يوتيوبيات البناء .. مقاطع تثقيفية متجددة

[معماري قطري]

ألحين بيهاوشني سالم الزهران .. السعوديين استووا عباقرة في التصميم والتنفيذ .. قبل كنت أقول ليش يسوون الأبواب تفتح للخارج بس شغلت المخ المصدي عرفت إن جدام البيت حرم لك محد يمر ملامس لبيتك والخدمات الحكومية بعيدة شوي وبعدين لو يفتح للداخل سهل دفعه وكسره بس بصدام هيونداي 3 سلندر واحد منهم اللي يشتغل .. وبعد يفتح للخارج حتى لو الوالد جاي وعيال يلعبون قرب الباب وفتح الباب بدون ما يدري من وراء الباب ما يتسبب في حادث مميت وصارت مثل هالحوادث عندنا .. بعد لو الباب يفتح للخارج يستوي ساتر أكثر ما يتوجه نظر المار لداخل البيت فيه مصدات جانبية .. بعد الهواء لو كان قوي ما يكسر أذرعة فتح الباب وصارت عندنا لبيوت كثيرة منها بيت الوالد كذا مرة

[معماري قطري]

هذا بناء في منطقة جبلية وطينية بسيط واقتصادي بدون مبالغات انشائية .. سرعوه الفيديو طويل

[معماري قطري]

[معماري قطري]

نكسر روتين مراجعة المخططات مع هذا الفلم الطويل ساعتين الا خمس ثواني تابعته على فترات وباقي منه بعد .. بس ممتع للبناء على سفح جبل وبنيان خشبي بس متكامل بكل التفاصيل

[معماري قطري]

هذا درس في تركيب الطابوق وبداية الجدار لازم كل عامل طابوق يعرفه .. تابعوه والله مفيد للجميع .. حتى المونة يدلعها بالزبدة جوعني .. هذا التأسيس بعدين يواصلون عليه وربعنا السعوديين يسمون الفراغ اللي في الوسط القفل يملونه مونة هنا يركز على الأطراف .. شغل الطابوق من أهم الشغلات في البناء وخربوه عندنا الجاهلين به ووايد منهم مهندزين ومهندسين للأسف

[معماري قطري]

عمل حاجز خرساني تحت السور الخشبي للحديقة .. أكيد ممكن محد يحتاجه بس طريقة مناسبة لعمل مناسيب مختلفة للحديقة وحتى أسوار خشبية نفس الشيء أو قريبة

[معماري قطري]

[معماري قطري]

شغل البيسمنت قصة بس شغل أبو أسد

[سالم الزهران]

نكسر روتين مراجعة المخططات مع هذا الفلم الطويل ساعتين الا خمس ثواني تابعته على فترات وباقي منه بعد .. بس ممتع للبناء على سفح جبل وبنيان خشبي بس متكامل بكل التفاصيل

شغلهم ممتع وحياة ممكن تبتكر فيها، المبدع مسموح له والمجنون مسموح له.. يا بختهم

[معماري قطري]

فيه حدود إخوي بو زيد وقوانين وأكيد أراضي وغابات ما ينبني فيها .. بس كل شيء مرتب ومعقول ما فيه مبالغات مثل اللي عندنا