة .. أبواب الحضاير والمنزلقة انا ضدها الا الزجاجية اللي تفتح على مساحات داخلية على الخارج هذي نحتاج لنوعيات محترمة وغالية والمحورية من الطرف بمفصلات أسهل ومتوفرة وتغلق اغلاق تام

متفق مع ما قالته عن المينماليزم ( البساطة )

[معماري قطري]

بيوت اقتصادية بس شرحة .. انتبهت لمواقف السيارات قال 12 عرضها في عمقها 5.2 هذا العمق مناسب لسيارات صغيرة ومتوسطة مثل اللكزس والجي وغالبية الجيبات والستيشن 5.6 وزود

[معماري قطري]

بناء 3 بيوت في أمريكا بمليون دولار .. شغل كامل وجودة عالية مع الطريق والتشجير .. البداية تم تأسيس بايبات الصرف الصحي والمياه قبل الأساسات والبايبات تركيبها بلاصق بدون وصلات بربلات وانا متخوف من الربلات لأن تنتهي صلاحيتها وتيبس وتسرب بعد فترة .. العرب يقولون البيت يتحرك والبيب ينكسر لو موصول بلاصق بس لو انعمل صح شيحرك البيت ليكون يمشي من مكانه

الفيديو مسرع بس بعد سرعوه أفضل

[معماري قطري]

فيه لخبطة في الترتيب بس مشوها .. ما يصير يسوون الدرج قبل الجسور يجهزون له ايه وبعدين يسوونه مثبت على الجسور والارضيات